မြေလတ်အသံ၊ အောက်တိုဘာ ၁၇၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ အောက်တိုဘာ ၁၆၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
ပခုက္ကူ၊ အောက်တိုဘာ ၁၆၊ ၂၀၂၅။
မကွေးတိုင်း၊ ပခုက္ကူမြို့ လေယာဉ်ကွင်းဆီကနေ ရိက္ခာယူပြီးပြန်လာတဲ့ စစ်ကော်မရှင်အင်အား ၂၀ ပါ စစ်ကြောင်းကို ကြားဖြတ်တိုက်ခိုက်ရာ ၆ ဦးသေဆုံးပြီး လက်နက်ခဲယမ်းတွေလည်း သိမ်းဆည်းခဲ့တယ်လို့ Southern YSO PDF ဆီက သိရပါတယ်။
အောက်တိုဘာ ၁၅ ရက်နေ့လယ် ၁ နာရီ ၂၃ မိနစ်မှာ ပခုက္ကူလေယာဉ်ကွင်းကနေ ရိက္ခာယူပြီးပြန်လာတဲ့ စစ်ကော်မရှင်စစ်ကြောင်းကို ပခုက္ကူလေယာဉ်ကွင်းနဲ့ မြောက်လူးကန်ကြားမှာ ကြားဖြတ်ပစ်ခတ်ခဲ့တာလို့ ဆိုပါတယ်။
“ကျနော်တို့က အနီးကပ်တိုက်ခိုက်တာ၊ ပွိုင့်တွေလည်း ခွဲထားတယ်၊ ပွိုင့် ၁ ပွိုင့်က သူတို့ရှေ့ပြေးကင်းနဲ့ တွေ့တယ်၊ ရှေ့ပြေးကင်းနဲ့ဆို ဝါးရင်းတုတ်နဲ့ ထွက်ရိုက်လို့ရတယ်၊ ၁၀ တောင် ၁၅ တောင်လောက် ကွာတော့တာ၊ နောက်ကပွိုင့်ကလည်း ပစ်တဲ့သူကပစ်ပါ၊ ရှေ့ပြေးပွိုင့်ကလည်း ပစ်တဲ့သူကပစ်ပါ၊ နောက်ပွိုင့်ကတော့ နည်းနည်းဝေးတယ်၊ မီတာ ၁၀၀ လောက်ဝေးတဲ့အနေအထားပါ၊” လို့ Southern YSO PDF တာဝန်ခံ ဗိုလ်အောင်မောင်းက ပြောပါတယ်။
နှစ်ဖက်အပြန်အလှန်ပစ်ခတ်မှုလည်းဖြစ်ခဲ့ပြီး တိုက်ပွဲအတွင်း စစ်ကော်မရှင်တပ်ဖွဲ့ဝင် ၆ ဦးသေဆုံးတာကို မျက်မြင်တွေ့ခဲ့ရကာ ပြန်လည်ပစ်ခတ်မှုတွေရှိတာကြောင့် လက်နက်အားလုံးကိုမကောက်နိုင်ခဲ့ဘူးလို့ ဆိုပါတယ်။
“ကျနော်တို့ သေနတ်ကတော့ ၂ လက်ပဲ ကောက်နိုင်တယ်၊ နောက်ပွိုင့် ယာတခင်းကျော်မှာ သေနေတဲ့ကောင်တွေဆီကသေနတ်က ကောက်လို့မရဘူး၊ ကျနော်တို့ ရှေ့မျက်နှာ မီတာ ၃၀၀ အကွာက လေယာဉ်ကွင်းက ပစ်နေတယ်၊ လေယာဉ်ကွင်းက ပွိုင့် 5 တွေ လက်နက်ငယ်တွေနဲ့ ပစ်နေတာ၊ ကျနော်တို့ အလောင်းတွေ မြင်နေရပေမဲ့ လက်နက်ကောက်ခွင့်မသာခဲ့ဘူး၊ ကျနော်တို့ ၂ ခုကြားမှာ ပဲလှော်သလိုလုပ်နေရတာ၊ ရအောင်တော့ ဖောက်ထုတ်ခဲ့တယ်” လို့ သူက ဆက်ပြောပါတယ်။
