မြေလတ်အသံ၊ ဇွန် ၂၀၊ ၂၀၂၅။

စစ်ကိုင်းတိုင်း၊ ကလေးမြို့နယ်မှာ ဒေါ်အောင်ဆန်းစုကြည်မွေးနေ့အထိမ်းအမှတ် ပန်းသပိတ်ဆင်နွှဲပြီး မွေးနေ့ဆုတောင်းကာ လမ်းလျှောက်ဆန္ဒဖော်ထုတ်ခဲ့ကြတယ်လို့ ကလေးမြို့လူထုတိုက်ပွဲ ဦးဆောင်ကော်မတီကပြောပါတယ်။

ဇွန် ၁၉ ရက်မနေ့ကကျရောက်တဲ့ အသက် ၈၀ နှစ်ပြည့် ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ်အဖြစ် ကလေးမြို့နယ်ရှိ ကျေးရွာ ၈ ရွာမှာ ပန်းသပိတ်နဲ့အတူ အဖမ်း‌ဆီးခံ နိုင်ငံရေးအကျဉ်းသားတွေလွတ်မြောက်ရေးအတွက်ကြွေးကြော်တောင်းဆိုခဲ့တာလို့ ဆိုပါတယ်။

“မွေးနေ့ရှင် လူထုခေါင်းဆောင် ဒေါ်အောင်ဆန်းစုကြည် ဘေးကင်းပြီးကျန်းမာသက်ရှည်ပါစေ။ ပြည်သူများအနေနှင့် လူထုခေါင်းဆောင်နှင့်အတူရပ်တည်ပြီး အဖိနှိပ်ခံတိုင်းရင်းသားပြည်သူတရပ်လုံး လွတ်မြောက်ရေးအတွက် လက်တွဲညီညီချီတက်သွားပါမယ်”လို့ ကလေးမြို့လူထုတိုက်ပွဲဦး ဆောင်ကော်မတီမှ တာဝန်ရှိသူတဦးကပြောပါတယ်။

တော်လှန်ရေးအင်အားစုတွေထိန်းချုပ်ထားတဲ့ ကလေးမြို့နယ်တောင်ပိုင်းက People’s Healthcare Network (Kalay) – PHN (Kalay) ဆေးရုံ ၂ ခုနဲ့ ကျန်းမာရေးစင်တာ ၁ ခု ဖေဖော်ဝါရီ ၁၃ ရက်နဲ့ ၁၄ ရက် ၂ ရက်ဆက်တိုက် လေကြောင်းတိုက်ခိုက်ခံရရာ အရပ်သား ၃ ဦး သေဆုံးတယ်လို့ PHN (Kalay) က သတင်းထုတ်ပြန်ပါတယ်။

ဖေဖော်ဝါရီ ၁၃ ရက် နံနက် ၁၀ နာရီခွဲမှာ ကုတင် ၂၀ ဆံ့ Golden Valley Revolution Hospital – ရွှေတောင်ကြားတော်လှန်ရေးဆေးရုံကို စစ်ကောင်စီရဲ့ ဂျက်ဖိုက်တာက ပေါင် ၂၅၀ ဗုံးကြဲရာ ကျန်းမာရေးဝန်ထမ်း ၅ ဦး ထိခိုက်ဒဏ်ရာရခဲ့တယ်လို့ PHN (Kalay) ရဲ့ တာဝန်ရှိသူတဦးက ဆိုပါတယ်။

“တိုက်ပွဲတွေပြင်းထန်နေလို့ လေကြောင်းရန်စိုးရိမ်မှုကြောင့် လူနာတွေကို တခြား Safe ဖြစ်တဲ့နေရာတွေမှာ ခွဲထားပြီး ပြုစုကုသမှုပေးနေချိန်မှာ ဗုံးကြဲတာ။” လို့ သူကပြောပါတယ်။

နောက်တနေ့ ဖေဖော်ဝါရီ ၁၄ ရက် နံနက် ၁၀ နာရီ ၁၅ မိနစ်မှာ တောင်ပိုင်းတိုက်နယ်ဆေးရုံကို စစ်ကောင်စီက လေကြောင်းတိုက်ခိုက်မှု ၂ ကြိမ်ဆက်တိုက်လုပ်ခဲ့တယ်လို့ ထုတ်ပြန်ချက်မှာ ဖော်ပြပါတယ်။

