ပျူစောထီး

ပေါက်၊ ဇွန် ၆၊ ၂၀၂၆။

မကွေးတိုင်း၊ ပေါက်မြို့နယ်၊ ကုက္ကိုစုရွာကနေ ထွက်ပြေးလာတဲ့ ပျူစောထီးတွေနဲ့မိသားစုဝင် ၇၀ ကျော်ကို လက်နက်တွေနဲ့အတူဖမ်းမိခဲ့တယ်လို့ အညာမြေတပ်ပေါင်းစုတာဝန်ရှိသူတွေဆီက သိရပါတယ်။

ဇွန် ၅ ရက်ညနေ ၅ နာရီခန့်မှာ ကုက္ကိုစုရွာနဲ့ မြိုင်စက်မှု ၂ သွားလမ်းပိုင်းမှာ ထွက်ပြေးသွားတဲ့ ပျူစောထီးအဖွဲ့ဝင်တွေကို လိုက်ရှာဖွေရင်းဖမ်းမိခဲ့တာလို့ ဆိုပါတယ်။

“ကုက္ကိုစုရွာကို တော်လှန်ရေးအဖွဲ့တွေက အပြီးသတ်သိမ်းပိုက်နိုင်ခဲ့တယ်။ သိမ်းပိုက်နိုင်ခဲ့တဲ့အခါမှာ အဲ့ဒီနေ့ကလည်း ပျူက ၅၀ ထက်မနည်း ဖမ်းမိတယ်။ ကျန်တဲ့ပျူတွေက အဖမ်းလည်းမခံဘူး။ ပြန်လည်ခုခံမယ်ဆိုတဲ့ ရည်ရွယ်ချက်နဲ့ ၆၀ မမတွေအပါအဝင် ဂန်း ၁၇ လက်နဲ့ ထွက်ပြေးကြတယ်ပေါ့။ ကျနော်တို့က တောနင်းရွာဖွေရင်းနဲ့ ဖမ်းဆီးရမိတယ်။ “လို့ အညာမြေတပ်ပေါင်းစုတာဝန်ခံ ကိုဘိုဘိုသန့်ဇင်က ပြောပါတယ်။

ဖမ်းမိသူတွေထဲမှာ ကလေးငယ်၊ အမျိုးသမီးတွေနဲ့ သက်ကြီးရွယ်အိုတွေအပြင် ပျုစောထီးတွေလည်း ပါဝင်ပြီး NUG စစ်သုံ့ပန်းဥပဒေ၊ နိုင်ငံတကာစစ်သုံ့ပန်းဥပဒေတွေနဲ့အညီ ထိန်းသိမ်း စောင့်ရှောက်သွားမယ်လို့ဆိုပါတယ်။

အဲ့ဒီထဲမှာ ကလေးငယ်နဲ့ အမျိုးသမီး ၃၀ ကျော်ပါဝင်ပြီး ကျန်လူတွေက ပျူစောထီးတွေလို့သိရကာ ထွက်ပြေးတဲ့အဖွဲ့တွေကို ခေါင်းဆောင်လာတဲ့ ပျူစောထီးခေါင်းဆောင်နဲ့ စစ်ကော်မရှင်တပ်သား ၆ ဦးက တော့ လွတ်မြောက်နေတယ်လို့ ဆိုပါတယ်။

သူတို့ကိုဖမ်းမိချိန်မှာလည်း သေနတ် ၁၇ လက်နဲ့ ဆက်စပ်ပစ္စည်းတွေကိုလည်း သိမ်းဆည်းရရှိခဲ့ တယ်လို့ သိရပါတယ်။

ဇွန် ၄ ရက်ကလည်း ရေပြာကျေးရွာရဲစခန်းနဲ့ ကုက္ကိုလ်စုကျေးရွာပျူစောထီးစခန်းတို့ကို တော်လှန်ရေးတပ်းပေါင်စုတွေက သိမ်းပိုက်ရရှိခဲ့ပြီး စစ်ကော်မရှင်နဲ့ပျူစောထီးတွေသေဆုံးကာ စစ်ကော်မရှင်တပ်နဲ့ပျူစောထီး ၅၀ ဦးကျော်အရှင်ဖမ်းမိခဲ့ပြီး လက်နက်ခဲယမ်းတွေလည်း သိမ်းဆည်းရရှိထားကာ အသေးစိတ်ကိုတော့ ထပ်မံထုတ်ပြန်ပေးသွားမယ်လို့ အညာမြေတပ်ပေါင်းစုဆီကသိရပါတယ်။