တိုက်ခိုက်ပြီးနောက် စစ်ကော်မရှင်ဘက်က MA1 ၁ လက်၊ ကျည်ဘောက် ၃ ခု၊ ကျည် ၅၀ တောင့်၊ အူဇီ ၁ လက်၊ ကျည်ဘောက် ၂ ခု၊ ကျည် ၄၅ တောင့် တို့ကို သိမ်းဆည်းရမိခဲ့ပြီး တော်လှန်ရေးတပ်ဖွဲ့ဝင် ၁ ဦး လက်ကိုကျည်ဖောက်မှန်ခဲ့တယ်လို့ သိရပါတယ်။
အဆိုပါစစ်ကြောင်းဟာ ပခုက္ကူ ခလရ ၂၅၉၊ တပ်မ ၁၀၁ စစ်ကော်မရှင်တပ်တွေ၊ ပခုက္ကူမြို့မ ရဲစခန်းက ရဲတွေနဲ့ ပြည်သူ့စစ်တွေပါဝင်တယ်လို့ သိရပါတယ်။
ဒီတိုက်ခိုက်မှုကို Southern Yeasgyo တပ်ပေါင်းစု၊ Southern YSO PDF ၊ ဒေါင်းညီနောင်၊ Yesagyo Revolution Group(YRG)၊ ပြည်သူ့အားမာန်PDF၊ King Cobra နဲ့ ဒေါင်းစစ်သည်တွေက လုပ်ဆောင်ခဲ့တာပါ။
စက်တင်ဘာ ၂၂ ရက် မနက် ၁ နာရီခွဲဝန်းကျင်မှာလည်း ပခုက္ကူမြို့၊ ရထားဘူတာအနီး ကွန်ကရစ်ဇလီဖားစက်ရုံမှာတပ်စွဲထားတဲ့ စစ်ကော်မရှင်ရဲတပ်ဖွဲ့ဝင်တွေကို တော်လှန်ရေးတပ်တွေက ဝင်ရောက်တိုက်ခိုက်ပြီး လက်နက်ခဲယမ်းတွေသိမ်းဆည်းခဲ့ပါသေးတယ်။
စာတည်း – လင်း၊ တည်းဖြတ် – M
ပခုက္ကူ၊ အောက်တိုဘာ ၁၆၊ ၂၀၂၅။
မကွေးတိုင်း၊ ပခုက္ကူမြို့ လေယာဉ်ကွင်းဆီကနေ ရိက္ခာယူပြီးပြန်လာတဲ့ စစ်ကော်မရှင်အင်အား ၂၀ ပါ စစ်ကြောင်းကို ကြားဖြတ်တိုက်ခိုက်ရာ ၆ ဦးသေဆုံးပြီး လက်နက်ခဲယမ်းတွေလည်း သိမ်းဆည်းခဲ့တယ်လို့ Southern YSO PDF ဆီက သိရပါတယ်။
အောက်တိုဘာ ၁၅ ရက်နေ့လယ် ၁ နာရီ ၂၃ မိနစ်မှာ ပခုက္ကူလေယာဉ်ကွင်းဆီကနေ ရိက္ခာယူပြီးပြန်လာတဲ့ စစ်ကော်မရှင်စစ်ကြောင်းကို ပခုက္ကူလေယာဉ်ကွင်းနဲ့ မြောက်လူးကန်ကြားမှာ ကြားဖြတ်ပစ်ခတ်ခဲ့တာလို့ ဆိုပါတယ်။
“ကျနော်တို့က အနီးကပ်တိုက်ခိုက်တာ၊ ပွိုင့်တွေလည်းခွဲထားတယ်၊ ပွိုင့်တပွိုင့်က သူတို့ရှေ့ပြေးကင်းနဲ့ တွေ့တယ်၊ ရှေ့ပြေးကင်းနဲ့ဆို ဝါးရင်းဒုတ်နဲ့ ထွက်ရိုက်လို့ရတယ်၊ ၁၀ တောင် ၁၅ တောင်လောက် ကွာတော့တာ၊ နောက်ကပွိုင့်ကလည်း ပစ်တဲ့သူကပစ်ပါ၊ ရှေ့ပြေးပွိုင့်ကလည်း ပစ်တဲ့သူကပစ်ပါ၊ နောက်ပွိုင့်ကတော့ နည်းနည်းဝေးတယ်၊ မီတာ ၁၀၀ လောက်ဝေးတဲ့အနေအထားပါ၊” လို့ Southern YSO PDF တာဝန်ခံ ဗိုလ်အောင်မောင်းက ပြောပါတယ်။
