အောင်လံ၊ ဧပြီ ၁၄၊ ၂၀၂၃။

မကွေးတိုင်း၊ အောင်လံမြို့နယ်၊ ဇေယျဝတီရပ်ကွက်မှာ ပြုလုပ်နေတဲ့ လောင်းကစားဝိုင်း ဒေသခံကာကွယ်ရေးတပ်ဖွဲ့ဝင်တွေက အသံ‌ဗုံးနဲ့ ဖောက်ခွဲသတိပေးခဲ့တယ်လို့ သိရပါတယ်။

ဧပြီလ ၁၂ ရက်ည ၇ နာရီခွဲဝန်းကျင်လောက်က ပေါက်ကွဲခဲ့တာဖြစ်ပြီး နာရီဝက်လောက် အကြာမှာတော့ စစ်ကောင်စီဘက်က ကားတစီး၊ ဆိုင်ကယ် ၆ စီးနဲ့ ရောက်လာကာ အင်အား ၃၀ လောက်နဲ့ လမ်းသွားလမ်းလာတွေကို တားဆီးစစ်ဆေးတာတွေ လုပ်ခဲ့တယ်လို့ ‌ကာကွယ်ရေးတပ်ဖွဲ့ဝင်တဦးက ပြောပါတယ်။

“ကျနော်တို့မြို့မှာက တော်တော်ဆိုးဆိုးဝါးဝါး ဖြစ်နေတာ၊ မြို့ပေါ် ၉ ရပ်ကွက်မှာ တလတကြိမ် ပွဲရှိတယ်။ မြို့နယ်အတိုင်းတာမှာဆိုရင်တော့ တလလုံး မပျက်ဘူး။ ကျေးရွာတွေကို လှည့်လုပ်တာ၊ ခုဖောက်ခွဲခံရတဲ့ဝိုင်းက အရပ်သား လောင်းကစားဒိုင်ကိုင်တာ၊ အခုကတော့ ဝိုင်းတွေမရှိတော့ဘူး။ သင်္ကြန်ရက်ကြောင့် နားတာလည်း ဖြစ်နိုင်တယ်။ ဖောက်ခွဲခံရလို့ နားတာလည်း ဖြစ်နိုင်တယ်” လို့ ပြောပါတယ်။

လောင်းကစားဝိုင်းအတွင်းထိ ဝင်ရောက်ဖောက်ခွဲခဲ့တာဖြစ်သလို ပြည်သူတွေ ထိခိုက်မှာစိုးရိမ်တဲ့အတွက် လူထိမှန်စေတဲ့ ဗုံးအမျိုးအစားကို မသုံးခဲ့ဘူးလို့လည်း ဆိုပါတယ်။

တိုက်ခိုက်ခဲ့တဲ့ အဖွဲ့အမည်ကိုတော့ လုံခြုံရေးအရ ထည့်သွင်းဖော်ပြထားခြင်း မရှိပါဘူး။

ပေါက်ကွဲမှုဖြစ်ပြီးနောက် စစ်ဆေးဖို့လာတဲ့ စစ်ကောင်စီတပ်သားတွေက ခုလိုပေါက်ကွဲတာဟာ ဖောက်ခွဲခံရတာမဟုတ်ဘဲ ကားဘီးပေါက်တာဆိုပြီး ဒေသခံပြည်သူတွေကို သတင်းလွှင့်ထားခဲ့သေးတယ်လို့လည်း သိရပါတယ်။

အဆိုပါ လောင်းကစားဝိုင်းဟာ လောင်းကြေးအနေနဲ့ တညကို သိန်း ၈၀ ထိပေါက်ပြီး စစ်ကောင်စီဘက်က အဖွဲ့အစည်းတွေကို လိုင်းကြေးအနေနဲ့ တညကို သိန်း‌ ၃၀ အနည်းဆုံး ပေးရတယ်လို့ သိရပါတယ်။