ဖေဖော်ဝါရီ ၁၄ ရက်မှာပဲ ညနေ ၆ နာရီ ၁၃ မိနစ်မှာ Medical Centre (4) – PHN (Kalay) အဆောက်အဦအတွင်း အရေးပေါ်ခွဲစိတ်ကုသမှုလုပ်နေချိန် စစ်ကောင်စီက လေကြောင်းတိုက်ခိုက်ရာ အရပ်သား ၃ ဦးသေပြီး ၃ ဦးထိခိုက်ဒဏ်ရာရခဲ့တယ်လို့ ထုတ်ပြန်ချက်အရ သိရပါတယ်။

ကလေးမြို့နယ်က CDM ကျန်းမာရေးဝန်ထမ်းတွေက People’s Healthcare Network – Kalay ကို ၂၀၂၂ နှစ်စပိုင်းမှာ ထူထောင်ပြီး မြို့နယ်တောင်ပိုင်းမှာ ၁၂ ကုတင်ဆံ့ ဆေးရုံ ၁ ခု၊ မြောက်ပိုင်းမှာ ဆေးရုံ ၁ ခုနဲ့ ကျန်းမာရေးစင်တာ ၆ ခုဖွင့်ကာ ဒေသခံတွေကို ဆေးကုသမှုပေးနေပါတယ်။

၂၀၂၃ နိုဝင်ဘာ ၉ ရက်မှာလည်း ကလေးမြို့နယ်တောင်ပိုင်းက မြောက်စည်းရွာတိုက်ပွဲအတွင်းမှာ စစ်ကောင်စီရဲ့ လက်နက်ကြီးနဲ့ လေကြောင်းတိုက်ခိုက်မှုကြောင့် ကျေးလက်ဆေးခန်းတခုလုံး ပျက်စီးသွားခဲ့ပါတယ်။

စစ်ရေးနဲ့မဆိုင်တဲ့ကဏ္ဍတွေ အကြမ်းဖက်တိုက်ခိုက်ခံရမှုကို စောင့်ကြည့်စာရင်းပြုစုနေတဲ့ Insecurity Insight ဝက်ဘ်ဆိုဒ်ပါ အချက်အလက်တွေအရ ၂၀၂၁ စစ်အာဏာသိမ်းတဲ့ ဖေဖော်ဝါရီ ၁ ရက်ကနေ ဒီနေ့အထိ နိုင်ငံအနှံ့က ကျန်းမာရေးအဆောက်အအုံတွေ ၃၅၅ ကြိမ် တိုက်ခိုက်ခံရပြီး အသတ်ခံရတဲ့ ကျန်းမာရေးလုပ်သား ၁၃၅ ယောက်ရှိပါတယ်။

၂၀၂၃ ကစလို့ စစ်ကိုင်းတိုင်းအတွင်းက စစ်ကောင်စီတပ်နဲ့ တော်လှန်ရေးတပ်ဖွဲ့တွေကြားတိုက်ပွဲတွေအတွင်း ကျန်းမာရေးကဏ္ဍထိခိုက်ခံရမှု သိသိသာသာများလာတယ်လို့ Insecurity Insight ရဲ့ အစီရင်ခံစာက ဆိုပါတယ်။

ကျန်းမာရေးကဏ္ဍတိုက်ခိုက်ခံရမှုအကြိမ်ရေ စုစုပေါင်းမှာ ၁,၅၈၄ ကြိမ်ရှိပြီး အကြိမ်ရေ ၁,၁၀၉ ကို စစ်ကောင်စီတပ်နဲ့ ရဲက ကျူးလွန်ခဲ့တယ်လို့ အဆိုပါ ဝက်ဘ်ဆိုဒ်ရဲ့စာရင်းမှာ တွေ့ရပါတယ်။

ဓာတ်ပုံ – People’s Healthcare Network (Kalay)

ကလေး၊ ဖေဖော်ဝါရီ ၂၀၊ ၂၀၂၅။

တော်လှန်ရေးအင်အားစုတွေထိန်းချုပ်ထားတဲ့ ကလေးမြို့နယ်တောင်ပိုင်းက ဆေးရုံ ၁ ခုကို စစ်ကောင်စီက ဖေဖော်ဝါရီ ၁၃ ရက်မှာ လေကြောင်းတိုက်ခိုက်ခဲ့တယ်လို့ People’s Healthcare Network (Kalay) က သတင်းထုတ်ပြန်ပါတယ်။