စာတည်း – လင်း

မြင်းခြံ၊ မေ ၂၆၊ ၂၀၂၆။

မန္တလေးတိုင်း၊ မြင်းခြံမြို့နယ်၊ မြင်းခြံ-တောင်သာသွားလမ်း ကုလားတန်ကွေ့အနီးမှာ မြင်းခြံပျူစောထီးအဖွဲ့ရဲ့ရိက္ခာပို့ကား တိုက်ခိုက်ခံရပြီး ၅ ဦးသေဆုံးခဲ့တယ်လို့ ဖြစ်စဥ်ကိုသိထားတဲ့ ဒေသကာကွယ်ရေးအဖွဲ့ဝင်တွေဆီက သိရပါတယ်။

မေ ၂၄ ရက်မနက် ၁၀ နာရီခန့်မှာ မြင်းခြံဘက်ကနေ နန်းမြင့်တောင်ကြား ပျူစောထီးစခန်းဘက်ကို အင်အား ၁၀ ဦးကျော်ကား ၂ စီးနဲ့ ရိက္ခာပို့ထွက်လာတဲ့အဖွဲ့ကို ပူးပေါင်းအဖွဲ့တွေက ကြားဖြတ်တိုက်ခိုက်ခဲ့တာလို့ဆိုပါတယ်။

“ကားက ၂ စီးလာတာ။ ၁ စီးပျက်စီးသွားပြီးတော့ ၁ စီးကပြန်ပြေးသွားတယ်။ အလောင်းလက်နက်တွေရတာရှိတယ်။ အဲဒါဖြစ်ပြီးတော့ ဒီမနက် စစ်ကြောင်းထွက်လာတယ်လို့တော့ သိရတယ်။ ဘယ်ကိုဦးတည်နေတယ်ဆိုတာ သတင်းမရသေးဘူး”လို့ ဖြစ်စဥ်ကိုသိထားတဲ့ ဒေသကာကွယ်ရေးအဖွဲ့ဝင်တဦးက ပြောပါတယ်။

စစ်ကော်မရှင်တပ်ဖွဲ့ဝင်တွေစီးနင်းလာတဲ့ ဗွီဂိုကားနဲ့ စူပါကာစတန်ကားတို့မှာ စူပါကာစတန်ကားကို တိုက်ခိုက်ခဲ့တာဖြစ်ပြီး အဲ့ဒီကားပေါ်ပါ ပျုုစောထီး ၅ ဦးသေဆုံးကာ သေနတ် ၄ လက်ကိုလည်းသိမ်းဆည်းရရှိကာ ကားကတော့ပြန်သုံးလို့မရတာကြောင့် စွန့်ပစ်ခဲ့တယ်လို့ သိရပါတယ်။

ဒီတိုက်ခိုက်မှုကိုတော့ ဒေသကာကွယ်ရေးပူးပေါင်းတပ်တွေက လုပ်ဆောင်ခဲ့တာဖြစ်ပြီး အသေးစိတ်ကိုတော့ ထပ်မံသတင်းထုတ်ပြန်မယ်လို့ ဆိုပါတယ်။

ဖေဖော်ဝါရီ ၂၀ ရက်ကလည်း မြင်းခြံမြို့နယ်၊ ဆီမီးခုံမြို့နဲ့ဆုံရွာကျေးရွာကြားမှာ ရိက္ခာသယ်ပြန်လာတဲ့ စစ်ကော်မရှင်အဖွဲ့တိုက်ခိုက်ခံရပြီး ၆ ဦးသေတယ်လို့ သိရပါတယ်။

စာတည်း – လင်း

ပခုက္ကူ၊ ဧပြီ ၂၈၊ ၂၀၂၆။

မကွေးတိုင်း၊ ပခုက္ကူမြို့နယ်၊ ညောင်ဂျစ်ပင်ရွာကနေ သဲကျုံးထွက်လာတဲ့ ပျူစောထီးအဖွဲ့ စနိုက်ပါနဲ့ပစ်ခတ်ခံရပြီး ၁ ဦးသေဆုံးခဲ့တယ်လို့ နဂါးနီပြည်သူ့ကာကွယ်ရေးတပ်ဖွဲ့ဆီက သိရပါတယ်။

