အမရပူရ၊ ဇန်နဝါရီ ၃၀၊ ၂၀၂၆။

မန္တလေးတိုင်း၊ အမရပူရမြို့နယ်၊ ရှမ်းလေးကျွန်းကျေးရွာလမ်းပေါ်မှာ ဦးခေါင်းဒဏ်ရာတွေနဲ့ သေဆုံးနေတဲ့ လူငယ်အလောင်း ၁ လောင်းကိုတွေ့ခဲ့တယ်လို့ ကျေးရွာနဲ့နီးစပ်သူတွေဆီက သိရပါတယ်။

သေဆုံးသူဟာ အသက် ၂၅ နှစ် အရွယ်ဖြစ်ပြီး ဦးခေါင်းဒဏ်ရာတွေနဲ့ ကျေးရွာမြောက်ဘက်ခြမ်း ကားလမ်းမဘေး ဇန်နဝါရီ ၂၉ ရက် မနက် ၆ နာရီကျော်မှာ ရွာခံတွေကတွေ့ခဲ့ရတာလို့ ဆိုပါတယ်။

“ခေါင်းမှာတော့ ဒဏ်ရာတွေ့တယ်။ ဓားခုတ်ဒဏ်ရာနဲ့ ကွဲနေတာမျိုး။ သူသေနေတာကို လမ်းသွားလမ်းလာတွေက တွေ့ကြတာ။ “လို့ ကျေးရွာနဲ့နီးစပ်သူတဦးက ပြောပါတယ်။

သေဆုံးသူနဲ့အချက်အလက်တွေကို မသိရှိရသေးဘဲ အလောင်းကိုတော့ အမရပူရဆေးရုံကို ပို့ဆောင်ထားပြီး ပိုင်ရှင်မပေါ်သေးတာကြောင့် ဇန်နဝါရီ ၃၀ ရက်မနက်ပိုင်းထိ ဆေးရုံရင်ခွဲရုံမှာ ရှိနေတယ်လို့ ဆိုပါတယ်။

ပြီးခဲ့တဲ့ စက်တင်ဘာ ၁၅ ရက်ကလည်း မန္တလေးတိုင်း၊ မိတ္ထီလာမြို့၊ နန်းတော်ကုန်းရပ်ကွက်နယ်မြေ၊ မြောက်ကန်စောင်း၊ ကလေးကစားကွင်းအနီးမှာ စလော့ဂိမ်းရှုံးနေတဲ့ အမျိုးသား ၂ ဦးက သူငယ်ချင်းဖြစ်သူ ဝက်ကုန်သည် အမျိုးသားကို သတ်ဖြတ်ငွေယူပြီး အလောင်းစွန့်ပစ်တဲ့ဖြစ်စဥ် ရှိခဲ့ပါသေးတယ်။

စာတည်း – လင်း

မြတ်၊ ကျော်ကြီး

မြစ်ငယ်၊ စက်တင်ဘာ ၁၊ ၂၀၂၅။

မန္တလေးမြို့၊ အမရပူရမြို့နယ်၊ ကျောက်စိမ်းဘုရားအနီးက စားသောက်ဆိုင်ကို ဆီဘောက်ဆာကား ၁ စီး ဝင်တိုက်မိပြီး မီးလောင်ကာ ပြည်သူ ၃ ဦး သေဆုံးခဲ့တယ်လို့ လူမှုကူညီရေးအသင်းတွေဆီက သိရပါတယ်။

စက်တင်ဘာ ၁ ရက် ဒီနေ့မနက် ၆ နာရီ ၄၅ မိနစ်မှာ စစ်ကိုင်း-မြစ်ငယ်ကားလမ်းဘေးက “ကောင်းကောင်းနန်းတော် စားဥယျာဉ်” စားသောက်ဆိုင်ကို ဆီဘောက်ဆာကားဝင်တိုက်မိပြီး မီးလောင်ခဲ့တာလို့ ဆိုပါတယ်။

“ဆိုင်ကယ်ကိုရှောင်ရင်း စားသောက်ဆိုင်ကိုဝင်တိုက်မိတာ။ မနက်စာစားချိန်ဆိုတော့ လူစည်နေတဲ့အချိန်ဖြစ်တာ။ ၃ ဦးသေပြီးဒဏ်ရာရတဲ့သူများတယ်။ သေတဲ့သူတွေက စားသုံးသူလား ဝန်ထမ်းလားမသိရသေးဘူး”လို့ လူမှုကူညီရေးအသင်းတာဝန်ရှိသူတဦးက ပြောပါတယ်။