Golden Valley Revolution Hospital – ရွှေတောင်ကြားတော်လှန်ရေးဆေးရုံကို နံနက် ၁၀ နာရီခွဲမှာ တိုက်ခိုက်ခံရတာဖြစ်ပြီး People’s Healthcare Network (Kalay) ရဲ့ ကျန်းမာရေးစေတနာ့ဝန်ထမ်း ၅ ဦး ထိခိုက်ဒဏ်ရာအနည်းငယ်ရရှိခဲ့တယ်လို့ ထုတ်ပြန်ချက်မှာ ဖော်ပြပါတယ်။

အဆိုပါ လေကြောင်းတိုက်ခိုက်ခံရမှု ဖြစ်ရပ်အသေးစိတ်ကိုတော့ မြေလတ်အသံက စုံစမ်းနေဆဲဖြစ်ပါတယ်။

ကလေးမြို့နယ်က CDM ကျန်းမာရေးဝန်ထမ်းတွေက People’s Healthcare Network – Kalay ကို ၂၀၂၂ နှစ်စပိုင်းမှာ ထူထောင်ပြီး မြို့နယ်တောင်ပိုင်းမှာ ၁၂ ကုတင်ဆံ့ ဆေးရုံ ၁ ခု၊ မြောက်ပိုင်းမှာ ဆေးရုံ ၁ ခုနဲ့ ကျန်းမာရေးစင်တာ ၆ ခုဖွင့်ကာ ဒေသခံတွေကို ဆေးကုသမှုပေးနေတယ်လို့ ကျန်းမာရေးဝန်ထမ်းတွေက ပြောပါတယ်။

၂၀၂၃ နိုဝင်ဘာ ၉ ရက်မှာလည်း ကလေးမြို့နယ်တောင်ပိုင်းက မြောက်စည်းရွာတိုက်ပွဲအတွင်းမှာ စစ်ကောင်စီရဲ့ လက်နက်ကြီးနဲ့ လေကြောင်းတိုက်ခိုက်မှုကြောင့် ကျေးလက်ဆေးခန်းတခုလုံး ပျက်စီးသွားခဲ့ပါတယ်။

စစ်ရေးနဲ့မဆိုင်တဲ့ကဏ္ဍတွေ အကြမ်းဖက်တိုက်ခိုက်ခံရမှုကို စောင့်ကြည့်စာရင်းပြုစုနေတဲ့ Insecurity Insight ဝက်ဘက်ဆိုဒ်ပါ အချက်အလက်တွေအရ ၂၀၂၁ စစ်အာဏာသိမ်းတဲ့ ဖေဖော်ဝါရီ ၁ ရက်ကနေ ဒီနေ့အထိ နိုင်ငံအနှံ့က ကျန်းမာရေးအဆောက်အအုံတွေ ၃၅၅ ကြိမ် တိုက်ခိုက်ခံရပြီး အသတ်ခံရတဲ့ ကျန်းမာရေးလုပ်သား ၁၃၅ ယောက်ရှိပါတယ်။

၂၀၂၃ ကစလို့ စစ်ကိုင်းတိုင်းအတွင်းက စစ်ကောင်စီတပ်နဲ့ တော်လှန်ရေးတပ်ဖွဲ့တွေကြားတိုက်ပွဲတွေအတွင်း ကျန်းမာရေးကဏ္ဍထိခိုက်ခံရမှု သိသိသာသာများလာတယ်လို့ Insecurity Insight ရဲ့ အစီရင်ခံစာက ဆိုပါတယ်။

ကျန်းမာရေးကဏ္ဍတိုက်ခိုက်ခံရမှုအကြိမ်ရေ စုစုပေါင်းမှာ ၁,၅၈၄ ကြိမ်ရှိပြီး အကြိမ်ရေ ၁,၁၀၉ ကို စစ်ကောင်စီတပ်နဲ့ ရဲက ကျူးလွန်ခဲ့တယ်လို့ အဆိုပါ ဝက်ဘက်ဆိုဒ်ရဲ့ စာရင်းမှာ တွေ့ရပါတယ်။

