MLAT 
မြေလတ်အသံ၊ ဇွန် ၈၊ ၂၀၂၅။
ယနေ့မနက် ယှဉ်ပြိုင်နေတဲ့ UFC 316 မှာ UFC ဖလိုင်းဝိတ် အဆင့် ၁၂ က ဝါရင့်ဖိုက်တာ အသက် ၃၅ နှစ်အရွယ် ဘရူနိုဆေးလ်ဗားကို မြန်မာပြည်ဖွား ချင်းလူငယ်ဖိုက်တာ ဂျော့ရှုဝါဗန်က အလဲထိုးနဲ့ အနိုင်ရရှိခဲ့ပါတယ်။
ဘရူနိုဆေးလ်ဗားနဲ့ ဂျော့ရှုဝါဗန်ဟာ UFC 313 ကတည်းက ပွဲတည်ခဲ့ပြီး ပြိုင်ပွဲနီးမှ ဒဏ်ရာကြောင့် ဘရူနိုဆေးလ်ဗား နုတ်ထွက်သွားခဲ့လို့ အခုတကြိမ်မှ ပွဲဖြစ်ခဲ့တာပါ။
ဒီပွဲမှာ ဂျော့ရှုဝါဗန်က ဘရူနိုဆေးလ်ဗားကို ၃ ချီလုံးအသာစီးနဲ့ ထိုးသတ်နိုင်ခဲ့ပြီး ဘရူနိုရဲ့ လှဲချဖို့ ကြိုးစားတာတွေကိုလည်း အကောင်းဆုံးခုခံသွားနိုင်ခဲ့ပါတယ်။
၃ ချီလုံးမှာ ဘရူနိုကို လဲကျအောင် ထိုးသတ်နိုင်ခဲ့ပြီး တတိယအချီ ၄ မိနစ် အရောက်မှာတော့ ဘရူနိုကို အလဲထိုးနိုင်ခဲ့ကာ UFC ၄ ပွဲဆက် အနိုင်ရလဒ်ကို ဖော်ဆောင်ထားနိုင်ခဲ့တာပဲ ဖြစ်ပါတယ်။
အသက် ၂၃ နှစ်အရွယ် ချင်းလူငယ်ဖိုက်တာ ဂျော့ရှုဝါဗန်ဟာ UFC မှာ ၈ ပွဲထိုးသတ်ထားပြီး ၇ ပွဲအနိုင်ရရှိထားကာ ၁ ပွဲသာ ရှုံးနိမ့်ခဲ့တာဖြစ်ပါတယ်။