နှစ်ဖက်အပြန်အလှန်ပစ်ခတ်မှုလည်းဖြစ်ခဲ့ပြီး တိုက်ပွဲအတွင်း စစ်ကော်မရှင်တပ်ဖွဲ့ဝင် ၆ ဦးသေဆုံးတာကို မျက်မြင်တွေ့ခဲ့ရပြီး ပြန်လည်ပစ်ခတ်မှုတွေရှိတာကြောင့် လက်နက်အားလုံးကိုမကောက်နိုင်ခဲ့ဘူးလို့ ဆိုပါတယ်။
“ကျနော်တို့ သေနတ်ကတော့ ၂ လက်ပဲကောက်နိုင်တယ်။ နောက်ပွိုင့် ယာတခင်းကျော်မှာ သေနေတဲ့ ကောင်တွေဆီက သေနက်ကကောက်လို့မရဘူး၊ ကျနော်တို့ ရှေ့မျက်နှာ မီတာ ၃၀၀ အကွာက လေယာဉ်ကွင်းက ပစ်နေတယ်။ လေယာဉ်ကွင်းက ပွိုင့် 5 တွေ လက်နက်ငယ်တွေနဲ့ ပစ်နေတာ၊ ကျနော်တို့ အလောင်းတွေ မြင်နေရပေမဲ့လက်နက်ကောက်ခွင့်မသာခဲ့ဘူး။ ကျနော်တို့ ၂ ခုကြားမှာ ပဲလှော်သလိုလုပ်နေရတာ။ ရအောင်တော့ ဖောက်ထုတ်ခဲ့တယ်” လို့ သူက ဆက်ပြောပါတယ်။
တိုက်ခိုက်ပြီးနောက် စစ်ကော်မရှင်ဘက်က MA1 ၁ လက်၊ ကျည်ဘောက် ၃ ခု၊ ကျည် ၅၀ တောင့်၊ အူစီ ၁ လက်၊ ကျည်ဘောက် ၂ ခု၊ ကျည် ၄၅ တောင့် တို့ကို သိမ်းဆည်းရမိခဲ့ပြီး တော်လှန်ရေးတပ်ဖွဲ့ဝင်တဦး လက်ကိုကျည်ဖောက်မှန်ခဲ့တယ်လို့ သိရပါတယ်။
အဆိုပါစစ်ကြောင်းဟာ ပခုက္ကူ ခလရ ၂၅၉၊ တပ်မ ၁၀၁ စစ်ကော်မရှင်တပ်တွေ၊ ပခုက္ကူမြို့မ ရဲစခန်းက ရဲတွေနဲ့ ပြည်သူ့စစ်တွေပါဝင်တယ်လို့ သိရပါတယ်။
ဒီတိုက်ခိုက်မှုကို Southern Yeasgyo တပ်ပေါင်းစု၊ Southern YSO PDF၊ ဒေါင်းညီနောင်၊ Yesagyo Revolution Group(YRG)၊ ပြည်သူ့အားမာန်PDF၊ King Cobra နဲ့ ဒေါင်းစစ်သည် တွေက လုပ်ဆောင်ခဲ့တာပါ။
စက်တင်ဘာ ၂၂ ရက် ၁ နာရီခွဲဝန်းကျင်မှာလည်း ပခုက္ကူမြို့၊ ရထားဘူတာအနီး ကွန်ကရစ်ဇလီဖားစက်ရုံမှာတပ်စွဲထားတဲ့ စစ်ကော်မရှင်ရဲတပ်ဖွဲ့ဝင်တွေကို တော်လှန်ရေးတပ်တွေက ဝင်ရောက်တိုက်ခိုက်ပြီး လက်နက်ခဲယမ်းတွေသိမ်းဆည်းခဲ့ပါသေးတယ်။
စာတည်း – လင်း
မြေလတ်အသံ၊ အောက်တိုဘာ ၁၅၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
စလင်း၊ အောက်တိုဘာ ၁၅၊ ၂၀၂၅။
