မြေလတ်အသံ၊ အောက်တိုဘာ ၉၊ ၂၀၂၅။

မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။

• သပြေညိုရေနံမှော်ဗုံးကြဲခံရပြီး ရေနံလုပ်သားလင်မယား ၂ ဦးသေဆုံး
• ရခိုင်ပြည်နယ်မှာ ကျင်းပခဲ့တဲ့ 96 Soldiers-PDF ၄ နှစ်ပြည့်နဲ့ စစ်သင်တန်းဆင်းပွဲ
• ပွဲစားနဲ့ချိတ်ပြီးအလုပ်လုပ်ဖို့လာတဲ့ ရခိုင်ဒေသခံ ၅၀ ကျော် ပန်းတောင်းမှာဖမ်းဆီးခံရ
• ဆင်လန်မှာ AA ထိုးစစ်ပြင်းထန်နေချိန် ညောင်ခြေထောက်ရွာထိပ်မှာ ခံစစ်စခန်းတခု ထပ်တိုး

စတဲ့သတင်းတွေကို တင်ဆက်ထားပါတယ်။

မြေလတ်အသံ၊ အောက်တိုဘာ ၈၊ ၂၀၂၅။

မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။

• နွားထိုးကြီးနဲ့ ဆားလင်းကြီးမှာ ဗုံးကြဲတိုက်ခိုက်ခံရလို့ အမျိုးသမီး ၂ ဦးသေဆုံးပြီး ၁၁ ဦးဒဏ်ရာရ
• မင်းလှမှာ စစ်ကော်မရှင်ထုတ်ပြန်တဲ့ ရွေးကောက်ပွဲမဲစာရင်းတွေ မီးရှို့ခံရ
• ပွဲစားနဲ့ချိတ်ပြီးအလုပ်လုပ်ဖို့လာတဲ့ ရခိုင်ဒေသခံ ၅၀ ကျော် ပန်းတောင်းမှာဖမ်းဆီးခံရ
• မဲဇလီတံတားရှိစစ်တပ်ဂိတ်ကို တော်လှန်ရေးတပ်တွေတိုက်ခိုက်ပြီး လက်နက်တွေသိမ်းဆည်း

စတဲ့သတင်းတွေကို တင်ဆက်ထားပါတယ်။

မင်းလှ၊ အောက်တိုဘာ ၈၊ ၂၀၂၅။

ပဲခူးတိုင်း၊ မင်းလှမြို့နယ်၊ ဆင်တဲကုန်းအုပ်စု၊ ဆင်တဲကုန်းကျေးရွာမှာ စစ်ကော်မရှင်တပ်က ထုတ်ပြန်ထားတဲ့ မဲစာရင်းတွေကို မီးရှို့ဖျက်ဆီးခဲ့တယ်လို့ သာယာဝတီခရိုင် တပ်ရင်း ၃၈၀၂ တပ်ခွဲ ၂ က အောက်တိုဘာ ၇ ရက်မှာ သတင်းထုတ်ပြန်ပါတယ်။

အောက်တိုဘာ ၆ ရက်ည ၁၁ နာရီမိနစ် ၃၀ ခန့်မှာ ဆင်တဲကုန်းရွာရှိ လူငယ်အားမာန် စာကြည့်တိုက်မှာ ကပ်ထားတဲ့ မဲစာရင်းစာရွက်တွေကို မီးရှို့ခဲ့တာလို့ ဆိုပါတယ်။

“တော်လှန်ရေးသမားတွေအနေနဲ့ကတော့ အတုအယောင်ရွေးကောက်ပွဲလုပ်နေတဲ့ အရာမှန်သမျှကို ဖျက်ဆီးမှာဘဲ။ ဒါကတော်လှန်ရေးသမားတွေရဲ့ ရည်ရွယ်ချက်ဘဲ။ မည်သည့်နေရာမှာမဆို စစ်တပ်ဒေါက်တိုင်မှန်သမျှရယ်၊ စစ်တပ်က လုပ်တာမှန်သမျှ ဖျက်ဆီးသွားမှာဖြစ်တယ်။ တွန်းလှန်ပြီးတော့လုပ်သွားမှာ”လို့ သာယာဝတီခရိုင် တပ်ရင်း ၃၈၀၂ တပ်ခွဲ ၂ တာဝန်ရှိသူတဦးက ပြောပါတယ်။