စာတည်း – လင်း

မကွေး၊ ဒီဇင်ဘာ ၂၉၊ ၂၀၂၂။

မကွေးတိုင်း၊ သရက်ခရိုင်၊ အောင်လံမြို့က စစ်ကောင်စီလက်အောက်ခံ စသုံးလုံးရုံးမှာ ဒီဇင်ဘာလ ၂၅ ရက်ညပိုင်းက ဗုံးပေါက်ကွဲမှု ဖြစ်ပွားခဲ့တယ်လို့ မြို့ခံတွေဆီက သိရပါတယ်။

အောင်လံမြို့ တရော်ကုန်းရပ်ကွက်၊ ၁၆ လမ်းမှာရှိတဲ့ စစ်ကောင်စီလက်အောက်ခံ စသုံးလုံးရုံးမှာ ဗုံးပေါက်ကွဲမှု ဖြစ်ပွားပြီးတဲ့နောက် အဲ့ဒီရုံးနဲ့ လမ်းတလမ်းဘဲခြားတဲ့ မြို့မရဲစခန်းကို ပြင်ပလူဝင်၊ ထွက်ခွင့်ပိတ်သိမ်းလိုက်ပြီး အချုပ်သားတွေနဲ့တွေ့ဆုံတာ ထမင်းပို့တာတွေပါ ပိတ်ထားတယ်လို့ မြို့ခံတဦးက ပြောပါတယ်။

”ဗုံးကွဲတာက စသုံးလုံးရုံးမှာကွဲတာ၊ စသုံးလုံးရုံးနဲ့ ကြံ့ ခိုင်ရေးရုံးက ကပ်လျက်ဘဲ။ ဗုံးကွဲတော့ ရုံး အဆောက် အဦအမိုးတွေ လန်ကုန်တယ်လို့ သိရတယ်။ လူထိခိုက်တာတော့ မကြားဘူး။ ဗုံးကွဲတဲ့နေရာနဲ့ရဲစခန်းနဲ့ကလမ်း ၁ လမ်းဘဲခြားတယ်။ အဲ့ဒီလမ်းကလည်း ရဲစခန်းနောက်ကျောလမ်းဖြစ်နေလို့ အာဏာသိမ်းပြီးထဲက ပိတ်ထားတာ မသုံးခိုင်းဘူး။ အဲ့ဒီမှာ စသုံးလုံရုံး ဗုံးကွဲလို့တဲ့ ရဲစခန်းက အပြင်လူပေးမဝင်တော့ဘူး။ အချုပ်သားတွေ့ခွင့်လည်း ပိတ်ထားတယ်။ ထမင်းတောင် ပို့လို့မရတော့ဘူး” လို့ လုံခြုံရေးအရ အမည်မဖော်လိုတဲ့အောင်လံမြို့ခံတဦးက မြေလတ်အသံကို ပြောပါတယ်။

ပြီးခဲ့တဲ့ ဇူလိုင်လအတွင်းကစလို့ အောင်လံမြို့မရဲစခန်းရဲ့ပတ်လည်ကိုလည်း ဝါးဆူးချွန်တွေနဲ့ခြံစည်းရိုးနှစ်ထပ် ပြုလုပ်ပြီး အခိုင်အမာခံစစ်စခန်းပုံစံမျိုးအဖြစ် ပြင်ဆင်ခဲ့တာဖြစ်ပါတယ်။

အောင်လံမြို့ပေါ်နဲ့ ကျေးရွာတွေက ကြံ့ခိုင်ရေးပါတီဝင် စစ်ကောင်စီခန့်အုပ်ချုပ်ရေးမှူးတွေနဲ့ နောက်လိုက်တချို့ ပစ်သတ်ခံရမှု၊ စစ်အုပ်စုထောက်တိုင်နေရာတွေမှာ ဗုံးပေါက်ကွဲတာတွေ ဖြစ်ပွားခဲ့ပြီးတော့ စစ်ကောင်စီ တပ်ဘက်ကလည်း ရွာတွေကိုစစ်ကြောင်းထိုး ဖမ်းဆီးလုပ်ဆောင်ခဲ့တာတွေရှိတယ်လို့ ဒေသခံတွေက ပြောပါတယ်။