စစ်ကိုင်း၊ ဖေဖော်ဝါရီ ၁၆၊ ၂၀၂၅။

စစ်ကိုင်းတိုင်း၊ ကလေးမြို့အခြေစိုက် ဒေသကွပ်ကဲမှုစစ်ဌာနချုပ်(ကလေး) ဒကစမှူး ဗိုလ်မှူးချုပ် အောင်နိုင်ဦး မန္တလေးတိုင်း၊ သပိတ်ကျင်းအခြေစိုက် အမှတ် ၁၃ တန်းမြင့်လေ့ကျင့်ရေး ကျောင်းအုပ်ကြီးအဖြစ် ဖေဖော်ဝါရီလပထမပတ်အတွင်း ပြောင်းရွှေ့ရောက်ရှိလာတယ်လို့ သပိတ်ကျင်းတပ်နယ်နဲ့ နီးစပ်သူတချို့ထံက သိရပါတယ်။

အလုပ်သင်ဗိုလ် အပတ်စဥ် ၂၁ ဆင်း ဗိုလ်မှူးချုပ် အောင်နိုင်ဦးဟာ ယခင် တတက ၁၃ ကျောင်းအုပ်ကြီး ဗိုလ်မှူးချုပ် မျိုးမင်းထွေး အနောက်မြောက်တိုင်းစစ်ဌာနချုပ်(နမခ)တိုင်းမှူးအဖြစ် ရောက်ရှိသွားလို့ လစ်လပ်သွားတဲ့ တတက ၁၃ ကျောင်းအုပ်ကြီးနေရာကို ပြောင်းရွှေ့ခံခဲ့ရတာပါ။

“ ရောက်ရောက်ချင်း တပ်နယ်(သပိတ်ကျင်း)ထဲက ခြေလျင်တပ်ဖွဲ့တွေနဲ့ လိုက်တွေ့သွားတယ်။” လို့ သပိတ်ကျင်းတပ်နယ်နဲ့နီးစပ်သူတဦးကပြောပါတယ်။

ဗိုလ်မှူးချုပ် အောင်နိုင်ဦး ဟာ ၂၀၂၁ စစ်အာဏာသိမ်းချိန်မှာ ပြည်ဒကစမှူးအဖြစ် တာဝန်ယူခဲ့ပြီး ၂၀၂၃ ဩဂုတ်လမှာ ကလေးဒကစမှူးအဖြစ် ပြောင်းရွှေ့ရောက်ရှိသွားပြီးတဲ့နောက် လက်ရှိ တတက ၁၃ ကျောင်းအုပ်ကြီးအဖြစ် ထပ်မံပြောင်းရွှေ့ခဲ့ရတာပါ။

“ အရင်က တတက ကျောင်းအုပ်တွေက ဂျောင်(ချောင်)ထိုးခံရတာကနေ ခုက Roll နည်းနည်းမြင့်လာပြီ၊ တတက ကျောင်းအုပ်လည်း တိုင်းမှူးဖြစ်လာတဲ့အခြေအနေ။” လို့ CDM တပ်မတော်သား ဗိုလ်ကြီး ဇင်ယော်က ပြောပါတယ်။

ဗိုလ်မှူးချုပ် အောင်နိုင်ဦး ဟာ အနောက်မြောက်တိုင်းစစ်ဌာနချုပ်နယ်မြေ စစ်ကိုင်းတိုင်းအထက်ပိုင်းဒေသတွေမှာ လူအစုလိုက်သေစေတဲ့ လေယာဉ်ဗုံးကြဲတိုက်ခိုက်မှုတွေအပါ စစ်ကောင်စီတပ်ကျူးလွန်ခဲ့တဲ့ စစ်ရာဇဝတ်မှုတွေမှာ တာဝန်ရှိတဲ့ စစ်ဗိုလ်ချုပ်တဦးလည်း ဖြစ်ပါတယ်။

လစ်လပ်သွားတဲ့ ကလေးဒကစမှူးနေရာကို ပဲခူးတိုင်းအနောက်ခြမ်း၊ သဲကုန်းမြို့နယ်၊ အင်းမအခြေစိုက် အမှတ် ၆၆ ခြေမြန်တပ်မဌာနချုပ်(တမခ ၆၆) ဒုတိယတပ်မမှူး ဗိုလ်မှူးကြီး အောင်ကျော်ဆိုင် (အလုပ်သင်ဗိုလ်အပတ်စဥ် ၂၆) က အဆင့်တိုး၊ရာထူးတိုးနဲ့ ရောက်ရှိသွားတယ်လို့ သိရပါတယ်။