ရွှေဘို၊ ဧပြီ ၃၀၊ ၂၀၂၅ ။

စစ်ကိုင်းတိုင်း၊ ရွှေဘိုမြို့နယ်၊ ကွေ့တက်ကြီးကျေးရွာမှာ နေအိမ်ထဲ ဒရုန်းဗုံးကျပေါက်ကွဲလို့ မိသားစုဝင် ၃ ဦးဒဏ်ရာရခဲ့တယ်လို့ ရွှေဘိုမြို့နယ်ပကဖထံက သိရပါတယ်။

ဧပြီ ၂၈ ရက် မနက် ၁၀ နာရီခန့်မှာ အဆိုပါကျေးရွာနဲ့ ၂ မိုင်ခန့်အကွာ မခေါက်ကျေးရွာမှာတပ်စွဲထားတဲ့ စစ်ကောင်စီတပ်နဲ့ပျူစောထီးတပ်ဖွဲ့ဝင်တွေက ကွေ့တက်ကြီးရွာကို ဒရုန်းနဲ့ ဗုံး ၁ လုံးချခဲ့ရာ ရွာခံ ဦးဘိုကြည် နေအိမ်ခြံဝန်းအတွင်း ကျရောက်ပေါက်ကွဲခဲ့တာလို့ ဆိုပါတယ်။

“ အဲ့ဒီ(မခေါက်)ရွာက ဒရုန်းတက်လာတာကို ဒေသခံတွေက မြင်လိုက်တယ်” လို့ မျက်မြင်ဒေသခံတွေရဲ့ ပြောပြချက်ကို ရွှေဘိုမြို့နယ်ပကဖတာဝန်ခံက ပြောပါတယ်။

ဒရုန်းဗုံးပေါက်ကွဲတာကြောင့် အသက် ၅၉ နှစ်အရွယ် ဦးဘိုကြည်မှာ ဝမ်းဗိုက်ဗုံးစမှန်၊ သားဖြစ်သူ အသက် ၁၆ နှစ်အရွယ် မောင်တရုတ်မှာ ညာဘက်ဒူးဗုံးစဖောက်ဝင်၊ တူမဖြစ်သူ အသက် ၂၂ နှစ်အရွယ် မငြိမ်းသဇင်ကျော်မှာ တင်ပါးဗုံးစမှန်ဒဏ်ရာ(မစိုးရိမ်ရ)တွေ အသီးသီးရရှိခဲ့တာကြောင့် နီးစပ်ရာဆေးခန်းမှာ ဆေးကုသမှုခံယူနေရပါတယ်။

” တိုက်ပွဲလည်းမရှိဘဲနဲ့ ပြည်သူကို ရည်ရွယ်ချက်ရှိရှိနဲ့ လာတိုက်ခိုက်တဲ့သဘောပါ” လို့ ရွှေဘိုမြို့နယ်ပကဖတာဝန်ခံက ပြောပါတယ်။

မခေါက်ကျေးရွာမှာ စစ်ကောင်စီတပ်လက်အောက်ပြည်သူ့စစ်(ပျူစောထီး)အင်အား ၄၀ ခန့်နဲ့ စစ်ကောင်စီတပ်ဖွဲ့ဝင် ၇ ဦးခန့် တပ်စွဲထားပြီး ယခင်ကလည်း ကွေ့တက်ကြီးကျေးရွာကို ဒရုန်းဗုံးချတိုက်ခိုက်မှုတွေ ရှိခဲ့တယ်လို့ ဆိုပါတယ်။

မတ် ၂၅ ရက်ကလည်း ရွှေဘိုမြို့၊ အမှတ် ၁ ရပ်ကွက်ရှိ အောင်ဇေယျစျေးထဲ စစ်တပ်ပစ်တဲ့ လက်နက်ကြီးကျလို့ ကလေးငယ်အပါအဝင် ၅ ဦးဒဏ်ရာရတယ်လို့ သိရပါတယ်။

ပုံစာ – စစ်ကောင်စီတပ်ဖွဲ့ ဒရုန်းအသုံးပြု လေ့ကျင့်နေ့စဉ်။ (Photo – PCT News)

စာတည်း – ဟိန်းစံ

■ ရွှေဘိုခရိုင်က လူ ၁,၄၀၀ ကျော်နဲ့ အများဆုံးသေဆုံးခဲ့ပြီး မုံရွာနဲ့စစ်ကိုင်းခရိုင်တို့က အစဉ်လိုက်ရှိနေ