ဗုံးပေါက်ကွဲပြီးတဲ့နောက်ပိုင်း အောင်လံမြို့ကို ထိန်းချုပ်နေတဲ့ ကပစ ၁၅ တပ် စစ်ကောင်စီတပ်ဖွဲ့ဝင်တွေက မြို့ပေါ်ကိုစစ်ဆေးမှုတွေ တင်းကြပ်ထားတယ်လို့ ဒေသခံတွေဆီက သိရပါတယ်။

မကွေး၊ စက်တင်ဘာ ၂၄၊ ၂၀၂၂။

မကွေးတိုင်း၊ အောင်လံမြို့မှာ ၅၀၅(က) နဲ့ ဖမ်းဝရမ်းထုတ်ထားတဲ့ နိုင်ငံရေးတက်ကြွလှုပ်ရှားသူမြို့နယ်သပိတ်ခေါင်းဆောင် ကိုသူရနိုင်(ခ) ကိုမိုင်းဆပ် ကိုမတွေ့လို့ အသက် ၆၅ နှစ်ကျော်ဖခင်ဖြစ်သူ ဦးဝင်းနိုင်ကျော် ကို ဖမ်းဆီးသွားတယ်လို့ ကာယကံဖြစ်သူ ကိုသူရနိုင် ကမြေလတ်အသံကို ပြောပါတယ်။

ဦးဝင်းနိုင်ကျော်ကို စက်တင်ဘာလ ၂၃ ရက်နေ့က အောင်လံမြို့မဈေးကြီးရဲ့တောင်ဘက်ခြမ်း လမ်းမတော်လမ်း ကန်ကြီးရပ်ကွက်မှာရှိတဲ့ ဒေလီယာပရိဘောဂဆိုင်မှာ အရပ်ဝတ်တွေနဲ့ လာရောက်ဖမ်းဆီး သွားခဲ့တာလို့ သားဖြစ်သူ ကိုသူရနိုင်က မြေလတ်အသံကိုပြောပါတယ်။

“ကျနော်ကပြေးနေရတာ၊ အိမ်နဲ့လည်းအဆက်အသွယ်မရဘူး၊ မနေ့ကတော့ကျနော့်မြို့ကသိရတာက ညနေ ၃ နာရီလောက်မှာ ကျနော်တို့မိသားစုပိုင်တဲ့ ဒေလီယာပရိဘောဂဆိုင်မှာ အဖေကပုံမှန်ထိုင်တယ်၊ မနေ့ကစစ်ကောင်စီအဖွဲ့တွေကအိမ်စီးကားနဲ့လာကြတယ်၊ လက်နက်တွေလည်းပါတယ်၊ အရပ်ဝတ်တွေနဲ့ပါ၊ မေးစရာရှိလို့လိုက်ခဲ့ပါအုံးဆိုပြီး အိမ်စီးကားပေါ်ကိုဆွဲတင်သွားတယ်၊ တင်သွားပြီးမောင်းထွက်သွားကြပါတယ်၊” လို့ ကိုသူရနိုင်က ဆိုပါတယ်။

ကိုသူရနိုင်ကို စစ်ကောင်စီက ၂၀၂၁ ခုနှစ်ကတည်းက ၅၀၅(က) နဲ့ အမှုဖွင့်ထားပြီး ဖမ်းဝရမ်းကိုလည်း နေအိမ်မှာကပ်ထားကြတယ်လို့ သိရပါတယ်။

“ကျနော်တဦးတယောက်ထဲနဲ့သက်ဆိုင်တဲ့ကိစ္စ၊ကျနော့်အသက်ကလည်း ၃၄ နှစ် အိမ်ခွဲနေတဲ့လူတယောက်ပါ၊ကျနော့်အဖေကနိုင်ငံရေးသမိုင်းကြောင်းဘာမှမရှိသလို ယခင်ကလည်း နိုင်ငံရေးမှာ ပါဝင်ခဲ့တဲ့လူမဟုတ်ဖူး၊ယခုလည်းနိုင်ငံရေးလှုပ်ရှားမှုတွေမှာပါဝင်ခဲ့တဲ့လူမဟုတ်ဖူး၊အင်မတန်ဥပဒေမဲ့တဲ့လုပ်ရပ်ကိုလုပ်တာပဲ၊ဘာမှမသက်ဆိုင်ဖူး၊သားသမီးကို ဖမ်းဝရမ်းထုတ်ထားတာနဲ့ဖအေကိုဖမ်းတယ်ဆိုတာက ဒါလူကြားလို့လည်းမကောင်းဘူး၊ ” လို့ ကိုသူရနိုင်က ဆက်ပြောပါတယ်။