မကွေးတိုင်း၊ စလင်းမြို့မှာ စစ်ကော်မရှင်တပ်ကပေါ်တာဆွဲဖမ်းဆီးနေပြီး အောက်တိုဘာ ၁၃ ရက်နဲ့ ၁၅ ရက်မှာ စုစုပေါင်းအမျိုးသား ၄ ဦးဖမ်းဆီးခံထားရတယ်လို့ ပြည်သူ့ညီနောင်-စလင်းအဖွဲ့ဆီက သိရပါတယ်။
အောက်တိုဘာ ၁၃ ရက် ည ၈ နာရီခွဲအချိန်မှာ စလင်းမြို့ကပြန်လာတဲ့ Micky-Myanmar Wifi ကုမ္ပဏီဝန်ထမ်း အသက် ၂၅ နှစ်အရွယ်အမျိုးသား ၂ ဦးကို စလင်းမြို့မြောက်ဘက် စစ်ကော်မရှင်စစ်ဆေးရေးဂိတ်အနီးမှာ ပေါ်တာဆွဲဖမ်းဆီးခဲ့တယ်လို့ ဆိုပါတယ်။
ဖမ်းဆီးခံရသူ ၂ ဦး ဆင်ဖြူကျွန်းမြို့၊ ပြန်လွှင့်ရပ်ကွက်မှာနေထိုင်တဲ့ အသက် ၂၅ နှစ်အရွယ် အမျိုးသား ၂ ဦးဖြစ်ပြီး ဒီကနေ့အထိ စလင်းမြို့မရဲစခန်းမှာချုပ်နှောင်ထားတယ်လို့ ပြည်သူ့ညီနောင်-စလင်းအဖွဲ့ တာဝန်ခံ ကိုပြည်သူ က ပြောပါတယ်။
ဒါ့အပြင် အောက်တိုဘာ ၁၅ ရက် ဒီကနေ့ ညနေ ၅ နာရီခွဲမှာလည်း အမျိုးသား ၂ ဦးကို စလင်းမြို့၊ ရှင်ဗလန်းနတ်နန်းအနီးမှာ စစ်ကော်မရှင်တပ်နဲ့ ပျူစောထီးတွေက ပေါ်တာဆွဲဖမ်းဆီးခဲ့တယ်လို့ သူကဆက်ပြောပါတယ်။
“စလင်းမြို့ ရှင်ဗလန်းနတ်နန်းနားမှာ ဆိုင်ကယ်မောင်းနှင်လာတဲ့ အမျိုးသား ၂ ဦးကို ဖမ်းဆီးစစ်ဆေးပြီး ကားပေါ်တင်ခေါ်ဆောင်သွားတယ်၊ စလင်းမြို့ ရှင်ဗလန်းနတ်နန်းနားမှာ စစ်ကော်မရှင်တပ်ဖွဲ့ဝင်တွေက အရပ်သားဟန်ဆောင်ပြီး အင်အား ၆ ဦးခန့်နဲ့ ဖမ်းဆီးစစ်ဆေးနေတာတွေ လုပ်နေတယ်” လို့ သူက ဆက်ပြောပါတယ်။
အဆိုပါ ဖမ်းဆီးခံရသူတွေနဲ့ပတ်သက်တဲ့ နောက်ဆက်တွဲအခြေအနေတွေကိုတော့ မြေလတ်အသံက သီးခြားအတည်မပြုနိုင်သေးပါဘူး။
မကွေးတိုင်းအတွင်း စလင်း၊ ပွင့်ဖြူ၊ ချောက်စတဲ့မြို့နယ်တို့မှာ စစ်ကော်မရှင်တပ်နဲ့ ပျူစောထီးတွေက မြို့ပေါ်ရပ်ကွက်တွေအပြင် ကျေးရွာတွေဘက်မှာပါ ပေါ်တာဆွဲဖမ်းဆီးမှုတွေ မကြာခဏပြုလုပ်လျှက် ရှိနေတာပါ။
ပြီးခဲ့တဲ့ အောက်တိုဘာ ၇ ရက်ကလည်း စလင်းမြို့နယ်၊ ငွေသောင်ကျေးရွာနဲ့ ချောက်ပင်ရွာက အမျိုးသား ၁၁ ဦး ပေါ်တာဆွဲဖမ်းဆီးခံရပြီး ၃ ဦးကတော့ ငွေပေးပြီးပြန်ရွေးခဲ့ရတယ်လို့ သိရပါတယ်။
စာတည်း – လင်း