စစ်ကိုင်း၊ မတ် ၇၊ ၂၀၂၅။

စစ်အာဏာသိမ်းကာလ ၃ နှစ်ကျော်အတွင်း စစ်ကိုင်းတိုင်းက အရပ်သား ၅,၀၀၀ ကျော် သေဆုံးခဲ့တယ်လို့ ပြည်တွင်းပဋိပက္ခဖြစ်စဉ်တွေအပေါ် သုတေသနပြုလုပ်နေတဲ့ Data For Myanmar အဖွဲ့ရဲ့ မတ် ၆ ရက် မနေ့က ထုတ်ပြန်တဲ့ အစီရင်ခံစာမှာဖော်ပြပါတယ်။

စစ်အာဏာသိမ်းပြီးနောက် စစ်ကိုင်းတိုင်းအတွင်း လက်နက်ကိုင်ပဋိပက္ခတွေ စတင်ဖြစ်ပွားခဲ့တဲ့ ၂၀၂၁ ဇူလိုင် ကနေ ၂၀၂၄ ဒီဇင်ဘာ အထိ ၃ နှစ်ကျော်ကာလအတွင်း အရပ်သားသေဆုံးမှုတွေကို ဖော်ပြထားတာဖြစ်ပါတယ်။

အကြမ်းဖက်မှုတွေကြောင့် ၃ နှစ်ကျော်ကာလအတွင်း စစ်ကိုင်းတိုင်းက အရပ်သား ၅,၀၄၉ ဦး သေဆုံးခဲ့ပြီး ၃,၅၂၉ ဦး ဒဏ်ရာရရှိခဲ့ကာ စုစုပေါင်း ၈,၅၇၈ ဦး ထိခိုက်သေဆုံးမှု ဖြစ်ပွားခဲ့တယ်လို့ အစီရင်ခံစာက ဆိုပါတယ်။

အဲ့ဒီထဲမှာ အမျိုးသမီးနဲ့ကလေးသူငယ် ထိခိုက်သေဆုံးမှုဟာ ၂၄ ရာခိုင်နှုန်း၊ အသက် ၁၈ နှစ်အထက် အမျိုးသား ၇၀ ရာခိုင်နှုန်းပါဝင်ပြီး လေကြောင်းတိုက်ခိုက်မှု၊ လက်နက်ကြီး၊ ဒရုန်းနဲ့ မိုင်းတွေကြောင့် ထိခိုက်သေဆုံးခဲ့ရတာဖြစ်ကာ လေကြောင်းတိုက်ခိုက်မှုအတွင်း ၄၆၂ ဦး အထိသေဆုံးမှုရှိခဲ့တယ်လို့ ဖော်ပြပါတယ်။

သေဆုံးမှုတွေအနက် ရွှေဘိုခရိုင်အတွင်း အရပ်သားသေဆုံးမှု ၁,၄၀၀ ကျော်နဲ့ အများဆုံးဖြစ်ပေါ်ခဲ့ပြီး မုံရွာနဲ့ စစ်ကိုင်းခရိုင်တွေမှာ ၆၀၀ ကျော်၊ ကန့်ဘလူ၊ ယင်းမာပင်နဲ့ ကလေးခရိုင်တွေမှာ ၄၀၀ ကျော်စီ သေဆုံးထားတယ်လို့ ဆိုပါတယ်။

အာဏာသိမ်းပြီးနောက် ဆန့်ကျင်မှုအားအကောင်းဆုံးဖြစ်တဲ့ စစ်ကိုင်းတိုင်းကို စစ်ကောင်စီက အဓိကပစ်မှတ်ထားထိုးစစ်ဆင်ခဲ့ပြီး မြေပြင်စစ်ကြောင်းထိုးတာ၊ လေကြောင်းကနေဗုံးကြဲတာတွေကြောင့် လူအစုလိုက်အပြုံလိုက်သေဆုံးခဲ့ရမှုဖြစ်စဉ်တွေ မကြာခဏရှိခဲ့တာပါ။