လက်ရှိမှာ ဦးဝင်းနိုင်ကျော်ကို စစ်တပ်ထဲတွင် ဖမ်းဆီးထားပြီး သူ့မှာ သွေးတိုး၊ နှလုံး၊ အစာအိမ် ရောဂါတို့ ခံစားနေရသူဖြစ်လို့ ပါရဂူနဲ့ ပုံမှန် ဆေးသောက်နေရသူဖြစ်တယ်လို့ ဆိုပါတယ်။

မကွေး၊ ဇူလိုင် ၂၄၊ ၂၀၂၂။

မကွေးတိုင်း၊ အောင်လံမြို့နယ် ပဲခူးရိုးမ အခြေမှာရှိတဲ့ ပဒဲရွာက စစ်ကောင်စီသတင်းပေးဆိုသူ တဦးကို မကွေးတိုင်းပြည်သူ့ကာကွယ်ရေးတပ်-အောင်လံအဖွဲ့က ရှင်းလင်းခဲ့တယ်လို့ ထုတ်ပြန်ခဲ့ပါတယ်။

သတ်ခံလိုက်ရတဲ့ စစ်ကောင်စီသတင်းပေးဆိုသူဟာ ပဒဲကျေးရွာ ဦးသိန်းဇော်ဖြစ်ပြီး တော်လှန်ရေးအင်အားစုနေရာတွေကိုသတင်းပေးတာ‌တွေ စစ်ကောင်စီရဲ့ လုပ်ငန်းစဥ်တွေမှာ ပါဝင်ပတ်သက်တာတွေ ရှိနေလို့အခုလို ရှင်းလင်းခဲ့တာဖြစ်တယ်လို့ မကွေးတိုင်းပြည်သူ့ကာကွယ်ရေးတပ်-အောင်လံအဖွဲ့ တာဝန်ရှိသူ ဗိုလ် GZက ပြောပါတယ်။

” သူအပါအဝင်လေးဦးကို ၆၊၃၊ ၂၀၂၂ရက်နေ့မှာ သတိပေးစာထုတ်ပြန်ပီးသတိပေးခဲ့ပါတယ်၊ လေးလကြာစောင့်ကြည့်ပြီးစကစနဲ့ပူးပေါင်းမှု မရပ်တာကြောင့်ရှင်းခဲ့တာပါ၊ ဇူလိုင်(၁၉)အာဇာနည်နေ့မှာ လှီးဓားနဲ့ရှင်းခဲ့တာပါ” လို့ ဗိုလ်GZ က ပြောပါတယ်။

ဦးသိန်းဇော်ဟာ အာဏာသိမ်းမှု မတိုင်ခင်ကတည်းက စစ်တပ်နဲ့ အချိတ်အဆက်ရှိကာ သစ်လုပ်ငန်းလုပ်ကိုင်သူတဦးဖြစ်ပြီး အာဏာသိမ်းပြီးနောက်ပိုင်းမှာ စစ်တပ်နဲ့ အားကိုးနဲ့ ရွာသားတွေကို ဒုက္ခပေးနေသူဖြစ်တယ်လို့လည်း ပြောပါတယ်။

” ဒလန်လိုလူမျိုးတွေကိုလှီးဓားအသုံးပြုပြီးရှင်းဖိုဘာမြူဒါဌာနချုပ်ကနေမွေးထုတ်ထားတဲ့တပ်သား‌ကရှင်းတာပါ၊ ကျနော်တို့ တပ်ကနေ လေ့ကျင့်ဖိုဘာမြူဒါဌာနချုပ်ကိုလွှတ်ထားတဲ့ရဲဘော်တွေပါ” လို့ ပြောပါတယ်။

