MLAT 5
မြေလတ်အသံ၊ ဇွန် ၁၉၊ ၂၀၂၅။
မန္တလေးမြို့လယ်ခေါင်က လူစည်ကားရာတနေရာမှာ ဒေါ်အောင်ဆန်းစုကြည်ရဲ့ အသက် ၈၀ ပြည့်မွေးနေ့အတွက် ဂုဏ်ပြုတဲ့လှုပ်ရှားမှုကိုပြုလုပ်ခဲ့တယ်လို့ ဒေါက်တာတေဇာဆန်းက သူရဲ့လူမှုကွန်ရက်စာမျက်နှာမှာ ဇွန် ၁၉ ရက်ဒီကနေ့မှာ ဖြန့်ဝေထားပါတယ်။
စစ်ကောင်စီတပ်ရဲ့ အဓမ္မဖမ်းဆီးအကျဥ်းချခံထားရတဲ့ လူထုခေါင်းဆောင်ဒေါ်အောင်ဆန်းစုကြည် မွေးနေ့အတွက် ဒီလှုပ်ရှားမှုကို ပြည်သူတွေနဲ့အတူပူးပေါင်းလုပ်ဆောင်ခဲ့တယ်လို့ ဖော်ပြထားပြီး လက်ကမ်းစာရွက်တွေကြဲဖြန့်ကာ တော်လှန်ရေးဆောင်ပုဒ်တွေလည်း ရွတ်ဆိုခဲ့ကြပါတယ်။