မြေလတ်အသံ၊ အောက်တိုဘာ ၁၄၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ အောက်တိုဘာ ၁၄၊ ၂၀၂၅။
မကွေးတိုင်း၊ ပေါက်မြို့နယ်၊ တပ်ကုန်းရွာပျူစောထီးတပ်ဖွဲ့ဝင်တွေကို ထမင်းချက်ကျွေးနေတဲ့ သက်ကြီးပိုင်းအမျိုးသားတဦးကို ဖမ်းမိထားတယ်လို့ ပေါက်မြို့နယ်တောင်ပိုင်းနဂါးပြောက်ကျားတပ်ဖွဲ့ (ပကဖ) က ပြောပါတယ်။
အဖမ်းခံရသူမှာ တပ်ကုန်းရွာခံ အသက် ၇၀ ကျော်အရွယ်ရှိ ဦးပွေး ဖြစ်ပြီး အောက်တိုဘာ ၁၂ ရက် မနက် ၉ နာရီကျော်မှာ ကျေးရွာအနီးတောထဲကို မှိုရှာထွက်လာစဥ် ကင်းပတ်နေတဲ့ဒေသကာကွယ်ရေးတပ်ဖွဲ့ဝင်တွေက တောတွင်းတနေရာမှာ ဖမ်းမိခဲ့တာလို့ ဆိုပါတယ်။
” ပျူစောထီးရွာမှာနေပြီး ကင်းတွေမှာ နေထိုင်သူ။ ပျူစောထီးအားပေးနေတာ။ ထမင်းချက်ကျွေးနေတာ ကင်းမှာ။ သူက ၂၀၁၀ ကတည်းက စစ်တပ်ထောက်ခံလာတာဗျ။ သူက မှိုရှာထွက်လာရင်း မိတာပါ။ ဓားတလက်တော့ပါတယ် “လို့ ပေါက်မြို့နယ်တောင်ပိုင်းနဂါးပြောက်ကျားတပ်ဖွဲ့(ပကဖ)တာဝန်ခံက ပြောပါတယ်။
တပ်ကုန်းကျေးရွာမှာ ပျူစောထီးအထိုင်စခန်းချထားကာ စစ်ကော်မရှင်တပ်ဖွဲ့ဝင် ၃၀ ဦး နဲ့ ပျူစောထီးတပ်ဖွဲ့ဝင် ၂၅ ဦးတပ်စွဲနေပြီး ပျူစောထီးအားကောင်းတဲ့ အိမ်ခြေ ၄၀၀ ခန့်ရှိကျေးရွာဖြစ်တယ်လို့ သူသိရပါတယ်။
လက်နက်ထုတ်လုပ်ရေးစက်ရုံ ကပစ ၂၄ အခြေစိုက်ထားတဲ့ ပေါက်မြို့နယ်မှာ ပျူစောထီးအင်အားကောင်းတဲ့ကျေးရွာအများအပြားရှိနေသလို ဒေသတွင်းမှာလည်း ပျူစောထီးတွေကဦးဆောင်ပြီး ကျေးရွာတွေကို စစ်ကြောင်းထိုးနေတာပါ။
ဦးပွေးရဲ့ ထွက်ဆိုချက်အရ တပ်ကုန်းရွာဒေသခံတွေဟာ စားနပ်ရိက္ခာပြတ်လပ်နေကြတာကြောင့် ကျေးရွာအနီးရှိ တောတောင်တွေမှာ မှိုနဲ့ ပျားတွေအပါအဝင် တောတွင်းအလေ့ကျပေါက်တဲ့ အသီးအရွက်တွေကို ရှာဖွေစားသောက်နေကြရတယ်လို့ အထက်ပါတာဝန်ခံက ပြောပါတယ်။
လက်ရှိမှာ ဦးပွေးကို ထိန်းသိမ်းပြီး စစ်ဆေးမေးမြန်းနေဆဲဖြစ်ကာ စစ်ဆေးမှုတွေပြီးဆုံးရင် သက် ဆိုင်ရာတရားရေးအဖွဲ့ ထံကို လွှဲပြောင်းပေးသွားဖြစ်တယ်လို့လည်း သိရပါတယ်။
စာတည်း – ဟိန်းစံ
မြေလတ်အသံ၊ အောက်တိုဘာ ၁၄၊ ၂၀၂၅။
