ရဲ ၁ ဦး

ပခုက္ကူ၊ နိုဝင်ဘာ ၄၊ ၂၀၂၅။

မကွေးတိုင်း၊ ပခုက္ကူမြို့လေယာဉ်ကွင်းအနီးမှာ စစ်ကော်မရှင်လက်အောက်ရဲတပ်ဖွဲ့ဝင် ၁ ဦးပစ်ခတ်ခံရပြီး သေဆုံးခဲ့တယ်လို့ Southern YSO PDF ဆီက သိရပါတယ်။

နိုဝင်ဘာ ၁ ရက် မနက် ၇ နာရီခွဲခန့်က လေဆိပ်အနီး ပခုက္ကူ-ရေစကြိုလမ်းပိုင်းမှာ ဖြတ်သန်းသွားနေတဲ့ကုန်တင်ကားတွေကို ငွေတောင်းခံနေတဲ့ ရဲတပ်ဖွဲ့ဝင်ကို PDF ၂ ဦးက အနီးကပ်ပစ်ခတ်ခဲ့တာလို့ ဆိုပါတယ်။

” သူတို့က(အခင်းဖြစ်နေရာမှာ)နေ့တိုင်း(ကုန်ကားတွေကို) တောင်းနေတာဖြစ်တယ်။ သတင်းရရင်ရတာနဲ့ **ယူနီဖောင်းတွေဝတ်ပြီး ဆိုင်ကယ် ၁ စီးနဲ့ သွားရောက်ပြီး တခါတည်းပစ်ခတ်ရှင်းလင်းခဲ့တာ။ ရဲကိုတော့ အသေပစ်လိုက်တယ်၊ မိန်းမကိုတော့ ဗိုက်ကြီးနဲ့ဆိုတော့ မပစ်ပါနဲ့လို့ ပြောတယ်။ အဲ့ဒီမိန်းမကိုတော့ ကျနော်တို့ ဖမ်းခဲ့တယ်” လို့ Southern YSO PDF တာဝန်ခံ ဗိုလ်အောင်မောင်းက ပြောပါတယ်။

သွားရောက်ပစ်ခတ်ချိန်မှာ သေဆုံးရဲအပြင် ၎င်းရဲ့ဇနီးဖြစ်သူ ကိုယ်ဝန်ဆောင်အမျိုးသမီးကို တွေ့ရှိခဲ့တာကြောင့် ဖမ်းဆီးခဲ့ပြီး စစ်ဆေးမှုတွေပြုလုပ်ပြီးတဲ့နောက် ပြန်လွှတ်ပေးခဲ့တယ်လို့ ဆိုပါတယ်။

ပစ်ခတ်မှုဖြစ်ပွားချိန် မီတာ ၂၀၀ အကွာရှိ လေယာဉ်ကွင်းစောင့် စစ်တပ်ကင်းဘန်ကာတွေကနေ ပစ်ခတ်မှုတွေပြုလုပ်ခဲ့တာကြောင့် တော်လှန်ရေးတပ်ဖွဲ့ဝင်တွေက ၄၀ မမ ဗုံးပစ်လောင်ချာနဲ့ ၁ လုံး ထပ်မံပစ်ခတ်ခဲ့တယ်လို့ သိရပါတယ်။

သေဆုံးရဲတပ်သားဟာပခုက္ကူမြို့ဇာတိအသက် ၂၈ နှစ်အရွယ် ရဲတပ်သား ရည်မွန်ဖြစ်ပြီး ပခုက္ကူမြို့မရဲစခန်းမှာ တာဝန်ကျနေသူဖြစ်ကာ တိုက်ခိုက်မှုအတွင်း MA 1 ၁ လက်၊ ဆိုင်ကယ် ၁ စီး၊ လက်ဖုန်းတွေ သိမ်းဆည်းရမိခဲ့တယ်လို ဆိုပါတယ်။

ဒီတိုက်ခိုက်မှုကို Southern YSO PDF၊ Yesagyo Revolution Group(YRG)၊ ဒေါင်းညီနောင် PDF -PKU၊ ပြည်သူ့အားမာန်၊ King Cobra၊ ဒေါင်းစစ်သည် တို့က တိုက်ခိုက်ခဲ့ကြတာပါ။

