မြေလတ်အသံ၊ ဇူလိုင် ၇ ၊ ၂၀၂၅။

ဗမာလွတ်မြောက်ရေးဒီမိုကရက်တစ်တပ်ဦး-BLDFရဲ့အခြေခံစစ်ပညာသင်တန်းအပါတ်စဥ် (၄) သင်တန်းဆင်းပွဲကို အညာဒေသတနေရာမှာ ဇူလိုင် ၅ ရက်နေ့မှာပြုလုပ်ခဲ့တယ်လို့ မနေ့ကထုတ်ပြန်ပါတယ်။

အဆိုပါအခမ်းအနားမှာစစ်ဦးစီးမှူးက မိန့်ခွန်းပြောကြားတာ၊ ကျမ်းသစ္စာကျိန်ဆိုတာ၊ သစ္စာရေသောက်တာ၊ ထူးချွန်ဆုရရဲဘော်တွေကိုဆုချီးမြှင့်တာတွေပြုလုပ်ခဲ့ပြီး သင်တန်းဆင်းရဲဘော်တွေက စစ်ရေးပြခဲ့တယ်လို့ ဆိုပါတယ်။

သင်တန်းဆင်းပွဲကို BLDF ဗဟိုကော်မတီဝင်တွေ၊ စစ်ဦးစီးတွေ၊ စစ်ဒေသတာဝန်ခံတွေ၊ ရုံးအဖွဲ့ဝင်တွေ၊ မြို့နယ်နဲ့ရပ်ကျေးပအဖ၊ ပကဖတာဝန်ခံတွေ၊ ဒေသခံရပ်မိရပ်ဖတွေနဲ့ပြည်သူအချို့ တက်ရောက်ခဲ့ပါတယ်။

တည်းဖြတ်-HP

စစ်ကိုင်း၊ ဇန်နဝါရီ ၂၄၊ ၂၀၂၅။

စစ်ကိုင်းတိုင်း၊ ဘုတလင်မြို့နယ်အတွင်း အခြေပြုလှုပ်ရှားနေတဲ့ ဗမာလွတ်မြောက်ရေး ဒီမိုကရက်တစ်တပ်ဦး BLDF ရဲ့ တပ်ဖွဲ့ဝင် ၁ ဦး စစ်ကောင်စီနဲ့ တိုက်ပွဲအတွင်းမှာ စနိုက်ပါကျည်ထိမှန်ပြီး ကျဆုံးသွားတယ်လို့ အဲ့ဒီအဖွဲ့ဆီက သိရပါတယ်။

ကျဆုံးသူဟာ အသက် ၂၄ နှစ်အရွယ် ကာကွယ်ရေးတပ်ဖွဲ့ဝင် ဇင်မျိုးလင်း (ခ) လင်းယုန်ဖြစ်ပြီး ဇန်နဝါရီ ၂၀ ရက် နေ့ခင်းပိုင်းမှာ စစ်ကောင်စီတပ်ဖွဲ့ကို တိုက်ခိုက်နေချိန် စနိုက်ပါကျည်ထိမှန်ပြီး ကျဆုံးခဲ့တာ ဖြစ်ပါတယ်။

ကျဆုံးရဲဘော် ဇင်မျိုးလင်း(ခ) လင်းယုန်ရဲ့ ဈာပနအခမ်းအနားကို ဇန်နဝါရီ ၂၂ ရက် မနက် ၉ နာရီက ဘုတလင်မြို့နယ်အတွင်းမှာပဲ ရပ်ရွာလူထု၊ ဒေသတွင်းအဖွဲ့အစည်းတွေအပါအဝင် ရပ်ရွာပကဖတွေ တက်ရောက်ကြပြီး ဂူသွင်းသင်္ဂြိုဟ်အမိန့်ပြန်ခဲ့တယ်လို့ ဆိုပါတယ်။

ဗမာလွတ်မြောက်ရေး ဒီမိုကရက်တစ်တပ်ဦး BLDF မှာ တော်လှန်ရေးကာလအတွင်း စစ်ကောင်စီနဲ့တိုက်ပွဲတွေမှာ ကာကွယ်ရေးတပ်ဖွဲ့ဝင် ၁၀ ဦးကျော် ကျဆုံးခဲ့ပြီလို့ သိရပါတယ်။

တည်းဖြတ် – ငြိမ်းဇော်