စစ်ကောင်စီတပ်ရဲ့ စစ်ကိုင်းတိုင်းအတွင်း လူအစုလိုက်အပြုံလိုက်သတ်ဖြတ်မှုဖြစ်စဉ် အများအပြားအနက် ကန့်ဘလူ၊ ပဇီကြီးရွာလေကြောင်းတိုက်ခိုက်မှုကြောင့် လူ ၁၀၀ ကျော် သေဆုံးမှု၊ ယင်းမာပင်၊ စုန်းချောင်းရွာခံ ၁၄ ဦးကို သတ်ဖြတ်မှု၊ မြင်းမူ လက်ထုတ္တောရွာ လူ ၃၀ ကျော်ကို သတ်ဖြတ်မှု၊ ဘုတလင် စီပါရွာခံ ၆ ဦးကို အပိုင်းပိုင်းခုတ်သတ်ဖြတ်မှုတွေဟာ ထင်ရှားတဲ့ အစုလိုက်အပြုံလိုက်သတ်ဖြတ်မှုတွေလည်း ဖြစ်ပါတယ်။

မြေလတ်အသံ၊ စက်တင်ဘာ ၂၂၊ ၂၀၂၂။

ယခုစက်တင်ဘာ ၄ရက်နေ့မှ စက်တင်ဘာ ၂၁ ရက်မနေ့ကအထိ ရခိုင်ပြည်နယ်ရှိ၊မင်းပြား၊မြောက်ဦး၊ကျောက်ဖြူ၊တောင်ကုတ်၊ ရမ်းဗြဲမြို့တွေက အရပ်သား ၂၆ယောက်အထိ စစ်ကောင်စီ ဖမ်းဆီးထားတယ်လို့သိရပါတယ်။

စက်တင်ဘာ၂၁ရက်မနေ့က ည၁၁နာရီကျော်အချိန်ခန့်မှာ ရမ်းဗြဲမြို့၊အမှတ် ၃ရပ်ကွက်မှာ နေထိုင်တဲ့ ‌အရပ်သားနှစ်ယောက်ကို စစ်ကောင်စီတွေက ဖမ်းဆီးသွားခဲ့တယ်လို့ သိရပါတယ်။

ဖမ်းဆီးခံရသူတွေက ကိုအောင်လင်းထွန်းနဲ့ ကိုသက်ခန့်ဇော်တို့နှစ်ယောက်ဖြစ်ပြီး သူတို့ကို ဘာကြောင့်ဖမ်းသွားလည်းဆိုတာကို မသိရှိဘူးလို့ မြို့ခံတယောက်က မြေလတ်အသံကိုပြောပါတယ်။

“မနေ့က စစ်သားနဲ့ရဲသားတွေ ‌ကျနော်တို့မြို့ တမြို့လုံးကို ဧည့်စာရင်းဝင်စစ်တယ်။ အရင်က တော့ ဒီလိုတခါမှမစစ်ဘူး။ မနေ့ကတအိမ်မကျန် စစ်တာ။ အဲဒီအချိန်မှာ သူတို့နှစ်ယောက်ကို ဖမ်းသွားခဲ့တာပါ။”လို့ ဆိုပါတယ်။

မနေ့ကမြို့ကိုစစ်ဆေးတဲ့အချိန်မှာ လူငယ်တွေကို အဓိကထားစစ်ဆေး‌ခဲ့လို တချို့လူငယ်တွေဆိုရင် တိမ်း ရှောင်နေရတယ်လို့သိရပါတယ်။

အလားတူစက်တင်ဘာ၂၁ရက်ည‌နေ ၅နာရီအချိန်မှာ မင်းပြားမြို့နယ်၊ နရမ်းခွဆုံအနီးမှာရှိတဲ့ ကားဝပ်ရှော့ဆိုင်က ကို‌အော်ဇော်ဝင်းနဲ့ကိုညီညီတို့ကို စစ်ကောင်စီက ဖမ်းဆီးသွားခဲ့တယ်လို့ မျက်မြင်တယောက်က ပြောပါတယ်။

“စစ်သားတွေက အဲဒီခွဆုံမှာ လုံခြုံရေးယူထားတာ။ အဲဒီအချိန်မှာ သူတို့နှစ်ယောက်က ကားနဲ့ မင်းပြားဖက်ကိုသွားတဲ့အခါ ရပ်ခိုင်းပြီးတော့ ဖမ်းသွားတာ။ဘာဖြစ်လို့ဖမ်းလည်းတော့မသိဘူး”လို့ဆိုပါတယ်။

