အဆုံးစီရင်

မင်းဘူး၊ အောက်တိုဘာ ၆၊ ၂၀၂၅။

မကွေးတိုင်း၊ မင်းဘူးခရိုင်၊ စေတုတ္တရာမြို့နယ်၊ မင်းဘူးခရိုင် အမှတ် ၃ တပ်ရင်းက ယာယီတပ်ရင်းမှူး ၁ ဦး ကိုယ်တိုင်အဆုံးစီရင်သွားတယ်လို့ အဲ့ဒီတပ်ရင်းဆီက သိရပါတယ်။

အောက်တိုဘာ ၁ ရက် မနက် ၈ နာရီဝန်းကျင်မှာ မင်းဘူးခရိုင် အမှတ် ၃ တပ်ရင်းက အသက် ၃၁ နှစ်အရွယ် ယာယီတပ်ရင်းမှူး ဟိုးကြီးဟာ တပ်စခန်းရှိသူ့ရဲ့အခန်းထဲမှာ ကိုယ့်ကိုယ်သေနတ်နဲ့ ပစ်ပြီး အဆုံးစီရင်သွားတာလို့ ဆိုပါတယ်။

“သူ ဒီလိုမလုပ်ခင် အထက်ကဖိအားအရမ်းပေးခဲ့တယ်၊ စိတ်အတော်ပင်ပန်းနေပြီလို့ ပြောပါတယ်၊ သူ့ကိုယ်သူ ပစ်သတ်သွားတာဗျ၊ အခန်းထဲမှာ တစ်ယောက်တည်းရှိတဲ့အချိန် ကိုယ့်ကိုယ်ကို သတ်သေသွားတာပါ” လို့ မင်းဘူးခရိုင် အမှတ် ၃ တပ်ရင်းမှ တပ်ဖွဲ့ဝင် Viper က ပြောပါတယ်။

အဆုံးမစီရင်ခင်ကာလတွေအတွင်းမှာလည်း မင်းဘူးခရိုင်တာဝန်ရှိသူတချို့က တပ်ဖွဲ့ဝင်တွေကို ခြိမ်းခြောက်တာတွေရှိခဲ့တယ်လို့ တပ်ဖွဲ့ဝင် Viper က ပြောပါတယ်။

“တပ်ကထွက်လို့မရဘူး၊ ထွက်ရင် အကုန်လုံးဖမ်းမယ်ဆိုပြီး ခြိမ်းခြောက်တာတွေ ရှိခဲ့တယ်ဗျ၊” လို့ သူကပြောပါတယ်။

ဒါ့အပြင် အဆုံးမစီရင်ခင်မှာလည်း “ရိုးသားစွာတော်လှန်ကြပါ၊ အောက်ခြေရဲဘော်များ၏ အရှက်၊ ဂုဏ်သိက္ခာ၊ အသက်တွေ ချမနင်းကြပါနဲ့” ဆိုကာ တပ်ရင်းမှူးဟိုးကြီးက စာတစောင်ရေးထားခဲ့ပါသေးတယ်။

ဈာပနအခမ်းအနားကိုတော့ အောက်တိုဘာ ၁ ရက် မနက် ၈ နာရီက စေတုတ္တရာမြို့နယ် အတွင်းမှာ ပြုလုပ်ခဲ့တယ်လို့ သိရပါတယ်။

သူဟာ ၂၀၂၁ အတွင်းစတင်ပြီး လက်နက်ကိုင်တော်လှန်ရေးထဲကိုစတင်ဝင်ရောက်လာသူဖြစ်ပြီး အခုနှစ်ဇူလိုင်လမှာ မင်းဘူးခရိုင်တပ်ရင်း ၃ ရဲ့ယာယီတပ်ရင်းမှူးဖြစ်လာတာလို့ သိရပါတယ်။

စာတည်း – လင်း

မြေလတ်အသံ၊ ဖေဖော်ဝါရီ ၉၊ ၂၀၂၃။

ရှမ်းပြည်နယ်မြောက်ပိုင်း၊ နောင်ချိုမြို့နယ်ရှိ ကုန်းစံရဲဘက်စခန်းက စိုက်ပျိုးထားတဲ့ကြံတွေ လျာထားချက်ပြည့်မီအောင် မပေးနိုင်တာကြောင့် ထောင်ပိုင်တဦးသူ့ကိုယ်သူ သေနတ်နဲ့ပစ်ကာအဆုံးစီရင်သွားတယ်လို့ သိရပါတယ်။

ပေါင်းတည်မြို့သားတဦးဖြစ်ပြီး၊ ပေါင်းတည်အကျဥ်းထောင်မှာလည်း ဗိုလ်အဆင့်နဲ့တာဝန်ထမ်းဆောင်ခဲ့သူ အသက် ၅၃ နှစ်အရွယ်ရှိ ထောင်ပိုင်ဦးစီးအရာရှိဦးဝင်းမြင့်ဇော်ဟာ ဖေဖေါ်ဝါရီလ ၇ ရက်မနက် ၁၀ နာရီလောက်က သူ့ရဲ့နေအိမ်လိုင်းခန်းရှေ့မှာပဲ သေနတ်နဲ့ မေးစေ့ကိုပစ်ကာ အဆုံးစီရင်သွားခဲ့တာလို့ သိရပါတယ်။

“သူ့မိန်းမကပြင်ဦးလွင်ကို ဆန်ဝယ်သွားနေတုန်း အိမ်မှာသူတယောက်ထဲရှိတုန်း ဖြစ်သွားတာ။ သူ့မှာက ပစ္စတိုတလက်နဲ့ အရှည်တလက်ရှိတယ်။ အခုက လိုင်းခန်းရှေ့ဆက်တီခုံထိုင်ရင်း သေနတ်အရှည်နဲ့ အဆုံးစီရင်လိုက်တာ” လို့ အကျဥ်းဦးစီးဌာနနဲ့ နီးစပ်သူတဦးက ပြောပါတယ်။

မနေ့နေ့လယ်လောက်မှာပဲ အလောင်းကိုသင်္ဂြိုလ်ကာ အကျဥ်းဦးစီးဝန်ထမ်းအားလုံးနီးပါးလိုက်ပါပို့ဆောင်ကြပြီး မိသားစုကိုတော့ အလောင်းကြည့်ခွင့်မပေးဘူးလို့ သူကဆက်ပြောပါတယ်။

အဆိုပါ အကျဥ်းဦးစီးမှူးမှာ ဇနီးနဲ့ အတူသမီးတဦးနဲ့သား ၂ ဦးကျန်ရစ်ခဲ့ပြီး၊ သူတာဝန်ကျတဲ့ ကုန်းစံရဲဘက်အကျဉ်းစခန်းမှာ စိုက်ထားတဲ့ကြံတွေ မျှော်မှန်းတဲ့ တန်ချိန်မပြည့်မီတဲ့အတွက် ကြံတန်ချိန် ၁၀၀၀ လျှော်ကြေးပေးရမယ်လို့ ဖိအားပေးတာကြောင့် သေကြောင်းကြံစည်သွားတာဖြစ်တယ်လို့ အကျဥ်းထောင်ဝန်ထမ်းတဦးထံက သိရပါတယ်။