မြေလတ်အသံ၊ နိုဝင်ဘာ ၂၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ နိုဝင်ဘာ ၁၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ အောက်တိုဘာ ၃၁၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ အောက်တိုဘာ ၃၁၊ ၂၀၂၅။
စစ်ကိုင်းတိုင်း၊ မုံရွာမြို့နယ်အခြေစိုက် မုံရွာမြို့နယ်ပကဖဆီကို ရခိုင်စစ်မြေပြင်ကို ပို့ဆောင်ခံရမယ့် စစ်ကြောင်းက စစ်ကော်မရှင်တပ်က တပ်ကြပ်ကြီး ၁ ဦးထွက်ပြေးကာ ဘက်ပြောင်းခိုလှုံလာခဲ့ကြတယ်လို့ အဲ့ဒီအဖွဲ့ဆီက သိရပါတယ်။
အသက် ၅၀ ကျော်အရွယ်ရှိတပ်ကြပ်ကြီးဖြစ်သူဟာ ကလေးမြို့အခြေစိုက် အမှတ် ၆ ဆက်သွယ်ရေးတပ်ကဖြစ်ပြီး အောက်တိုဘာ ၂၉ ရက်မှာ မုံရွာမြို့နယ်ပကဖ အမှတ်-၂ တိုက်နယ် အထူးတိုက်ခိုက်ရေးတပ်ဖွဲ့၊ တောကျွဲကြီးပြောက်ကျားတပ်ဖွဲ့နဲ့ ချိတ်ဆက်ကာ ဘက်ပြောင်းလာခဲ့တာဖြစ်တယ်လို့ ဆိုပါတယ်။
“အခုလူက ပြည်အရောက်မှာ ထွက်ပြေးလာတာပြောတယ်။ သေနတ်မပါဘူး။ ဒီကောင်တွေက စကခ ၁၀ အနေနဲ့ အင်အားသွားပေါင်းပေးရတာ။ သူတို့ Target Point ကို မရောက်သေးခင် ထွက်ပြေးလာတာဗျ။ ရခိုင်မှာ ထိုးစစ်လုပ်ဖို့ တပ်မ ၆၆ ကို အင်အား ဖြည့်ပေးဖို့ စကခ ၁၀ နဲ့အတူ ပါသွားတာဗျ”လို့ မုံရွာမြို့နယ် ပကဖတာဝန်ရှိသူကပြောပါတယ်။
အဲဒီတပ်ကြပ်ကြီးဟာ ကလေးမြို့နယ် အခြေစိုက် စကခ ၁၀ စစ်ကြောင်းနဲ့အတူ ပြည်မြို့နယ်အခြေစိုက် တပ်မ ၆၆ ကို အင်အားသွားပေါင်းပြီး ပြည်မြို့ကနေတဆင့် ကျောက်ဖြူမြို့ကို လေယာဥ်နဲ့ ရှေ့တန်းထွက်သွားရမှာ ဖြစ်တယ်လို့ ၎င်းရဲ့ပြောဆိုချက်ကို ကိုးကားပြီး ပကဖတာဝန်ရှိသူက ဆိုပါတယ်။
အဆိုပါ အင်အား ၁၀၀ ပါ စစ်ကြောင်းဟာ ကလေးမြို့ကနေတဆင့် ကားနဲ့ တပ်မ ၆၆ ကိုထွက်ခွာလာချိန် ပြည်မြို့ နယ်တနေရာအရောက်မှာ တပ်ကြပ်ကြီး ၁ ဦးတည်းက ထွက်ပြေးလာခဲ့တာလို့ သူကဆိုပါတယ်။