အဲ့ဒီအဖွဲ့ဟာ ပြီးခဲ့တဲ့ ဇူလိုင်လ ၁၃ရက်က ပေါက်ခေါင်းမြို့နယ် ကံကျင်းရဲစခန်းထဲကို မိုင်းဝင်ထားပြီး ဖောက်ခွဲခဲ့တဲ့ အရိပ်မဲ့ စစ်ဆင်ရေးရဲ့ တွဲဖက်ဖြစ်တယ်လို့လည်း ဗိုလ် GZ က ပြောပါတယ်။

အောင်လံမြို့နယ်ထဲက စစ်ကောင်စီထောက်တိုင်တွေ အနေနဲ့ ပြည်သူ့ဘက် အမြန်ဆုံးရပ်တည်ကြဖို့ နဲ့ ပြည်သူ့လွတ်မြောက်ရေးအတွက် ပိုပြီးကြိုးစားအားထုတ်သွားမယ်လို့ ပြောပါတယ်။

မကွေး၊ ဇွန် ၁၄၊ ၂၀၂၂။

မကွေးတိုင်း၊ သရက်ခရိုင်၊ အောင်လံမြို့နယ်၊ ကြက်ရုံးလေးကျေးရွာမှာနေထိုင်တဲ့ ကြံ့ခိုင်ရေးပါတီ ရပ်ကျေးစည်းရုံးရေးမှူး ဦးမြငြိမ်းနဲ့ တပည့်ဖြစ်သူ ၂ ဦးကို ဇွန်လ ၁၃ ရက်နေ့ မနေ့က ညနေ ၅ နာရီခန့်က သတ်ဖြတ်ခံခဲ့ရကြောင်း ဒေသခံတဦးက ပြောပါတယ်။

အောင်လံမြို့ပေါ်ကို စာသင်ကျောင်းကိစ္စနဲ့ သွားပြီး အပြန်မှာ ကြက်ရုံးလေးကျေးရွာနဲ့ သနပ်တောင်ဗွေကျေးရွာအကြား သနပ်တောင်ဗွေဘုရားအနီးမှာ သတ်ဖြတ်ခံခဲ့ရတာလို့ ပြောပါတယ်။

“သနပ်ကျေးရွာနှင့် ကြက်ရုံးလေး ကျေးရွာ အကြားမှာပါ လက်လုပ်ရှော့ဂမ်းနဲ့ ပစ်ပြီး ဆိုင်ကယ် အလဲမှာ ဓားနဲ့ ထပ်ခုတ်တာ နေရာတင် ပွဲချင်းပြီး။ သူနဲ့အတူနောက်တယောက်က သူ့လက်ရုံး ကြံဖွတ်ပါတီဝင်ပဲ ညီလေးလို့ခေါ်တယ်” လို့ ဒေသခံတဦးက ပြောပါတယ်။

ကြံ့ခိုင်ရေးပါတီ ရပ်ကျေးစည်းရုံးရေးမှူး ဦးမြငြိမ်းဟာ စစ်ကောင်စီခန့် ကြက်ရုံးလေးကျေးရွာအုပ်ချုပ်ရေးမှူးရဲ့ ယောက္ခမဖြစ်ပြီး သတ်ဖြတ်ခံရချိန်မှာ တရွာတည်းနေ သူ့ရဲ့တပည့်ဖြစ်သူ ညီလေး ဆိုသူဖြစ်တယ်လို့ သိရပါတယ်။

“အဲ့လိုလူတွေမရှိမှ ကျနော်တို့ဒေသခံတွေအတွက် အေးအေးချမ်းချမ်း လုပ်ကိုင်စားသောက်လို့ရမှာ အဲ့တော့ ဝမ်းသာတယ်ဗျာ” လို့ ဒေသခံတဦးက ပြောပါတယ်။