အောက်တိုဘာ ၁၅ ရက်ကလည်း ပခုက္ကူမြို့နယ်၊ မြောက်လူးကန်ရွာ အထိုင်စခန်းကနေ ပခုက္ကူလေယာဉ်ကွင်းကနေ ရိက္ခာယူပြန်လာတဲ့ စစ်ကော်မရှင်တပ်ဖွဲ့ဝင်တွေကို တော်လှန်ရေးတပ်တွေက တိုက်ခိုက်ခဲ့ရာ စစ်ကော်မရှင်တပ်ဖွဲ့ဝင် ၆ ဦးသေဆုံးပြီး သေနတ် ၂ လက် သိမ်းဆည်းရခဲ့ပါသေးတယ်။

မြိုင်၊ ဧပြီ ၂၉၊ ၂၀၂၃။

မကွေးတိုင်း၊ မြိုင်မြို့နယ်၊ ကိုင်းတောမနယ်မြေရဲစခန်းက စစ်ကောင်စီလက်အောက်ခံ ရဲတပ်သား ၁ ဦးကို ဧပြီလ ၂၈ ရက် မနေ့မနက် ၁၀ နာရီခန့်က ပစ်ခတ်ရှင်းလင်းခဲ့တယ်လို့ ပခုက္ကူပြည်သူကာကွယ်ရေးတပ်ဖွဲ့က ဧပြီလ ၂၉ ရက်ဒီကနေ့မှာထုတ်ပြန်ပါတယ်။

ပစ်သတ်ခံရသူဟာ အသက် ၂၃ နှစ်အရွယ် ရဲတပ်သား ချင်းလေး ဆိုသူဖြစ်ပြီး ကိုင်းတောမနယ်မြေရဲစခန်းကနေ ရေပန့်ပြင်ဖို့ ဆိုင်ကယ်နဲ့ထွက်ခွာလာစဉ် ကမ္မ-မြိုင် လမ်းဆုံအနီးမှာ စောင့်ကြိုပစ်ခတ်ခဲ့တာလို့ ပခုက္ကူပြည်သူ့ကာကွယ်ရေးတပ်ဖွဲ့တာဝန်ရှိသူက မြေလတ်အသံကိုပြောပါတယ်။

“သတင်းကြိုရလို့ ကျနော်တို့အဖွဲ့ကစောင့်နေတာ။ ဆိုင်ကယ်နဲ့တယောက်တည်းလာတာ။ လမ်းဆုံးနားအရောက်မှာ ပစ်ခတ်ကျတာ၊ ခန္ဓာကိုယ်ရဲ့ရင်ဘတ်ကိုပစ်ခဲ့တာ၊ ပွဲချင်းပြီးသေတာပဲ” လို့ပြောပါတယ်။

ပစ်သတ်ခံရတဲ့ရဲတပ်သားဆီကနေ လက်နက်နဲ့တခြားပစ္စည်းတွေ သိမ်းဆည်းရမိတာမရှိဘဲ ပစ်ခတ်မှုဖြစ်ပွားပြီးတဲ့နောက် သူ့ရဲ့ရုပ်အလောင်းကို စစ်ကောင်စီတပ်ဖွဲ့ဝင်တွေက လာရောက်သယ်ဆောင်သွားတယ်လို့ ဆိုပါတယ်။

ဧပြီလ ၂၄ ရက်မနက်ပိုင်းကလည်း မြိုင်မြို့မရဲစခန်းမှာတပ်စွဲထားတဲ့ စစ်အုပ်စုကို ဒေသကာကွယ်ရေးတပ်ဖွဲ့တွေပူးပေါင်းပြီး ရဲစခန်းနဲ့အနီးဆုံးနေရာအထိ သွားရောက်တိုက်ခိုက်ခဲ့လို့ စစ်ကောင်စီတပ်ဖွဲ့ဝင်တွေဘက်က ထိခိုက်သေဆုံးမှုရှိနိုင်တယ်လို့ သိရပါတယ်။

စာတည်း-ရင်ငြိမ်း