ခုလိုထွက်ပြေးလာခဲ့တဲ့ အခြေအနေတွေနဲ့ပတ်သက်ပြီး အသေးစိတ်အချက်အလက်တွေကို စစ်ရေးလုံခြုံရေးအရ ထုတ်ဖော်ပြောပြလို့မရသေးကြောင်း အထက်ပါ တာဝန်ရှိသူကပြောပါတယ်။
ဒါ့အပြင် မုံရွာမြို့နယ်၊ ကျောက္ကာကျေးရွာ ရွှေဂူနီဘုရားပေါ်မှာတပ်စွဲထားတဲ့စခန်းက အသက် ၂၅ နဲ့ ၄၀ အရွယ် စစ်ကော်မရှင် တပ်သား ၂ ဦး လက်နက် ၂ လက်ယူဆောင်ပြီး ဘက်ပြောင်းခိုလှုံလာခဲ့တယ်လို့ အောက်တိုဘာ ၂၈ ရက်မှာ မုံရွာမြို့နယ် ပကဖ ကထုတ်ပြန်ခဲ့ပါတယ်။
“အစကတည်းက ပေါ်တာဆွဲခံခဲ့ရတာဆိုတော့ အခွင့်အရေးရရင် ပြေးချင်ကြတာပါပဲ။ သူတို့ စိတ်ဆန္ဒမှ မပါကြတာ။ တဦးက ၃၃ ကနေ ကသာ ခမရ ၃၀၉ ကျတယ်ဆိုပြီး ကသာထိ မရောက်သေးဘဲ ဒီဘက်မှာ သုံးနေတာ။ နောက်တယောက်ကတော့ ဘယ်တပ်တာဝန်ကျတယ်လို့ကို သူကိုယ်တိုင် မသိရဘူးဗျ”လို့ မုံရွာမြို့နယ်ပကဖတာဝန်ရှိသူတဦးက ပြောပါတယ်။
သင်တန်းဆင်းပြီးနောက် ၂ ဦးစလုံးက စစ်ကိုင်းအခြေစိုက် တပ်မ ၃၃ ကိုတာဝန်ကျလာခဲ့ကာ အဲ့ဒီကတဆင့် တခြားတပ်ရင်းတွေကိုပြောင်းရွှေ့ဖို့ အမိန့်ချခံထားရပြီး သက်ဆိုင်ရာတပ်တွေကို မရောက်ခင်ကြား ရွှေဂူနီဘုရားပေါ်မှာတာဝန်ကျနေကြချိန်မှာ Titans Force Monywa- အမှတ် (၂) တိုက်နယ် ပကဖ တိုက်ခိုက်ရေးအဖွဲ့နဲ့ ချိတ်ဆက်ကာဘက်ပြောင်းလာတာလို့ ၎င်းတို့ရဲ့ပြောဆိုချက်ကို ကိုးကားပြီး မုံရွာပကဖတာဝန်ရှိသူက ပြောပါတယ်။
ဘက်ပြောင်းလာချိန် တပ်သား ၂ ဦးမှာ ၎င်းတို့ကိုင်ဆောင်ရတဲ့ MA 3 ၁ လက်၊ MA 11 ၁လက် စုစုပေါင်း သေနတ် ၂ လက်ပါရှိခဲ့တယ်လို့ အထက်ပါတာဝန်ရှိသူက ဆိုပါတယ်။
လက်ရှိမှာ ဘက်ပြောင်းလာသူ ၂ ဦးကို စစ်ဆေးမေးမြန်းချက်အရ ၎င်းတို့ဟာ စစ်ရာဇဝတ်မှုကျူးလွန်ထားတာ မရှိတာကြောင့် ကောင်းကောင်းမွန်မွန်စောင့်ရှောက်ထားကာ သူတို့ဖြစ်ချင်တဲ့ဆန္ဒအတိုင်း လုပ်ဆောင်ပေးသွားမယ်လို့ သိရပါတယ်။
စာတည်း – လင်း
မြေလတ်အသံ၊ အောက်တိုဘာ ၃၀၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ အောက်တိုဘာ ၃၀၊ ၂၀၂၅။
