စစ်ကိုင်း၊ ဇူလိုင် ၆၊ ၂၀၂၂။
စစ်ကိုင်းတိုင်း ကနီမြို့နယ်အတွင်းက ကျေးရွာတခုမှာ PDF တွေဦးဆောင်ပြီး ရပ်မိရပ်ဖတွေနဲ့ NUG ပညာရေး စုံညီပွဲတော်နဲ့ အာစရိယပူဇော်ပွဲကို ကျင်းပခဲ့ကြပါတယ်။
ဇူလိုင်လ ၆ရက် ဒီနေ့မနက်ပိုင်းမှာ ကနီမြို့နယ်အတွင်းက ကျေးရွာတခုမှာ ဒေသခံပြည်သူတွေနဲ့ အတူ ကျောင်းသူကျောင်းသားတွေ PDF ရဲဘော်တွေနဲ့ စေတနာ့ဝန်းထမ်း ဆရာ ဆရာမတွေ ပါဝင်ခဲ့ကြတယ်လို့ ဗိုလ်နုတ်ခမ်းမွှေးက ပြောပါတယ်။
” ကျနော်တို့ဆီမှာ ၁ နှစ်ကျောင်းပြီးလို့လုပ်တာပါ၊ကျောင်းသားဦးရေက ရွာကသေးသေးဆိုတော့အရမ်းကြီးတော့သိပ်မများဘူး၊ပညာရေးအပိုင်းကတော့ ပုံမှန်သင်သလိုပါပဲ၊ကျနော်တို့အနေနဲ့မြို့နယ်ကလုပ်ခိုင်းတာကြောင့်လုပ်ကြတာပါ၊ကနီမှာနှစ်ပတ်လည်လုပ်တာပါ၊ကျနော်တို့ကမြို့နယ်ကစီမံချက်အတိုင်းပဲလုပ်တာ” လို့ ပြောပါတယ်။
အိမ်ခြေ ၁၅၀ ဝန်းကျင်သာရှိတဲ့ ကျေးရွာတခုဖြစ်ပြီး ဆရာ ဆရာမ ၁၀ ဦးနဲ့ ကျောင်းသား ဦးရေ ၁၅၀ ဝန်းကျင်ရှိကာ မနေ့က စာမေးပွဲဖြေဆိုပြီး တနှစ်ပြီးသွားခဲ့တာ ဖြစ်တယ်လို့ ပြောပါတယ်။