မြေလတ်အသံ၊ ဧပြီ ၂၊ ၂၀၂၅။
နေပြည်တော်၊ ဥတ္တရသီရိမြို့နယ်က အေးချမ်းသာ ဟိုတယ် ၆ ထပ်အဆောက်အဦရဲ့အောက်ဆုံး ၂ ထပ်ပြိုကျပြီး ပိတ်မိနေသူ ၂ ဦးအနက် အမျိုးသား ၁ ဦးကို ငလျင်လှုပ်ပြီး ၅ ရက်မြောက်နေ့ ဧပြီ ၂ ရက်နေ့ မနက် ၁၂ နာရီ ၃၀ ခန့်မှာ အသက်ရှင်လျက်ကယ်ထုတ်နိုင်ခဲ့တယ်လို့ မြန်မာနိုင်ငံမီးသတ်ဦးစီးဌာနက ထုတ်ပြန်ထားပါတယ်။
မကွေး၊ မတ် ၁၈၊ ၂၀၂၂။
မကွေးတိုင်း၊ ဂန့်ဂေါမြို့နယ်ထဲက မြောက်ခင်ရန်းကျေးရွာမှာ တပ်စွဲထားတဲ့ စစ်ကောင်စီနဲ့ ပျူစောထီးတွေကို PDF မဟာမိတ်အဖွဲ့တွေ ဝင်ရောက်တိုက်ခိုက်ပြီး ပြည်သူ ၄၀၀ ကျော်ကို ကယ်ထုတ်လာနိုင်ခဲ့တယ်လို့ ဂန့်ဂေါPDF တာဝန်ခံဆီက သိရပါတယ်။
မတ်လ ၁၈ရက် ဒီနေ့ မနက် ၄နာရီဝန်းကျင်မှာ မြောက်ခင်ရန်းရွာထဲကို ဝင်ရောက်တိုက်ခိုက်ခဲ့ပြီး ပြည်သူတွေကယ်ထုတ်ချိန်မှာ PDF တဦးကျဆုံးပြီး မစိုးရိမ်ရ ဒဏ်ရာ ရရှိသူတဦး ရှိခဲ့တယ်လို့ ဂန့်ဂေါ PDF တာဝန်ခံ ကိုနောင်က ပြောပါတယ်။
“ကျနော်တို့အဖွဲ့တွေဝင်လာတော့ သူတို့ဆုတ်ခွာပြေးပါတယ်၊သူတို့ဆုတ်ခွာသွားချိန်မှာ ရွာထဲမှာရှိနေတဲ့ အရင်ကထွက်ချင်တယ်ပြည်သူတွေကို ကယ်ထုတ်ခဲ့ပါတယ်၊ မနက်လင်းပိုင်းကြတော့ ဟံသာဝတီဘက်ကနေ သူတို့တပ်ကူတွေတက်လာတယ်၊ သူတို့ကတက်လာတဲ့အချိန်မှာ ၁၂၀ မမ နဲ့ စက်သေနတ်တွေနဲ့ ပစ်ဝင်လာကြလို့ ပြန်ဆုတ်လာခဲ့ရတယ်” လို့ ကိုနောင်က ပြောပါတယ်။
အဲ့ဒီရွာမှာ စစ်ကောင်စီက တပ်စွဲထားပြီး ရွာခံ ပြည်သူတွေကို ဖမ်းဆီးနှိပ်စက်တာတွေ၊ နေအိမ်မီးရှို့တာတွေ၊ ပျူစောထီးသင်တန်းတွေအတင်းတက်ခိုင်းပြီး ကင်းစောင့်ခိုင်းတာတွေကို လုပ်နေတာတွေရှိနေတယ်လို့ အကူအညီတောင်းခံလာလို့ အခုလိုသွားပြီးကယ်ထုတ်ခဲ့တာဖြစ်တယ်လို့ ပြောပါတယ်။
ဒီနေ့ ညနေပိုင်းအထိ ပြည်သူ ၄၀၀ ကျော်ကယ်ထုတ်နိုင်ခဲ့ပြီး ကယ်ထုတ်လာတဲ့ ပြည်သူတွေရဲ့ နေအိမ်တွေကို စစ်ကောင်စီက မီးရှို့နေတယ်လို့ သိရပါတယ်။
စစ်ကိုင်း၊ ဇန်နဝါရီ ၁၂၊၂၀၂၂။
စစ်ကိုင်းတိုင်း၊ ယင်မားပင်မြို့နယ်ရဲစခန်းမှာ ဇန်နဝါရီ ၈ ရက်က ဖမ်းဆီးခံထားရတဲ့ ပြည်သူ ၅ ဦးကို ဇန်နဝါရီ ၁၁ ရက် မနေ့က ညပိုင်းမှာ ကယ်ထုတ်လာခဲ့တယ်လို့ ချင်းတွင်းရိုးမ မဟာမိတ်တပ်ပေါင်းစုဆီက သိရပါတယ်။
အဲ့ဒီရဲစခန်းကို မနေ့က ည ၇ နာရီခွဲလောက်ကတည်းက လက်နက်ကြီးနဲ့ စတင်တိုက်ခိုက်ခဲ့ပြီး၊ ၈ နာရီလောက်မှာ ကယ်ထုတ်လာနိုင်ခဲ့တာဖြစ်တယ်လို့ ချင်းတွင်းရိုးမ မဟာမိတ်တပ်ပေါင်းစုရဲ့ တာဝန်ခံက ပြောပါတယ်။
“၁၁ ရက်နေ့ညမှာ ၇ နာရီခွဲ လောက်မှာပဲပြီး လက်နက်ကြီးနဲ့ ပစ်တယ်။ ဗိုလ်သူရိန်အဖွဲ့ရယ်၊ ဟီးရိုးတိုက်ဂါးရယ် ကနီခေါင်းဆောင်၊ ဗိုလ်နဂါးတို့လည်းပါတယ်။ ၈ နာရီလောက်မှာ ဖမ်းချုပ်ခံထားရတဲ့ အပြစ်မဲ့ပြည်သူ ၅ ယောက်ကို ကယ်ထုတ်နိုင်ခဲ့တယ်” လို့ သူက ပြောပါတယ်။
ဒီလုပ်ဆောင်ချက်ကို ချင်းတွင်းရိုးမ မဟာမိတ်တပ်ပေါင်းစု၊ Pale People’s Defence Force PPDF၊ Hero Tiger Force တို့ကပူးပေါင်းလုပ်ဆောင်ခဲ့တာဖြစ်ပြီး ဇန်နဝါရီ ၁၀ ရက်ညကလည်း အဲ့ဒီရဲစခန်းကိုပဲ လက်နက်ကြီးနဲ့ တိုက်ခိုက်ခဲ့သေးတယ်လို့ ချင်းတွင်းရိုးမ မဟာမိတ်တပ်ပေါင်းစုဆီက သိရပါတယ်။