ဧပြီ ၂၇ ရက်မနက် ၈ နာရီခန့်မှာ ညောင်ဂျစ်ပင်ရွာက ပျူစောထီး ၇ ဦးဟာ ရွာနဲ့မီတာ ၄၀၀ ခန့်အကွာ ချောင်းထဲကိုဆင်းလာချိန် ဒေသခံကာကွယ်ရေးတပ်တွေက စနိုက်ပါ၊ လက်နက်ငယ်တွေနဲ့ ပစ်ခတ်ခဲ့တာလို့ဆိုပါတယ်။

“သူတို့တွေ ဘန်ကာဆောက်ဖို့နေမယ်။ သဲတွေလာကျုံးတယ်။ ကျနော်တို့ကသတင်းရလို့ သွားပစ်တာ။ ချောင်းထဲရောက်ပြီး သဲကျုံးဖို့လုပ်နေချိန်မှာပစ်တာ။ စနိုက်ပါနဲ့ပစ်ပြီးမှ လက်နက်ငယ်နဲ့ဝိုင်းပစ်တော့ ပြေးကြတယ်”လို့ နဂါးနီပြည်သူ့ကွယ်ရေးတပ်ဖွဲ့မှ ခေါင်းဆောင်း ဗိုလ်မီးတောက် က ပြောပါတယ်။

စနိုက်ပါနဲ့ပစ်ခတ်မှုအတွင်း ပျူစောထီး ၁ ဦးသေဆုံးပြီး လက်နက်ငယ်နဲ့ပစ်ခတ်မှုအတွင်း ထိခိုက်မှုရှိ၊ မရှိကိုတော့စုံစမ်းနေဆဲလို့ ဆိုပါတယ်။

ပစ်ခတ်မှုပြုလုပ်ခဲ့တဲ့နေရာက ပျူစောထီးစခန်းနဲ့နီးတာကြောင့် လက်နက်ခဲယမ်းတွေ သိမ်းဆည်းမိတာ မရှိဘဲ ပျူစောထီးစခန်းကိုပြန်ပြေးသွားတဲ့အဖွဲ့တွေက အင်အားဖြည့်ပြန်လာတာကြောင့် ပြန်လည် ဆုတ်ခွာလာရတယ်လို့ သိရပါတယ်။

မတ်လ ၁၆ ရက်ကလည်း မကွေးတိုင်း၊ ချောက်မြို့နယ်၊ အမှတ် ၃ ပြည်ထောင်စုလမ်းပိုင်းပေါ်က စစ်ကော်မရှင်ယာဥ်တန်းနဲ့ ဂွေးချိုရဲစခန်း တိုက်ခိုက်ခံရပြီး အရာရှိတွေအပါအဝင် ၁၀ ဦးသေဆုံးခဲ့သေးတယ်လို့ သိရပါတယ်။

စာတည်း – လင်း

ရွေဘို၊ မတ် ၃၊ ၂၀၂၆။

စစ်ကိုင်းတိုင်း၊ ရွှေဘိုမြို့နယ်၊ လိပ်ချင်းရွာအနီးရှိ ပျူစောထီးကင်းစခန်း တိုက်ခိုက်ခံရပြီး ၂ ဦးသေဆုံးကာ လက်နက်နဲ့ကျည်တွေသိမ်းဆည်းခဲ့တယ်လို့ သွားရောက်တိုက်ခိုက်ခဲ့တဲ့ ဒေသကာကွယ်ရေးအဖွဲ့တာဝန်ရှိသူတွေဆီက သိရပါတယ်။

မတ်လ ၁ ရက် ည ၁၀ နာရီခန့်မှာ လိပ်ချင်းရွာနဲ့မီတာ ၅၀၀ အကွာမှာ အင်အား ၁၀ ဦး ဝန်းကျင်နဲ့ ကင်းစောင့်နေတဲ့ ပျူစောထီးကင်းကို တိုက်ခိုက်ခဲ့ရာ မိနစ်ပိုင်းအတွင်းမှာ ပျူစောထီးတွေက ရွာထဲကိုပြန်ဆုတ်သွားကြတယ်လို့ ဆိုပါတယ်။