စစ်ကိုင်းတိုင်း၊ ဝက်လက်မြို့နယ်၊ ကျောက်ကုန်းကျေးရွာမှာ စစ်ကော်မရှင်တပ်နဲ့ ဒေသကာကွယ်ရေးတပ်ဖွဲ့တွေအကြားထိတွေ့တိုက်ပွဲ ၅ ရက်တာဖြစ်ခဲ့ပြီးနောက် စစ်ကော်မရှင်ဘက်က အထိနာကာ တပ်ပြန်ဆုတ်သွားတယ်လို့ နွေဦးအောင်ပွဲ(တော်လှန်ရေးအင်အားစု)က အောက်တိုဘာ ၃၀ ရက် ဒီကနေ့မှာ ထုတ်ပြန်ပါတယ်။
အရာတော်မြို့နယ်၊ သလဲဘာရွာ ပျူစောထီးစခန်းကနေထွက်ခွာလာတဲ့ စစ်ကော်မရှင်တပ်နဲ့ ပျူစောထီး ပူးပေါင်းအင်အား ၁၀၀ ဝန်းကျင်ဟာ ကျောက်ကုန်းကျေးရွာကို စစ်ကြောင်းထိုးဝင်ရောက်စဉ် အောက်တိုဘာ ၂၁ ရက်နေ့မှာ ဒေသကာကွယ်ရေးတပ်ဖွဲ့တွေနဲ့ ထိတွေ့တိုက်ပွဲဖြစ်ခဲ့တာပါ။
အဆိုပါတိုက်ပွဲဟာ အောက်တိုဘာ ၂၁ ရက်ကနေ ၂၅ ရက်အထိ ၅ ရက်တာ ကြာမြင့်ခဲ့တယ်လို့ နွေဦးအောင်ပွဲ (တော်လှန်ရေးအင်အားစု)မှ တာဝန်ရှိသူက ပြောပါတယ်။
“စကစနည်းပြီး ပျူတွေများတယ်ဗျ။ သူတို့က ကျောက်ကုန်းရွာကနေ တန်ဖိုးရှိတဲ့ ကား တွေ၊ ဆိုင်ကယ်တွေနဲ့ တခြားပစ္စည်းတွေကို ဝင်ယူပြီးတော့ သလဲဘာကို ပို့နေတာ။ သလဲဘာနဲ့ကျောက်ကြီးက ဟိုဘက်ကမ်း ဒီဘက်ကမ်း မဝေးပါဘူး။ တံတားတစင်းပဲခြားတာ။ လှမ်းခေါ်ရင်တောင်ကြားတယ်။ ကျနော်တို့ တိုက်ထုတ်လိုက်တော့ **ပြေး၊ ဝက်ပြေးနေသွားရတာ”လို့ နွေဦးအောင်ပွဲ (တော်လှန်ရေးအင်အားစု)မှ တာဝန်ရှိသူက ပြောပါတယ်။
တိုက်ပွဲအတွင်း စစ်ကော်မရှင်တပ်နဲ့ပျူစောထီးတွေဘက်က အောက်တိုဘာ ၂၄ ရက်မှာ ၇ ဦး၊ အောက်တိုဘာ ၂၅ ရက်မှာ ၉ ဦးတို့ စုစုပေါင်း ၁၆ ဦးသေဆုံးပြီး ၃၀ ဦးဒဏ်ရာရရှိခဲ့တယ်လို့ သူကဆက်ပြောပါတယ်။
သေဆုံးခဲ့တဲ့ စစ်ကော်မရှင်နဲ့ပျူစောထီး ၇ ဦးကိုမျက်မြင်တွေ့ခဲ့ရတာဖြစ်သလို ကျန် ၉ ဦးကိုတော့ ကျေးရွာရဲ့ တံတားပေါ်မှာသေဆုံးခဲ့တာကို ဒရုန်းကတဆင့်မြင်တွေ့ခဲ့ရတာဖြစ်ပြီး တံတားပေါ်ကအလောင်းတွေကို ထွက်ပြေးစစ်သားတွေက ချောင်းထဲကို ပစ်ချခဲ့တယ်လို့ အထက်ပါတာဝန်ရှိသူက ဆိုပါတယ်။
