လမ်းတံတား

ပဲခူး၊ မေ ၂၇၊ ၂၀၂၃။

ပဲခူးတိုင်းဒေသကြီး၊ ထန်းတပင်မြို့နယ်၊ ဖက်ဝင်းကုန်းကျေးရွာနားရှိ စစ်ကောင်စီစစ်ကြောင်းထိုးချိန် အမြဲတမ်းအသုံးပြုနေနဲ့ ဖက်ဝင်းကုန်းတံတား မိုင်းထောင်ဖောက်ခွဲခံရတယ်လို့ ဒေသခံတွေဆီက သိရပါတယ်။

မေလ ၂၇ ရက်နေ့ မနက် ၄ နာရီကျော်ခန့်မှာ ဇရပ်ကြီး-မြို့ဆိုး-ကျွဲပွဲသွား ကားလမ်းပေါ်ရှိ သံဘောင်တံတားကို လက်နက်ကိုင်အဖွဲ့တခုက မိုင်းထောင်ဖောက်ခွဲခဲ့တယ်လို့ ဒေသခံတဦးက ပြောပါတယ်။

“ခုနောက်ပိုင်း စကစ က ထန်းတပင်မြို့နယ် တောင်ခြမ်းကို စစ်ကြောင်းထိုးလာရင် ထန်တပင်လမ်းနဲ့ ရွှေစျေးလမ်းကိုအသုံးမပြုတော့ဘဲ ကျွဲပွဲကနေ ခုလမ်းကိုသုံးပြီး ဝင်ပါတယ်။စကစ အနေနဲ့တော့ ခုတံတားကျိုးသွားတဲ့အတွက် ကျွဲပွဲဘက်ကနေထန်းတပင်မြို့နယ်တောင်ခြမ်းကို လာဖို့မလွယ်တော့ဘူး ဖြစ်သွားပါတယ်။ လက်ရှိအချိန်မှာသူတို့အများဆုံးအသုံးပြုနေတဲ့ ဆက်သွယ်ရေးလမ်းကြောင်းဖြစ်တဲ့အတွက် သူတို့အနေနဲ့ တံတားပြန်အသုံးပြုလို့ရအောင် လုပ်သွားမယ်လို့ထင်ပါတယ်။” လို့ ပြောပါတယ်။

မိုင်းထောင်ဖောက်ခွဲခံရလို့ ပေ ၆၀ ကျော်ခန့်ရှိ သံဘောင်တံတားရဲ့ အလယ် ၁၅ ပေ ကျော် လောက်ပြိုကျပျက်စီးသွားလို့ အသုံးပြုလို့မရတော့ဘူးလို့ သိရပါတယ်။

တံတားပျက်စီးသွားပေမယ့် ဒေသခံတွေအနေနဲ့တော့ ကြီးကြီးမားမားထိခိုက်တာမျိုးမရှိဘဲ ထန်းတပင်မြို့နဲ့တောင်ငူမြို့တို့ကို သွားလာဖို့ မြို့နယ်ပတ်လမ်းအနေနဲ့ ဖောက်ထားတဲ့ စစ်တောင်းမြစ်ရိုးတလျှောက် သွားလမ်းရှိသေးတယ်လို့ ဆိုပါတယ်။

အဲဒီတံတားဟာ ၂၀၂၂ ခုနှစ် အောက်တိုဘာလ ၂၆ ရက်နေ့ကလည်း တကြိမ်မိုင်းခွဲခံရလို့ သံဘောင်နဲ့ ပြန်လည်ပြုပြင်ထားတာလို့ သိရပါတယ်။

ပြီးခဲ့တဲ့ ဖေဖော်ဝါရီလ ၁၇ ရက်နေ့ နေ့လည်ပိုင်းကလည်း ထန်းတပင်မြို့နယ်၊ လှည်းလမ်းကူးကျေးရွာနဲ့ သမစိတ္တကျေးရွာကြား ကျေးရွာချင်းဆက်လမ်းရှိ ဘုံမတီချောင်းကူးတံတားမိုင်းထောင်ဖောက်ခွဲခံရလို ပျက်စီးသွားသေးတယ်လို့ သိရပါတယ်။