“ဝင်ပစ်တော့ပြေးတာပေါ့။ ၂ ယောက်ကျပြီးတော့ ပြေးတော့တာ။ ကျနော်တို့က ရှောင်တခင် ဝင်စီးတာ။ သူတို့ကထွက်ပြေးတာ။ လက်နက်တွေယူပြေးတယ်။ ပစ်ခတ်မှုကမကြာပါဘူး။ ဇရှိတာမှမဟုတ်တာ ပြေးတာ။ ကျတာက အုပ်ကြီးတင့်လွင့်သားအငယ်ကောင်ပါတယ်”လို့ ပစ်ခတ်မှုပြုလုပ်ခဲ့တဲ့ ရွှေဘိုအခြေစိုက်ဒေသခံကာကွယ်ရေးအဖွဲ့တာဝန်ရှိသူတဦးက ပြောပါတယ်။

ပစ်ခတ်မှုအတွင်း ပျူစောထီး ၂ ဦးသေဆုံးပြီး ၁ ဦးဒဏ်ရာရခဲ့ကာ ကျည်၊ ကျည်ဘောက်နဲ့ ကျည်ကာအချို့ သိမ်းဆည်းခဲ့တယ်လို့ ဆိုပါတယ်။

မတ်လ ၂ ရက် နေ့လယ် ၁ နာရီခန့်မှာလည်း ပစ်ခတ်မှုအတွင်းသေဆုံးသွားတဲ့ ပျုစောထီး ၂ ဦးရဲ့နာရေးကို ရွာမှာပြုလုပ်နေချိန် ဒရုန်းနဲ့ဗုံးချတိုက်ခိုက်ခဲ့ပြီး ထိခိုက်မှုအခြေအနေတော့ မသိရသေးဘူးလို့ဆိုပါတယ်။

လိပ်ချင်းကျေးရွာမှာ ပျုစောထီးနဲ့စစ်ကော်မရှင်အင်အား ၅၀ ခန့်ရှိပြီး တိုက်ခိုက်ခံရပြီးနောက် အဆိုပါကင်းနေရာမှာ ပျူစောထီးအဖွဲ့တွေလာစောင့်တာမရှိတော့ဘဲ ရွာထဲမှာတင် ကင်းချထားတယ်လို့ သိရပါတယ်။

ဇန်နဝါရီ ၁၀ ရက်ကလည်း ရွှေဘိုမြို့၊ မြို့ရှောင်လမ်းမှာ ဆက်ကြေးကောက်ဖို့ကားနဲ့ထွက်လာတဲ့ ရဲအဖွဲ့ တိုက်ခိုက်ခံရပြီး အရာရှိ ၃ ဦးသေတယ်လို့ သိရပါတယ်။

စာတည်း – လင်း

ပွင့်ဖြူ၊ ဒီဇင်ဘာ ၂၃၊ ၂၀၂၅။

မကွေးတိုင်း၊ ပွင့်ဖြူမြို့နယ်၊ ကျောင်းကုန်းကြီးကျေးရွာရှိစစ်တပ်လက်အောက်ပျုစောထီး(ပြည်သူ့စစ်)အထိုင်စခန်း တိုက်ခိုက်ခံရပြီး တိုက်ပွဲအတွင်း ပျူစောထီးခေါင်းဆောင် မြတ်အောင်နဲ့ ပျူစောထီးတချို့သေဆုံးခဲ့တယ်လို့ ဒေသခံတွေနဲ့ ကာကွယ်ရေးအဖွဲ့ဝင်တွေထံက သိရပါတယ်။

ဒီဇင်ဘာ ၂၃ ရက်ဒီကနေ့မနက် ၅ နာရီခန့်မှာ ပျူစောထီးနဲ့စစ်ကော်မရှင်တပ်ပူးပေါင်းအင်အား ၁၀၀ ခန့်ရှိတဲ့ ကျောင်းကုန်းကြီးအနောက်ရွာပျူစောထီးစခန်းကို တော်လှန်ရေးပူးပေါင်းတပ်တွေက ဝင်ရောက်တိုက်ခိုက်ခဲ့ရာ ၄ နာရီကျော်ကြာတိုက်ပွဲပြင်းထန်ခဲ့တာလို့ ဆိုပါတယ်။

“တော်လှန်ရေးအင်အားစုတွေက ပျူခေါင်းဆောင်လက်နက်ကိုင်တွေကိုဝင်စီးတဲ့နေရာမှာ ကျေးရွာရဲ့အနောက်ဘက်ခြမ်းကို ဝင်စီးနိုင်တယ်။ ပျူတွေဖြစ်တဲ့ မြအောင်၊ ဝင်းတင်၊ ခင်မောင်စိုးပါ သေဆုံးကြတယ်” လို့ ပွင့်ဖြူမြို့နယ်မှာစစ်ရေးလှုပ်ရှားနေတဲ့ကာကွယ်ရေးအဖွဲ့ဝင်တဦးက မြေလတ်အသံကို ပြောပါတယ်။