အဆိုပါစစ်ကြောင်းဟာ တော်လှန်ရေးပူးပေါင်းတပ်ဖွဲ့တွေရဲ့ တိုက်ခိုက်မှုကို မခုခံနိုင်တော့ဘဲ အောက်တိုဘာ ၂၅ ရက်ညနေ ၅ နာရီအချိန်မှာ ကျောက်ကုန်းရွာကနေ သလဲဘာရွာ ပျူစောထီးစခန်းကို ပြန်လည်ဆုတ်ခွာ ထွက်ပြေးသွားတယ်လို့လည်း ဆိုပါတယ်။
ဒီတိုက်ခိုက်မှုကိုတော့ ရွှေဘိုခရိုင်အမှတ် ၁၊ ၂၊ ၄ တပ်ရင်း၊ ဝက်လက်မြို့နယ် ပကဖ၊ ရွှေ ပန်းကုံးတိုက်နယ်ပကဖ၊ ကိုးတောင်ကြားအဖွဲ့၊ ရွှေဘိုခရိုင် Drone အဖွဲ့၊ ကျီးကန် (မ)ရွာ Drone အဖွဲ့၊ MSaiNaw Drone အဖွဲ့နဲ့ ဒေသခံပကဖတွေ ပူးပေါင်းတိုက်ခိုက်ခဲ့တာလို့ သိရပါတယ်။
တည်းဖြတ် – HP
မြေလတ်အသံ၊ အောက်တိုဘာ ၃၀၊ ၂၀၂၅။
စစ်ကိုင်းတိုင်း၊ ကသာမြို့နယ်က ကျေးရွာတရွာနဲ့ ဗန်းမောက်မြို့အနီးကို စစ်ကော်မရှင်တပ်က အောက်တိုဘာ ၂၉ ရက်မှာ ဗုံးကြဲတိုက်ခိုက်ခဲ့တာကြောင့် ၁၀ နှစ်ကလေး ၁ ဦးအပါအဝင် ၅ ဦးသေဆုံးခဲ့တယ်လို့ တော်လှန်ရေးတပ်ဖွဲ့ဝင်တွေဆီက သိရပါတယ်။
အောက်တိုဘာ ၂၉ ရက်ည ၁၀ နာရီကျော်မှာ ကသာမြို့နယ်၊ ညောင်ခြေထောက်ကျေးရွာကို တိုက်ခိုက်ရေး လေယာဥ် ၁ စီးနဲ့ ဗုံး ၃ လုံးကြဲချခဲ့ရာ ၁၀ နှစ်အရွယ် ယောကျာ်းလေး ၁ ဦး၊ အသက် ၆၀ ကျော်အရွယ် အမျိုး သား ၁ ဦးနဲ့ အမျိုးသမီး ၁ ဦး၊ အသက် ၄၀ အရွယ်အမျိုးသမီး ၂ ဦးတို့ သေဆုံးခဲ့ပါတယ်။
“အသက် ၉၀ ကျော် အမျိုးသမီး ၁ ဦး စိုးရိမ်ဒဏ်ရာရကာ နောက်ထပ် ၇ ဦးလည်း ဒဏ်ရာပြင်းထန် ရရှိထားပါတယ်။ ညအချိန် ပြည်သူများနေထိုင်တဲ့ ကျေးရွာကို အကြောင်းမဲ့ ဗုံးကြဲခံရမှုကြောင့် မသေသင့်ဘဲ ပြည်သူ့ အသက်အိုးအိမ်တွေ ဆုံးရှုံးခဲ့ရပါတယ်”လို့ ကသာခရိုင်ပြည်သူ့အုပ်ချုပ်ရေးအဖွဲ့(ပအဖ)က အောက်တိုဘာ ၃၀ ရက်ဒီကနေ့မှာ ထုတ်ပြန်ခဲ့ပါတယ်။
ဗုံးကြဲခံရတဲ့နေရာတွေဟာ ညောင်ခြေထောက်ကျေးရွာ ဘုန်းတော်ကြီးကျောင်းနဲ့ ကျေးရွာအတွင်းဖြစ်ပြီး ဗုံးကြဲမှုကြောင့် လူနေအိမ် ၁၄ လုံးနဲ့ ဘုန်းကြီးကျောင်းဝန်းအတွင်းရှိ ဓမ္မာရုံ၊ ဂရုဏာပရဟိတကား ၁ စီးလည်း ပျက်စီးခဲ့ရတယ်လို့ ကသာမြို့နယ်ပအဖ က ဆိုထားပါတယ်။