မီးရှို့ဖျက်ဆီးလိုက်လို့ မဲစာရင်း ၅၆ ရွက်လုံး မီးလောင်ပျက်စီးသွားပြီး ကျေးရွာစာကြည့်တိုက်ကတော့ မီးလောင်တာမရှိဘူးလို့ဆိုပါတယ်။

ဖျက်ဆီးခံရပြီးနောက် အောက်တိုဘာ ၇ ရက်နေ့လယ် ၁ နာရီလောက်မှာ စစ်ကော်မရှင်တပ်ဖွဲ့ဝင် တွေနဲ့ပျူစောထီးတွေက မီးရှို့ခံရတဲ့နေရာကို လာရောက်စစ်ဆေးမှုပြုလုပ်သွားတယ်လို့ သိရပါတယ်။

အဆိုပါ မဲစာရင်းတွေကို စက်တင်ဘာ ၃၀ ကစတင်ကပ်ထားတာဖြစ်ကာ အောက်တိုဘာ ၁၃ ရက်နေ့အထိ ကပ်ထားမှာဖြစ်တယ်လို့ ဆိုပါတယ်။

ဒီဖျက်ဆီးမှုတွေကို ၃၈ဝ၂ တပ်ခွဲ ၂ မြေအောက်ပြောက်ကျား တပ်ဖွဲ့မှ ရဲဘော်များက လုပ်ဆောင်ခဲ့တာ ဖြစ်ပြီး ပြည်သူများအနေဖြင့်လည်း စစ်ကော်မရှင်တပ်ဖွဲ့ဝင်တွေအနီး သွားလာနေထိုင် မပြုလုပ်ကြဖို့ သတိထားသွားလာနေထိုင်ကြရန် သတိပေးထုတ်ပြန်ထားပါတယ်။

၂၀၂၅၊ ဒီဇင်ဘာ ၂၈ မှာ ပြုလုပ်မယ့်ရွေးကောက်ပွဲအပိုင်း ၁ မှာ မြို့နယ်ပေါင်း ၁၀၂ မြို့နယ်ကျင်းပပြုလုပ်မှာဖြစ်ပြီး အဲ့ဒီအထဲမှာ ပဲခူးတိုင်းဒေသကြီးထဲက ၈ မြို့နယ်ပါဝင်ကာ မင်းလှမြို့နယ်ကတော့ အပိုင်း ၁ ကျင်းပပြုလုပ်မယ့်အချိန်မှာ မပါသေးဘူးလို့ ဩဂုတ် ၂၁ ရက်မှာ စစ်ကော်မရှင်တပ်ရဲ့ ရွေးကောက်ပွဲကော်မရှင် ထုတ်ပြန်ချက်အရသိရပါတယ်။

စာတည်း – လင်း၊ တည်းဖြတ် – HP

ရွှေဘို၊ အောက်တိုဘာ ၇၊ ၂၀၂၅။

စစ်ကိုင်းတိုင်းအခြေစိုက် ရွှေဘိုမြို့နယ်ပြည်သူ့ကာကွယ်ရေးတပ်ဖွဲ့က ၃ နှစ်တာအတွင်း ကျဆုံးခဲ့တဲ့တပ်ဖွဲ့ဝင်တွေအတွက် ရည်စူးပြီး ကောင်းမှုကုသိုလ်ပြုလုပ်ပေးခဲ့တယ်လို့ ပကဖတာဝန်ရှိသူတွေထံက သိရပါတယ်။

တပ်ဖွဲ့စတင်ဖွဲ့စည်းခဲ့တဲ့ ၂၀၂၂ အောက်တိုဘာလကနေ လက်ရှိအထိ ၃ နှစ်တာကာလအတွင်း ရွှေဘိုမြို့နယ်နဲ့ အနီးတဝိုက်စစ်ဆင်ရေးတွေမှာ ရပ်ကျေး၊ တိုက်နယ်၊ မြို့နယ်အဆင့်ပကဖအဖွဲ့ဝင် ၁၂၃ ဦး ကျဆုံးထားတယ်လို့ ဆိုပါတယ်။

” တပ်ဖွဲ့စကာလတုန်းကတော့ မိုင်းမတော်တဆမှု​ကြောင့် ကျတာတွေများတယ်။ နောက်ပိုင်းကာလတွေမှာတော့ ထိတွေ့တိုက်ပွဲတွေမှာ ကျတာများတယ်။ ကင်းဝင်စီးခံရလို့ ၄ ယောက်ကျတာတွေလည်းရှိတယ်”လို့ ရွှေဘိုမြို့နယ်ပကဖတာဝန်ရှိသူတဦးက မြေလတ်အသံကို ပြောပါတယ်။