စစ်ကော်မရှင်တပ်က တိုက်ပွဲတွေပြင်းထန်နေချိန် ဒီကနေ့မနက် ၇ နာရီခွဲလောက်မှာ Mi – 35 တိုက် ခိုက်ရေးရဟတ်ယာဥ် ၂ စီးနဲ့ တိုက်ပွဲဖြစ်ပွားရာနေရာအနီးကို နာရီဝက်ကြာ လှည့်ပတ်ပစ်ခတ်ခဲ့တယ်လို့ သိရပါတယ်။

တိုက်ပွဲအတွင်းမှာ ပျူစောထီးခေါင်းဆောင်အချို့အပါ ၆ ဦးသေဆုံးကြောင်း ကနဦးသိထားရပြီး မနက် ၉ နာရီခွဲခန့်မှာ တိုက်ပွဲပြီးဆုံးခဲ့ကာ အထိနာတဲ့စစ်ကော်မရှင်ပူးပေါင်းတပ်ဖွဲ့တွေက ကျောင်းကုန်းကြီးအရှေ့ဘက်ခြမ်းကိုဆုတ်ခွာသွားတယ်လို့ အထက်ပါကာကွယ်ရေးတပ်ဖွဲ့ဝင်က ပြောပါတယ်။

ပွင့်ဖြူမြို့နယ်ဒေသခံတဦးကလည်း ဒီကနေ့မနက်အစောပိုင်းမှာ ကျောင်းကုန်းကြီးပျူစောထီးဂိတ်ကို PDF ပူးပေါင်းတပ်တွေဘက်ကတိုက်ခိုက်မှုကြောင့် တိုက်ပွဲတွေ ပြင်းထန်ခဲ့ပြီး ပျူစောထီးတွေဘက်က ထိခိုက်သေဆုံးမှုတွေရှိတယ်လို့ ပြောပါတယ်။

” ထိခိုက်ကျဆုံးတော့ရှိတယ်။ PDF ဘက်ကတော့မသိသေးဘူး။ ပျူစောထီးခေါင်းဆောင် မြတ်အောင်၊ ခေါင်းဆောင်ထဲကတယောက် အဲ့ကောင်နောက်စေ့မှန်သေတယ်။ ခင်မောင်ဦး ပြင်းထန်ဒဏ်ရာရတယ်။ ဖြစ်နေတုန်းဆိုတော့ အတိအကျမသိရသေးဘူး။ ကျနော်သိတာ နှစ်ယောက်သိတယ်။ မြတ်အောင်သေတာသိတယ်။ သေတဲ့အထဲ **တွေပါတာလည်းရှိနိုင်တယ်” လို့ ပြောပါတယ်။

ဒါ့အပြင် စစ်တပ်က ရဟတ်ယာဥ်နဲ့ပစ်ခတ်မှုတွေကြောင့် အရပ်သားတွေထိခိုက်မှုရှိခဲ့တယ်လို့သိရပြီး တိုက်ပွဲအသေးစိတ်အခြေနေတွေကိုတော့ သက်ဆိုင်ရာကာကွယ်ရေးတပ်ဖွဲ့တွေဘက်က ထုတ်ပြန်မလာသေးပါဘူး။

တိုက်ပွဲဖြစ်ပွားပြီးနောက်မှာ စစ်ကော်မရှင်တပ်ဘက်က မကျည်းကုန်း၊ ရှောက်တော၊ သစ်ချိုကုန်းဘက်ကနေ စစ်ကား ၁၅ စီးပါ အင်အား ၂၀၀ ခန့်နဲ့ စစ်ကြောင်းပြန်ထိုးလာနေလို့ စစ်ရေးတင်းမာနေသေးတယ်လို့ သိရပါတယ်။

တိုက်ပွဲနဲ့လေကြောင်းပစ်ခတ်မှုတွေကြောင့် ကျောင်းကုန်းကြီးအရှေ့၊ အနောက်နဲ့ ရေပုတ်ကြီးကျေးရွာက ပြည်သူ ၂,၀၀၀ ကျော်ထွက်ပြေးနေရပြီး အချို့ကတော့နေအိမ်အတွင်းမှပုန်းအောင်းနေကြသေးတယ်လို့ ဆိုပါတယ်။

စာတည်း – ဟိန်းစံ