မြေလတ်အသံ၊ ဖေဖော်ဝါရီ ၂၊ ၂၀၂၆။
စစ်ကိုင်းတိုင်း၊ ယင်းမာပင်ခရိုင်အတွင်း စစ်ကော်မရှင်တပ်ရဲ့ရွေးကောက်ပွဲသက်ရောက်မှု အခြေအနေတွေ၊ ရွေးကောက်ပွဲကာလအလွန် ဒေသတွင်း လူထုတော်လှန်ရေး လှုပ်ရှားမှုတွေ၊ ဒေသတွင်း ပဋိပက္ခတွေရဲ့ လူထုအပေါ် သက်ရောက်မှုတွေနဲ့ ပတ်သက်ပြီး ယင်းမာပင်-ဆားလင်းကြီး ရွာပေါင်းစုံသပိတ်ဦးဆောင်ကော်မတီအဖွဲ့ဝင် ကိုလွမ်းသူကို မြေလတ်အသံက ဆက်သွယ်မေးထားပါတယ်။
စစ်ကိုင်း၊ ဇွန် ၇၊ ၂၀၂၃။
စစ်ကိုင်းတိုင်း၊ ဆားလင်းကြီးမြို့နယ်ထဲက ရေဘေးသင့်ကျေးရွာ ၃ ရွာကို ယင်းမာပင်-ဆားလင်းကြီး ရွာပေါင်းစုံသပိတ်နဲ့ ပြည်သူမှပြည်သူသို့ပရဟိတအဖွဲ့က ဇွန်လ ၆ ရက် မနေ့ မနက်ပိုင်းက သွားရောက် လှူဒါန်းခဲ့ပါတယ်။
အဲဒီရေဘေးသင့် ကျေးရွာ ၃ ရွာက အိမ်ခြေ ၁၀၀၀ ကျော်ကို ဆန်၊ ငါးသေတ္တာနဲ့ အသားတုတွေကို ပရဟိတအဖွဲ့က သွားရောက်လှူဒါန်းခဲ့ပါတယ်။ ထပ်မံပြီးတော့လည်း ကျန်ရှိနေသေးတဲ့ ရေဘေးသင့်ပြည်သူတွေကို လှူဒါန်းသွားဖို့ ရှိတယ်လို့လည်း ပြည်သူမှပြည်သူသို့ပရဟိတအဖွဲ့ဝင်ဖြစ်တဲ့ ကိုစနေ ကပြောပါတယ်။
“ရေဘေးကိုလှူတာကတော့ ပထမဆုံးပါပဲ။ မီးဘေးလှူခဲ့တာတွေတော့ ရှိပါတယ်။ မနေ့က သွားရောက်လှူဒါန်းတဲ့ အချိန်မှာတော့ သွားရေးလာရေးက အဆင်ပြေပါတယ်။ နောက်ထပ်လည်း ကျေးရွာ ၁၄ ရွာကိုလှူဒါန်းဖို့ရှိပါတယ်။ သိန်း ၇၀ ကျော်လောက် ကုန်ကျပါတယ်။ လက်ရှိမှာ ရွာသားတွေကတော့ သူတို့ရဲ့နေအိမ်တွေကို ပြန်လည်သန့်ရှင်းပြီး နေနေကြပါတယ်” လို့ ဆိုပါတယ်။
ပြီးခဲ့တဲ့ မေလ ၂၉ ရက်ကလည်း ပြည်သူမှပြည်သူသို့ပရဟိတအဖွဲ့က စစ်ရှောင်ပြည်သူတွေကို ထမင်း၊ ဟင်းများ ချက်ပြုတ်ကျွေးမွေးခဲ့သလို၊ ဧပြီလထဲမှာလည်း ဒေသခံပြည်သူတွေကို အခမဲ့ဆေးဝါးကုသမှုတွေ ပြုလုပ်ပေးခဲ့ပါသေးတယ်။
စာတည်း – 007