ထို့အတူ စစ်ကောင်စီက နရမ်းခွဆုံနဲ့ ခေါင်း လောင်းကျေးရွာရှိ ကားလမ်းမပေါ်မှာ လုံခြုံရေး အများအပြားချကာ လမ်းသွားလမ်းလာတွေကို စစ်ဆေးမှုတွေပြုလုပ်နေလို့ ကျေးရွာသားတချို့ ကြောင်လန့်ပြီးတော့ တိမ်းရှောင်နေကြတယ်လို့ ဆိုပါတယ်။

စက်တင်ဘာ၂၀ရက်‌နေ့ကလည်း မင်းပြားမြို့ နယ်၊တောင်ရှည်ကျေးရွာက ကိုထွန်းအေးခိုင် ၂၅နှစ်၊စက်တင်ဘာ ၁၉ရက် ညအချိန်မှာလည်းပြည်တော်လှရပ်ကွက် က ဦးညီညီ ၄၀‌ကျော်ခန့်နဲ့ပြည်တော်သာရပ်ကွက် က ဦးမောင်မောင် ၃၀နှစ်တို့ကို စစ်ကောင်စီကဖမ်းဆီး သွားခဲ့တယ်ပါတယ်။

ထို့အတူစက်တင်ဘာ ၂၀ရက်နေ့ကလည်း မြောက်ဦးမြို့၊လက်ကောက်ဈေးရပ်ကွက်နေ သတင်းထောက်ဟောင်း ကိုဖိုးသီဟနဲ့ စက်တင် ဘာ၄ရက်‌နေ့တွင် ကိုကျော်ဇံဝေ(ခ)ရင်ဆို့ကို စစ်ကောင်စီရဲတွေက အကြောင်းပြချက်မရှိဘဲ ဖမ်းဆီးသွားခဲ့ပါတယ်။အခု‌တော့ ကိုကျော်ဇံဝေကို NUG၊CRPHတို့နဲ့ဆက်စပ်လုပ်တယ်လို့ဆိုပြီး တော့ အမှုဖွင့်တရားစွဲဆိုထားပါတယ်။

အလားတူ စက်တင်ဘာ ၁၀ရက် နံနက် ၉နာရီကျော်အချိန်ခန့်မှာလည်း မင်းပြားမြို့နယ်၊ရာမောင်တံ တားအနီးမှာ ဆိုင်ကယ်စီးလာတဲ့ ဒေ သခံ ၂ယောက်ကို စစ်ကောင်စီက သေနတ်ပစ် ခတ်ကာ ဖမ်းဆီးသွားခဲ့ပြီး အခုအချိန်ထိ ပြန်မလွတ်ပေးသေးဘူးလို့ သိရပါတယ်။

စက်တင်ဘာ ၆ ရက် ညနေ ၉ နာရီကျော်အချိန်ခန့်တွင်လည်း တောင်ကုတ်မြို့၊ချောင်းကောက်ရပ် ကွက်က ဒေါက်တာကျော်သူရထွန်း ၄၂ နှစ်ကို Mask တပ်ထားတဲ့ စစ်ကောင်စီလူတစုက ဖမ်းခေါ်သွားခဲ့ပြီးနောက် အခုအချိန်ထိပြန်မလွတ်သေးပါ။

အလားတူတောင်ကုတ်မြို့၊သင်္ဘောဆိပ်တွင် စစ်ကောင်စီရဲ့ထောက်ပို့ သင်္ဘောတစီးကို ရက္ခိုင့် တပ်တော်(AA)က လက်နက်ကြီးနဲ့ပစ်ခတ်ခဲ့ပြီး နောက် ချောင်းကောက်ရပ်ကွက်က ဦးထွန်းချစ် ၅၈နှစ်၊ ဂူတာရပ်ကွက်က ရှုထောင့်သ တင်းစုံဂျာနယ်မှာ လုပ်ကိုင်နေတဲ့ ရဲသတင်း ပေး ကိုဦးနဲ့ စိုးဝင်းချေ၊ မှိုဟင်းတော‌ကျေးရွာကဦးကျော်သောင်းတို့ကို စစ်ကောင်စီကဖမ်းဆီးထားပါတယ်။