ဦးမြငြိမ်းဟာ အောင်လံမြို့နယ်၊ ကြက်ရုံးလေးကျေးရွာရဲ့ စစ်ကောင်စီဒေါက်တိုင် ပျူစောထီးအဖွဲ့ဝင်တဦးဖြစ်သလို အရင်က ကောင်စီလူကြီးဟောင်းဖြစ်ကာ စစ်တပ်ကို သတင်းပေးသူနေတဦးလည်းဖြစ်တယ်လို့ ဒေသခံတွေကပြောဆိုနေပြီး၊ အမည်မသိအဖွဲ့က သုတ်သင်ရှင်းလင်းသွားတယ်လို့ သိရပါတယ်။

ပဲခူး၊ ဇွန် ၉၊ ၂၀၂၂။

မကွေးတိုင်း၊ သရက်ခရိုင်၊ အောင်လံမြို့နယ်၊ အမှတ် ၂ အခြေခံပညာအထက်တန်းကျောင်း (အထက-၂) ကျောင်းဝန်းအတွင်းမှာ ဇွန်လ ၉ ရက် ဒီကနေ့မနက်ပိုင်းက မပေါက်ကွဲသေးတဲ့ ဗုံးတလုံးတွေ့ရှိခဲ့တယ်လို့ ဒေသခံတွေဆီက သိရပါတယ်။

အောင်လံမြို့၊ ဘိုကုန်းရပ်ကွက်မှာရှိတဲ့ အ.ထ.က ၂ စာသင်ကျောင်းမှာ မနက် ၁၀ နာရီလောက်က မပေါက်ကွဲသေးတဲ့ဗုံးကိုတွေ့ရှိခဲ့ပြီး၊ မြို့နယ်စစ်ကောင်စီက ဖုံးဖိထားခဲ့လို့ စာသင်ကျောင်းရှေ့မှာ လူစုလူဝေး ဖြစ်ပေါ်ခဲ့တယ်လို့ ဆိုပါတယ်။

“စာသင်ကျောင်းထဲ ဗုံးတွေ့တယ်ဆိုတာ ရပ်ကွက်က လူတွေကတဆင့်တဆင့်ကြားပြီး သူတို့ကလေးတွေရှိတော့စိတ်ပူပြီး ကျောင်းရှေ့ကိုသွားကြတာ။ ကျောင်းရှေ့ရောက်တော့ ဗုံးမဟုတ်ဘူ ဘာညာနဲ့ စစ်ကောင်စီကလူတွေနဲ့ ကျောင်းကလူတွေပြောတာ။ ရပ်ကွက်ကတော့ မကျေနပ်ဘူး။ ကျောင်းရှေ့မှာရုတ် ရုတ်သဲသဲတွေတော့ဖြစ်သွားသေးတယ်” လို့ မြို့ခံတဦးက မြေလတ်အသံကို ပြောပါတယ်။

အဲ့ဒီလိုဖြစ်ပွားပြီးတဲ့နောက် ဒီကနေ့နေ့လည်ပိုင်းမှာတော့ ကျောင်းသားမိဘတွေက ကျောင်းကိုမလွှတ်တော့လို့ ကျောင်းတက်ရောက်သူ မရှိသလောက် နည်းပါးသွားတယ်လို့ သူကဆက်ပြောပါတယ်။

အောင်လံမြို့မှာ အထက်တန်းကျောင်း ၃ ကျောင်းအပါအဝင် အခြေခံပညာကျောင်းအများအပြားရှိတာဖြစ်ပြီးတော့ ကျောင်းစဖွင့်တဲ့ ဇွန်လပထမအပတ် ၂ ရက် ၃ ရက်သာ စစ်ကောင်စီက အထက် တန်းကျောင်းတွေကို လုံခြုံရေးစောင့်ပေးပြီး ဒုတိယအပတ်ကစလို့ စာသင်ကျောင်းတွေမှာ လုံခြုံရေး စောင့်ပေးတာမျိုးမရှိတော့ဘူးလို့ ဒေသခံတွေက ပြောပါတယ်။