မကွေးတိုင်း၊ ငဖဲမြို့နယ်၊ အမ်း-ပဒါန်းလမ်း၊ ရခိုင်ရိုးမပေါ်ရှိ နတ်ရေကန်တောင်ကမ္ဘာလုံးစခန်းကို အာရက္ခတပ်တော်-AA တပ်ဖွဲ့ဝင်တွေက အနီးကပ်ရိုက်ကူးထားတဲ့ ရုပ်သံဖိုင်လူမှုကွန်ယက်မှာ ပျံ့နှံ့လာပါတယ်။
အဆိုပါရုပ်သံဖိုင်ဟာ အောက်တိုဘာ ၁၀ ရက် ကမ္ဘာလုံးစခန်းကိုတိုက်ခိုက်သိမ်းပိုက်နေချိန်အတွင်း အာရက္ခတပ်တော်-AA တပ်ဖွဲ့ဝင်တချို့က ရိုက်ကူးခဲ့တာဖြစ်တယ်လို့ AAနဲ့နီးစပ်သူအမျိုးသားတဦးက အတည်ပြုပြောပါတယ်။
ရုပ်သံမှာပါဝင်တဲ့နေရာတွေဟာ ကမ္ဘာလုံးစခန်းက စစ်ကော်မရှင်ဒရုန်းတပ်ဖွဲ့ဝင်တွေရဲ့ စခန်းနေရာဖြစ်ပြီး အဲ့ဒီတပ်ဖွဲ့က နတ်ရေကန်တောင်ခြေအောက်ရှိကျေးရွာတွေကို နေ့စဉ်ဗုံးကြဲတိုက်ခိုက်နေတာကြောင့် ကျေးရွာတွေမီးလောင်ပျက်စီးကြရတယ်လို့ AA နဲ့နီးစပ်သူနောက်ထပ် အမျိုးသားတဦးကပြောပါတယ်။
နတ်ရေကန်တောင် ပင်မကမ္ဘာလုံးဗျူဟာစခန်းရဲ့ကာကင်းစခန်းတွေအားလုံးကို အာရက္ခတပ်တော် -AA နဲ့ပူးပေါင်းတပ်ဖွဲ့တွေက အောက်တိုဘာလပထမအပတ်မှာသိမ်းပိုက်နိုင်ခဲ့ပြီးနောက် ကမ္ဘာလုံးစခန်းကို ဆက်လက်ထိုးစစ်ဆင်ခဲ့ရာ အောက်တိုဘာ ၁၀ ရက် ညနေပိုင်းမှာ ကမ္ဘာလုံးစခန်းက စစ်ကော်မရှင်တပ်ဖွဲ့ဝင်တွေ စခန်းစွန့်ခွာထွက်ပြေးနေကြတယ်လို့ ရှေ့တန်းသတင်းရင်းမြစ်တွေကလည်း ပြောပါတယ်။
လက်ရှိမှာ မဟာမိတ်ပူးပေါင်းတပ်ဖွဲ့တွေက အမ်း-ပဒါန်းလမ်းဟောင်း၊ လမ်းသစ် ၂ ခုလုံးကို ပိတ်ဆို့ထိန်းချုပ်ပြီး စစ်ကူပေးပြီးပြန်လည်ထိုးစစ်ဆင်လာတဲ့ စစ်ကော်မရှင်တပ်ဖွဲ့ဝင်တွေနဲ့စခန်းစွန့်ထွက်ပြေးနေတဲ့ စစ်ကော်မရှင်တပ်ဖွဲ့တွေကို တိုက်ခိုက်နေတာကြောင့် နတ်ရေကန်တောင်ကြောတဝိုက်မှာ တိုက်ပွဲတွေ ဆက်လက်ဖြစ်ပွားနေတယ်လို့ သိရပါတယ်။
တိုက်ပွဲတွေဆက်လက်ပြင်းထန်နေတဲ့ နတ်ရေကန်တောင်အနီးတဝိုက် စစ်ကော်မရှင်တပ်က လေကြောင်းကနေ အောက်တိုဘာ ၁၃ ရက် ယမန်နေ့အထိ နေ့စဥ် ဗုံးကြဲတိုက်ခိုက်နေတယ်လို့ သိရပါတယ်။
မြေလတ်အသံ၊ အောက်တိုဘာ ၁၃၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။