အလားတူ အောက်တိုဘာ ၂၉ ရက်မနက် ၈ နာရီကျော်ကလည်း NUG လက်အောက်ခံ တော်လှန်ရေးတပ်တွေ ထိန်းချုပ်ထားတဲ့ ဗန်းမောက်မြို့ပြင်ရှိ တောတန်းတွေကို Y-12 ထောက်ပို့လေယာဥ် ၁ စီးနဲ့ ဗုံးကြဲတိုက်ခိုက်ခဲ့တယ်လို့ သိရပါတယ်။
“မြို့ပြင်ကိုပါ။ အထိအခိုက် အပျက်အစီးတော့မရှိလိုက်ပါဘူး။တောစပ်တွေကိုပေါ့။ မြို့နားပတ်လည်ပါပဲ။ ဗုံးအလုံးရေများတော့ မရေထားမိလိုက်ဘူး”လို့ ဗန်းမောက်ဒေသခံတော်လှန်ရေးတပ်ဖွဲ့ဝင်တဦးက ပြောပါတယ်။
NUG တပ်တွေတိုက်ခိုက်သိမ်းပိုက်ထားတဲ့ ဗန်းမောက်မြို့ကို ပြန်လည်ရရှိဖို့ ရှမ်းနီအမျိုးသားတပ်မတော်(SNA)နဲ့ စစ်ကော်မရှင်တပ်မ ၃၃ က ပူးပေါင်းအင်အား ၅၀၀ ကျော်နဲ့ ထိုးစစ်ဆင်တိုက်ခိုက်မှုတွေ နေ့စဥ်နီးပါး ရှိနေပေမယ့် တော်လှန်တပ်တွေဘက်က ခုခံမှုကိုမထိုးဖောက်နိုင်သေးဘူး လို့လည်း ဒေသခံတော်လှန်ရေးတပ်ဖွဲ့တွေဆီက သိရပါတယ်။
၂၀၂၁၊ စစ်အာဏာသိမ်းချိန်ကနေ ၂၀၂၅၊ အောက်တိုဘာ ၂၉ ရက်အထိ စစ်ကော်မရှင်တပ်နဲ့ လက်အောက်ခံတပ်ဖွဲ့ဝင်တွေကြောင့် သေဆုံးခဲ့ရတဲ့ပြည်သူစုစုပေါင်း ၇,၄၂၂ ဦးရှိပြီလို့ နိုင်ငံရေးကျဥ်းသားများကူညီစောင့်ရှောက်ရေးအသင်း – AAPP က ထုတ်ပြန်ပါတယ်။
စာတည်း – လင်း
မြေလတ်အသံ၊ အောက်တိုဘာ ၂၉၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မုံရွာ၊ အောက်တိုဘာ ၂၉၊ ၂၀၂၅။
စစ်ကိုင်းတိုင်း၊ မုံရွာမြို့နယ်၊ တောပုရွာကနေ ဆက်ကြေးကောက်ဖို့လာတဲ့ စစ်ကော်မရှင်တပ်ဖွဲ့ဝင်တွေကို ပဒေသာမိုင်းနဲ့တိုက်ခိုက်ရာ ၁ ဦးသေဆုံးခဲ့တယ်လို့ Chindwin Fighter Group-CFG ဆီက သိရပါတယ်။