စာတည်း – 007

စစ်ကိုင်း၊ မေ ၂၃၊ ၂၀၂၃။

စစ်ကိုင်းတိုင်း၊ ယင်းမာပင်မြို့နယ်ထဲက ကျေးရွာတချို့မှာ မိုခါမုန်းတိုင်းကြောင့်ပျက်စီးသွားတဲ့လမ်းတွေကို ပအဖ၊ ပကဖနဲ့ ကာကွယ်ရေးတပ်ဖွဲ့တွေအပြင် ဒေသခံတွေကစုပေါင်းပြီး ပြန်လည်ပြုပြင်နေကြပါတယ်။

မေလ ၂၁ ရက်နေ့က စတင်ပြီးပြုပြင်ရာမှာ ပအဖ၊ ပကဖနဲ့ ဒေသကာကွယ်ရေးအဖွဲ့တွေ၊ ဒေသတွင်းပြည်သူလူထုတွေရဲ့ မတည်ငွေနဲ့ပဲ ပြုပြင်နေတယ်လို့ ယင်းမာပင်မြို့နယ် ပြည်သူ့အုပ်ချုပ်ရေးအဖွဲ့ဝင်တဦးက ပြောပါတယ်။

“ယင်းမာပင်နယ်ထဲမှာပဲ မိုခါကြောင့်ပျက်စီးသွားတဲ့ တံတားတွေ၊ လမ်းတွေကို ပြင်ပေးဖြစ်တာပါ။ တံတားကိုလည်း မေ ၁၉ ရက်နေ့မှာ ပြင်လိုက်တယ်။ တော်လှန်ရေးကာလဖြစ်တော့ တံတားကို အပြီးစီးပြီးသွားတာမျိုးတော့မဟုတ်ပေမဲ့ ကြားထဲမှာ သွားလာဖို့အဆင်ပြေအောင် ကျနော်တို့နဲ့ဒေသခံတွေရဲ့ မတည်ငွေနဲ့ ပြန်လည်ပြုပြင်ခဲ့ကြတာပါ။ ဘယ်ပရဟိတအဖွဲ့တွေမှ လာရောက်ကူညီပေးတာမျိုးတော့မရှိပါဘူး ” လို့ ဆိုပါတယ်။

NUG အစိုးရအနေနဲ့လည်း မိုခါဆိုင်ကလုံးမုန်တိုင်းတုံ့ပြန်ရေးအတွက် အရေးပေါ်အခြေအနေစီမံခန့်ခွဲမှုဆိုင်ရာ ပေါင်းစပ်ညှိနှိုင်းရေးကော်မတီအဖွဲ့ကို ဖွဲ့စည်းထားပေမဲ့လည်း မိမိတို့ပြည်သူ့အုပ်ချုပ်ရေးအနေဖြင့် ထောက်ပံ့ကြေးငွေကြေးတွေကို မယူတော့ဘဲကိုယ်ထူကိုယ်ထစနစ်နဲ့ ပြန်လည်ပြုပြင်ခဲ့တယ်လို့လည်း ဆက်ပြောပါတယ်။

“ယင်းမာပင်နယ်ထဲမှာပဲ မိုခါကြောင့်ပျက်စီးသွားတဲ့ တံတားတွေ၊ လမ်းတွေကို ပြင်ပေးဖြစ်တာပါ။ တံတားကိုလည်း မေ ၁၉ ရက်နေ့မှာ ပြင်လိုက်တယ်။ တော်လှန်ရေးကာလဖြစ်တော့ တံတားကို အပြီးစီးပြီးသွားတာမျိုးတော့မဟုတ်ပေမဲ့ ကြားထဲမှာ သွားလာဖို့အဆင်ပြေအောင် ကျနော်တို့နဲ့ဒေသခံတွေရဲ့ မတည်ငွေနဲ့ ပြန်လည်ပြုပြင်ခဲ့ကြတာပါ။ ဘယ်ပရဟိတအဖွဲ့တွေမှ လာရောက်ကူညီပေးတာမျိုးတော့မရှိပါဘူး ” လို့ ဆိုပါတယ်။