ကျဆုံးအဖွဲ့ဝင်တွေအတွက်ရည်စူးပြီး အောက်တိုဘာ ၆ ရက်သီတင်းကျွတ်လပြည့်နေ့မှာ သံဃာ ၁၀ ပါးကို ဆွမ်းကပ်တာနဲ့ ဝတ္ထုပစ္စည်းတွေလှူဒါန်းကာ အောက်မေ့ဖွယ်လွမ်းတရားနာအခမ်းအနားကို ပြုလုပ်ပေးခဲ့တယ်လို့ သိရပါတယ်။

ဒါ့အပြင် ကျဆုံးတပ်ဖွဲ့ဝင်တွေရဲ့မိသားစုဝင်တွေကို ထောက်ပံ့ပေးတာနဲ့အားပေးစကားပြောကြားတာတွေပြုလုပ်ခဲ့ပြီး တပ်ဖွဲ့ ရံပုံငွေရရှိမှုအပေါ်မူတည်ကာ ကျန်ရစ်မိသားစုဝင်တွေကို ဆက်လက်ထောက်ပံ့ကူညီပေးနိုင်အောင် ဆောင်ရွက်သွားမှာဖြစ်တယ်လို့ ပကဖတာဝန်ရှိသူက ပြောပါတယ်။

တည်းဖြတ် – M

မြေလတ်အသံ၊ အောက်တိုဘာ ၅၊ ၂၀၂၅။

မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။

• လောင်းပြည့်ကျွန်းရွှေမျောစီမံကိန်းကို မင်းကင်းဒေသခံ ၂,၀၀၀ ကျော် ဒုတိယအကြိမ် ဆန္ဒပြကန့်ကွက်
• ဇီးကုန်းလေး ပျူစောထီးကင်းစခန်းကို တိုက်ခိုက်မီးရှို့ပြီး သေနတ် ၃ လက်သိမ်းဆည်း
• မုံရွာမှာပိုက်ဆံကောက်နေတဲ့ စစ်ကော်မရှင်တပ် မိုင်းဆွဲခံရလို့ ၃ ဦးသေဆုံး

စတဲ့သတင်းတွေကို တင်ဆက်ထားပါတယ်။

မြေလတ်အသံ၊ အောက်တိုဘာ ၃၊ ၂၀၂၅။

မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။

• ရွှေဘိုမှာ ဘုန်းကြီးကျောင်းဝန်းလက်နက်ကြီးကျလို့ ကိုရင် ၃ ပါးပျံလွန်ပြီး ထိခိုက်မှုများ
• နတ်ရေကန်တောင်တိုက်ပွဲတွေကနေ ထွက်ပြေးလာတဲ့ စစ်မှုထမ်းတပ်သား ၂၇ ဦးကို ထပ်မံဖမ်းမိ
• ကျောက်ပန်းတောင်းမှာ ရေတိုက်စားပြီးတံတားကျိုးလို့ ကားအစီးရေ ရာကျော်ပိတ်မိနေ
• မြင်းခြံ၊ ညောင်ပင်ရွာကို ပျူစောထီးသီတာယုမွန်အဖွဲ့က ၃ ရက်ဆက်မီးရှို့

စတဲ့သတင်းတွေကို တင်ဆက်ထားပါတယ်။

မြေလတ်အသံ၊ အောက်တိုဘာ ၂၊ ၂၀၂၅။

မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။

• ကန်ဘလူပျူစောထီးစခန်းတိုက်ပွဲမှာ ပျူစောထီး ၆ ဦးလက်နက်ချအညံ့ခံခဲ့ကာ တိုက်ပွဲတွင်း ၂ ဦးသေဆုံးပြီး သေနတ် ၇ လက်သိမ်းဆည်း
• ကပစ ၁၄ ခံစစ် နတ်ရေကန်တောင်ကမ္ဘာလုံးစခန်းမှာ တိုက်ပွဲပြင်းထန်
• တော်လှန်ရေးတပ်တချို့လုပ်ကိုင်မယ့် လောင်းပြည့်ကျွန်းရွှေမျောစီမံကိန်းကို မင်းကင်းဒေသခံ ထောင်နဲ့ချီ ဆန္ဒပြကန့်ကွက်

စတဲ့သတင်းတွေကို တင်ဆက်ထားပါတယ်။