မီးလောင်မှုကြောင့် ဆီဘောက်ဆာကားရော စားသောက်ဆိုင်ပါ ပျက်စီးမှုတွေရှိခဲ့ပြီး မြို့နယ်မီးသတ်၊ အရန်မီးသတ်နဲ့လူမှုကူညီရေးအသင်းတွေက ဝိုင်းဝန်းကူညီမီးငြှိမ်းသတ်နေတယ်လို့သိရကာ သေဆုံးသူတွေနဲ့ပတ်သက်တဲ့အချက်အလက်တွေကိုတော့ စိစစ်နေတယ်လို့ နောက်ထပ် ကူညီဆောင်ရွက်ပေးနေသူတဦးကပြောပါတယ်။

“ဆီဘောက်ဆာက ဆိုင်ကိုဝင်တိုက်တာ။ ဘယ်လိုဖြစ်တာတော့မသိဘူး။ မီးတွေလောင်တာ။ လူရုပ်တွေတောင်မှန်းလို့မရသေးဘူး။ အကုန်လုံးက မဲတူးနေတာ။ ကျား၊ မ ခွဲမရသေးဘူး။ “လို့ ကူညီဆောင်ရွက်ပေးနေသူတဦးကပြောပါတယ်။

ဆီဘောက်ဆာကားတိုက်တဲ့အချိန်ပေါက်ကွဲပြီး တပြိုင်ထဲမီးလောင်ခဲ့တာဖြစ်ပြီး ‌‌‌‌‌‌ယာဉ်မောင်းကို ဖမ်းမိထားတယ်လို့ သိရပါတယ်။

အမရပူရ၊ မေ ၈၊ ၂၀၂၃။

မန္တလေးတိုင်း၊ အမရပူရမြို့နယ်၊ တောတွင်းကျေးရွာရှိ စိတ်ကျန်းမာ‌ရေးဆေးရုံဝန်းအတွင်းနေထိုင်တဲ့ သူနာပြုဆရာမ ၁ ဦး မေလ ၇ ရက်မနက် ၁၁ နာရီခွဲဝန်းကျင်မှာ နေအိမ်အိပ်ခန်းအတွင်း အသက်ရှူကြပ် သေဆုံးသွားတယ်လို့ သိရပါတယ်။

စိတ်ကျန်းမာရေးဆေးရုံဝန်း၊လိုင်းခန်းအမှတ် ၁ မှာနေထိုင်တဲ့ အသက် ၅၀ ဝန်းကျင် သူနာပြုဆရာမ ဒေါ်လွင်လွင်မြတ်ဟာ သူ့ရဲ့နေအိမ်အခန်းတွင်း ၁ ဦးတည်းရှိနေစဉ် အသက်ရှူကြပ် လဲကျသေဆုံးနေတာလို့ ဒေသခံတဦးကပြောပါတယ်။

“ဆရာမကြီးကတယောက်တည်းနေတာ။ နေ့ခင်းပိုင်းပူတော့ အဲကွန်းဖွင့်ထားတာကနေ အခန်းကလည်း အလုံပိတ်ထားတော့ အဲကွန်းကဂက်စ်နံ့ထွက်ပြီး ကြာတော့ဂက်စ်နဲ့အဲယားကွန်းလေနဲ့ ဓာတ်ပြုပြီး မေ့လဲရာကနေ အသက်ရှုကြပ်သေဆုံးတယ်လို့ ရဲဘက်ကတော့ အတည်ပြုထားတယ်” လို့ ပြောပါတယ်။

သူနာပြုဆရာမ သေဆုံးတာနဲ့ပတ်သက်ပြီး စစ်အုပ်စုလက်အောက်ခံရဲတပ်ဖွဲ့က လာရောက်စစ်ဆေးရာမှာ ပြင်ပဒဏ်ရာမတွေ့ရှိရဘဲ အသက်ရှူကြပ်သေဆုံးတာလို့ ဒေသခံတွေက ပြောပါတယ်။

သေဆုံးသွားတဲ့ သူနာပြုဆရာမကြီးရဲ့ အလောင်းကိုတော့ ဒေသလူမှုကူညီရေးအသင်းတွေက မန္တလေးပြည်သူ့ဆေးရုံကြီးကို ပို့ဆောင်ပေးထားတယ်လို့ သိရပါတယ်။

စာတည်း-ရင်ငြိမ်း