မကွေး၊ ဒီဇင်ဘာ ၂၄၊ ၂၀၂၁။

မကွေးတိုင်း၊ အောင်လံမြို့နယ် တိုင်းဒေသကြီးလွှတ်တော်ကိုယ်စားလှယ် ၁ ဦး၊ CDM ပညာရေးဝန်ထမ်းတဦး၊ NLD မြို့နယ် အလုပ်အမှုဆောင်တဦးနဲ့ တက်ကြွလှုပ်ရှားသူတဦး စုစုပေါင်း ၄ ဦးရဲ့ နေအိမ်တွေကို မနေ့က ချိတ်ပိတ်ခဲ့တယ်လို့ ဒေသခံတွေဆီက သိရပါတယ်။

မကွေးတိုင်း၊ အောင်လံမြို့နယ် တိုင်းဒေသကြီးအမှတ်(၁) လွှတ်တော်ကိုယ်စားလှယ် ဦးအေးကျော်၊ CDM ပညာရေးဝန်ထမ်း ဆရာဦးကျော်ကျော်ဦး၊ NLD မြို့နယ် အလုပ်အမှုဆောင် ဒေါ်ဥမ္မာဌေးနဲ့ ကိုသူရနိုင် (ခေါ်) ကိုမိုင်းဆက် တို့ ၄ ဦးရဲ့ နေအိမ်တွေ စစ်ကောင်စီက ချိတ်ပိတ်ခဲ့တာဖြစ်ပါတယ်။

“ဦးအေးကျော်အိမ်ဆို ယောက္ခမပါရှိတယ်။ သက်ကြီးရွယ်အိုပေါ့ အသက်က ၇၀ နီးပါး ရှိနေပြီ၊ မိသားစုတွေနေတဲ့ အိမ်ကို သူတို့အပြင်ခဏသွားတုန်း ဝင်ပြီးချိတ်ပိတ်ပစ်တာ။ အခုတော့ နေစရာမရှိလို့ အမျိုးတွေအိမ်မှာ သွားနေရတယ်။ ကျန်တဲ့သူတွေအိမ်ကတော့ လူမနေတာ ကြာပါပြီ” လို့ အောင်လံမြို့ ဒေသခံတဦးက မြေလတ်အသံကို ပြောပါတယ်။

အခုချိတ်ပိတ်ခံရတဲ့ လွှတ်တော်ကိုယ်စားလှယ် ဦးအေးကျော်မှာ တိုင်းဒေသကြီး အမှတ် (၂) လွှတ်တော်ကိုယ်စားလှယ်ဖြစ်ပြီး၊ အမှတ် (၁) လွှတ်တော်ကိုယ်စားလှယ် ဦးဇော်မင်းမှာ မကွေးတိုင်းဒေသကြီးအစိုးရအဖွဲ့ဝင် ဝန်ကြီးတပါးဖြစ်လို့ အာဏာသိမ်းစဉ်ကာလကတည်းက ဖမ်းဆီးထိန်းသိမ်းခံထားရကာ အခုလို နိုင်ငံရေးနဲ့ပတ်သက်သူတွေရဲ့ နေအိမ်တွေကို ချိတ်ပိတ်တာ အောင်လံမြို့နယ်မှာ ပထမဆုံးဖြစ်ကြောင်း သိရပါတယ်။

အောင်လံမြို့နယ် ပြည်သူ့လွှတ်တော်ကိုယ်စားလှယ်နဲ့ အမျိုးသားလွှတ်တော်ကိုယ်စားလှယ် (၂၀၁၅ အနိုင်ရအမတ် ဟောင်း) ၂ ဦးကတော့ စစ်ကောင်စီထံမှာ ခံဝန်ထိုးပြီး နေထိုင်နေကြောင်းနဲ့ နိုင်ငံအရေးအယူအစမတူသူတွေကို အခုလို မတရားဖမ်းဆီးထောင်ချတဲ့အပြင်၊ ထွက်ပြေးတိမ်းရှောင်နေရသူတွေရဲ့ နေအိမ်တွေကို မတရား ချိတ်ပိတ်တဲ့အပေါ် မြို့ခံလူထုအနေနဲ့ လက်မခံနိုင်ကြဘူးလို့ ဒေသခံတွေက ပြောပါတယ်။