NUG အစိုးရအနေနဲ့လည်း မိုခါဆိုင်ကလုံးမုန်တိုင်းတုံ့ပြန်ရေးအတွက် အရေးပေါ်အခြေအနေစီမံခန့်ခွဲမှုဆိုင်ရာ ပေါင်းစပ်ညှိနှိုင်းရေးကော်မတီအဖွဲ့ကို ဖွဲ့စည်းထားပေမဲ့လည်း မိမိတို့ပြည်သူ့အုပ်ချုပ်ရေးအနေဖြင့် ထောက်ပံ့ကြေးငွေကြေးတွေကို မယူတော့ဘဲကိုယ်ထူကိုယ်ထစနစ်နဲ့ ပြန်လည်ပြုပြင်ခဲ့တယ်လို့လည်း ဆက်ပြောပါတယ်။

“သဘာဝဘေးစီမံကနေပြီးတော့မှ အစည်းအဝေးတွေလည်းခေါ်ပါတယ်။ ခေါ်ပြီးတော့မှ ကိုယ့်မြို့နယ်အလိုက်ပျက်စီးဆုံးရှုံးမှုတွေကို တင်ပြခိုင်းတယ်။ တင်ပြခိုင်းပြီးတော့မှ ပြန်ပြီးပြုပြင်မယ်ဆိုရင် ဘယ်လောက်ကုန်ကျမလဲဆိုတာ ထပ်တင်ပြခိုင်းတယ်။ ကျနော်တို့မြို့နယ်တွေမှာက တိုက်ရိုက်မုန်တိုင်းဒဏ်ခံလိုက်ရတာတော့ မဟုတ်ဘူး။ ကျနော်တို့သည် မိုးများသွားတာရယ် ဆည်ရေကျိုးတာရယ်ကြောင့် ကျနော်တို့က ရေဘေးသင့်ပြည်သူဖြစ်သွားကြတာပါ။” လို့ ပအဖအဖွဲ့ဝင် ကဆိုပါတယ်။

အချို့တံတားတွေနဲ့ လမ်းတွေကိုတော့ မတည်ငွေ သိန်း ဆယ်ဂဏန်းခန့်နဲ့ ဒေသခံတွေထည့်ဝင်ငွေတွေစုပေါင်းပြီး ပြုပြင်နေတာဖြစ်ပြီး ပြုပြင်ရန်လမ်းတံတားတွေ ကျန်ရှိနေသေးတဲ့အတွက် ကုန်ကျမှုအသေးစိတ်ကို လတ်တလောပြောပြလို့ မရနိုင်သေးဘူးလို့ သူက ပြောပါတယ်။

ဆက်လက်ပြီး “နေရာတိုင်းမှာ NUG ကိုပဲ အားကိုးလို့မရဘူးလေ။ ကျနော်တို့ အစိုးရကလည်း ပြည်သူတွေရဲ့လှူဒါန်းပံ့ပိုးမှုတွေနဲ့ ရပ်တည်နေကြတာဆိုတော့ အဲဒါကြောင့် ကျနော်တို့ ပြန်လည်ပြုပြင်ဖို့ကိုတော့တင်ပြတယ်။ ကုန်ကျစရိတ်တွေကို မတင်ပြတော့ဘဲ ကိုယ့်အားကိုယ်ကိုးနဲ့ ကိုယ့်မြို့နယ်ကိုယ် ပြန်ပြီးပြုလုပ်လိုက်တာပါ” လို့ ဆိုပါတယ်။

မိုခါမုန်တိုင်းကြောင့် နေအိမ်အချို့ ရေထဲမျောပါသွားတဲ့ ယင်းမာပင်မြို့နယ်ထဲက ဒေသခံအချို့ကတော့ နီးစပ်ရာကျေးရွာဘုန်းကြီးကျောင်းတွေမှာ သွားရောက်နေထိုင်ခဲ့ကြတယ်လို့ သိရပါတယ်။

ဒါ့အပြင် လက်ရှိမှာတော့ ရေကျသွားပေမဲ့လည်း ယင်းမာပင်မြို့နယ်ထဲက ဒေသခံတချို့ဟာ သောက်သုံးရေတွေလိုအပ်နေသလို၊ စားသောက်ဖို့အတွက် ဆန်၊ ဆီ၊ ဆားနဲ့ ငါးသေတ္တာစတဲ့ ကုန်ခြောက်ပစ္စည်းတွေအတွက် အကူညီတွေလိုအပ်နေတယ်လို့လည်း ဒေသခံတွေဆီက သိရပါတယ်။

စာတည်း – 007