အောက်တိုဘာ ၂၆ ရက်မနက် ၆ နာရီ ၄၀ မိနစ်မှာ တောပုရွာကထွက်လာတဲ့ အင်အား ၂၀ ပါ စစ်ကော်မရှင်စစ်ကြောင်းကို မုံရွာမြို့နယ်အထွက် မုံရွာမြို့နယ် ချောင်းဦးမြို့နယ်အကြား မုံရွာ-မန္တလေးလမ်းပိုင်း မုံရွေးရွာအနီးမှာ ပဒေသာမိုင်း ၃ လုံးနဲ့ တိုက်ခိုက်ခဲ့တာလို့ ဆိုပါတယ်။
“တောပုရွာကနေ ဆက်ကြေးကောက်ဖို့ အင်အား ၂၀ နဲ့ ထွက်လာကြတာ၊ မုံရွာ မန္တလေးလမ်းမ တနေရာမှာ တိုက်ခိုက်ခဲ့တာ၊ ပဒေသာမိုင်း ၃ လုံးနဲ့ ဖောက်ခွဲတိုက်ခိုက်ခဲ့တာ၊ မျက်မြင်ပြည်သူ ၁ ဦးကတော့ သတင်းလှမ်းပို့တယ်၊ ပွဲချင်းပြီးနေရာမှာ ၁ ကောင်သေတယ်၊ မနေ့ညက ကျနော်တို့ ထပ်ကြားရတာက ၂ ကောင်ထပ်သေတယ်”လို့ Chindwin Fighter Group-CFG တာဝန်ခံ ကိုငှက်ခါးက ပြောပါတယ်။
တိုက်ခိုက်ပြီးနောက် နေ့လယ်ပိုင်းမှာ စစ်ကော်မရှင်တပ်ဖွဲ့ဝင်တွေက တောပုရွာထဲကိုပြန်ဝင်သွားခဲ့ပြီး ဒဏ်ရာရသူတွေကို မုံရွာဆေးရုံကိုပို့ဆောင်ခဲ့တယ်လို့သိရကြောင်း သူက ဆက်ပြောပါတယ်။
တောပုရွာဟာပျူစောထီးအားကောင်းတဲ့ကျေးရွာဖြစ်ပြီး ၂၀၂၂ ခုနှစ်ကတည်းက စစ်ကော်မရှင်တပ်တွေက ရွာထဲမှာစတင်တပ်စွဲနေထိုင်နေကြကာ တပ်ပြောင်းတပ်ချိန်းတွေလည်းရှိတာကြောင့် ခုတိုက်ခိုက်ခံရတာဟာ ဘယ်တပ်ရင်းကလည်းဆိုတာ မသိရဘူးလို့ ဆိုပါတယ်။
တပ်စွဲနေတဲ့ကာလတလျောက်မှာလည်း တောပုရွာအနီးရှိ မုံရွေးရွာကို စစ်ကြောင်းထိုးတာ၊ မုံရွာ-မန္တလေးလမ်းပိုင်း နေရာတွေမှာ ခရီးသွားပြည်သူတွေကိုငွေတောင်းတာတွေလုပ်လေ့ရှိတယ်လို့ ကိုငှက်ခါးက ပြောပါတယ်။
ဒီတိုက်ခိုက်မှုကို Chindwin Fighter Group-CFG နဲ့ BRAVE HEART ARMY-BHA -MONWYA DYNAMIDE.STF တို့က ပူးပေါင်းလုပ်ဆောင်ခဲ့တာဖြစ်ပါတယ်။
ပြီးခဲ့တဲ့ အောက်တိုဘာ ၁၁ ရက်ကလည်း စစ်ကော်မရှင် ရေယာဉ် ၁၅ စီးကို Chindwin Fighter Group-CFG က မုံရွာမြို့နယ်အပိုင် ချင်းတွင်းမြစ်ကြောင်းတနေရာမှာ ပစ်ခတ်တိုက်ခိုက်ခဲ့ပါသေးတယ်။
တည်းဖြတ် – HP
မြေလတ်အသံ၊ အောက်တိုဘာ ၂၈၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။