မကွေး၊ ဒီဇင်ဘာ ၂၄၊ ၂၀၂၁။

မကွေးတိုင်း၊ အောင်လံမြို့နယ် တိုင်းဒေသကြီးလွှတ်တော်ကိုယ်စားလှယ် ၁ ဦး၊ CDM ပညာရေးဝန်ထမ်းတဦး၊ NLD မြို့နယ် အလုပ်အမှုဆောင်တဦးနဲ့ တက်ကြွလှုပ်ရှားသူတဦး စုစုပေါင်း ၄ ဦးရဲ့ နေအိမ်တွေကို မနေ့က ချိတ်ပိတ်ခဲ့တယ်လို့ ဒေသခံတွေဆီက သိရပါတယ်။

မကွေးတိုင်း၊ အောင်လံမြို့နယ် တိုင်းဒေသကြီးအမှတ်(၁) လွှတ်တော်ကိုယ်စားလှယ် ဦးအေးကျော်၊ CDM ပညာရေးဝန်ထမ်း ဆရာဦးကျော်ကျော်ဦး၊ NLD မြို့နယ် အလုပ်အမှုဆောင် ဒေါ်ဥမ္မာဌေးနဲ့ ကိုသူရနိုင် (ခေါ်) ကိုမိုင်းဆက် တို့ ၄ ဦးရဲ့ နေအိမ်တွေ စစ်ကောင်စီက ချိတ်ပိတ်ခဲ့တာဖြစ်ပါတယ်။

“ဦးအေးကျော်အိမ်ဆို ယောက္ခမပါရှိတယ်။ သက်ကြီးရွယ်အိုပေါ့ အသက်က ၇၀ နီးပါး ရှိနေပြီ၊ မိသားစုတွေနေတဲ့ အိမ်ကို သူတို့အပြင်ခဏသွားတုန်း ဝင်ပြီးချိတ်ပိတ်ပစ်တာ။ အခုတော့ နေစရာမရှိလို့ အမျိုးတွေအိမ်မှာ သွားနေရတယ်။ ကျန်တဲ့သူတွေအိမ်ကတော့ လူမနေတာ ကြာပါပြီ” လို့ အောင်လံမြို့ ဒေသခံတဦးက မြေလတ်အသံကို ပြောပါတယ်။

အခုချိတ်ပိတ်ခံရတဲ့ လွှတ်တော်ကိုယ်စားလှယ် ဦးအေးကျော်မှာ တိုင်းဒေသကြီး အမှတ် (၂) လွှတ်တော်ကိုယ်စားလှယ်ဖြစ်ပြီး၊ အမှတ် (၁) လွှတ်တော်ကိုယ်စားလှယ် ဦးဇော်မင်းမှာ မကွေးတိုင်းဒေသကြီးအစိုးရအဖွဲ့ဝင် ဝန်ကြီးတပါးဖြစ်လို့ အာဏာသိမ်းစဉ်ကာလကတည်းက ဖမ်းဆီးထိန်းသိမ်းခံထားရကာ အခုလို နိုင်ငံရေးနဲ့ပတ်သက်သူတွေရဲ့ နေအိမ်တွေကို ချိတ်ပိတ်တာ အောင်လံမြို့နယ်မှာ ပထမဆုံးဖြစ်ကြောင်း သိရပါတယ်။

အောင်လံမြို့နယ် ပြည်သူ့လွှတ်တော်ကိုယ်စားလှယ်နဲ့ အမျိုးသားလွှတ်တော်ကိုယ်စားလှယ် (၂၀၁၅ အနိုင်ရအမတ် ဟောင်း) ၂ ဦးကတော့ စစ်ကောင်စီထံမှာ ခံဝန်ထိုးပြီး နေထိုင်နေကြောင်းနဲ့ နိုင်ငံအရေးအယူအစမတူသူတွေကို အခုလို မတရားဖမ်းဆီးထောင်ချတဲ့အပြင်၊ ထွက်ပြေးတိမ်းရှောင်နေရသူတွေရဲ့ နေအိမ်တွေကို မတရား ချိတ်ပိတ်တဲ့အပေါ် မြို့ခံလူထုအနေနဲ့ လက်မခံနိုင်ကြဘူးလို့ ဒေသခံတွေက ပြောပါတယ်။