အဲဒီအပြင် စက်တင်ဘာ ၁၉ရက်နေ့တွင် ‌တောင်ကုတ်မြို့ကိုင်းရှည်လူမှုကူညီရေးအသင်းဥက္ကဋ္ဌဖြစ်သူဦးမြင့်လှိုင်နဲ့ဒုဥက္က ဋ္ဌဖြစ်သူဦဇော် မင်းထွန်းနဲ့ စက်တင် ဘာလ ၂၁ ရက်ည ၇ နာရီကျော်အချိန်ခန့်ကလည်း အဲဒီချောင်းကောက်ရပ်ကွက်က ကိုမျိုးမြင့်(ခ)ကိုပူတာတာကို ကောင်စီတပ် ဖွဲ့ဝင်တွေ သူ့ရဲ့နေအိမ်က လာရောက်ဖမ်းဆီးခေါ်ဆောင်သွားတာဖြစ်တယ်လို့ ရပ်ကွက်နေသူတွေက ဆိုပါတယ်။

ထို့အတူ စက်တင်ဘာ ၇ရက်နေ့ ညအချိန်မှာလည်းကျောက်ဖြူမြို့က ကိုမောင်ဝင်းနိုင် (ခ)ညီဝင်းနိုင်၂၉နှစ်၊ ဦးဘသန်း ၄၂နှစ်၊ ဆလိုင်းကိုအေး ၄၃နှစ်၊ စက်တင်ဘာ ၁၀ရက်နေ့ကလည်း ကိုဖြိုးမင်းထွန်း ၂၉နှစ်၊ ဦးဝင်းအောင် ၅၃နှစ်နဲ့ ဦးစိုးဝင်းနိုင် ၊ ဦးတင်ညွှန့်တို့ကို စစ်ကောင်စီကဖမ်းဆီးသွားခဲ့ပြီးနောက် အခုအချိန်ထိပြန်မလွတ် လာသေးဘူးလို့ မိသားစုဝင်တွေကဆိုပါတယ်။

မြေလတ်အသံ၊ သြဂုတ် ၂၊ ၂၀၂၂။

ပြီးခဲ့သည့် ဇူလိုင်လ ၁၉ရက်နေ့မှစတင်ကာ စစ်ကောင်စီက ဖမ်းဆီးခဲ့သည့် ရခိုင်ပြည်နယ် မောင်တောမြို့နယ်မှ ရပ်ကျေးအုပ်ချုပ်ရေးမှူး ၂ဦးပါ အရပ်သား ၁၀ဦးနှင့် အဆက်အသွယ်မရရှိသည် မှာ ယနေ့ ဩဂုတ် ၂ရက်ဆိုလျှင် ရက်ပေါင်း ၁၄ ရက်ရှိသွားပြီဟု မိသားစုဝင်များကပြောသည်။

ဖမ်းဆီးခံရပြီး သတင်းအစအနမရရှိကြသူများမှာ မောင်တောမြို့နယ်၊ ကြိမ်ချောင်းအုပ်ချုပ်ရေးမှူး ဦးကိုကိုအောင်၊တရိန်းအုပ်ချုပ်ရေးမှူး ဦးအိမ်စိုးမောင်၊ သာယာကုန်းကျေးရွာတာဝန် ခံ ဦးဘသိန်း ၊ကြိမ်ချောင်းရွာသား ဦးထွန်းအေးကြိုင် ၊ ဦးထွန်ရွှေ နှင့် ပန်းတောပြင်စစ်ဆေးရေးဂိတ်မှ ၂ဦးတို့ဖြစ်သည်။

ယင်းအပြင် ကျောက်တော်မြို့ပေါ်ရှိ ကဝိရတနာ စစ်ဘေးရှောင်စခန်းမှ ဆေးဆရာ ဦးကျော်ဟိန်းနှင့် ပုဏ္ဏာမြို့၊စံပြရပ်ကွက်မှ ဦးစောအေးမောင်နှင့် ကိုမိုးသီးခိုင်တို့ဖြစ်ကြပြီး ၎င်းတို့ကို ခမရ (၅၅၀) တပ်ရင်းမှ စစ်ကောင်စီတပ်သားများက ဖမ်းဆီးခဲ့ခြင်းဖြစ်သည်ဟု မိသားစုဝင်များက ဆိုသည်။

ဖမ်းဆီးခံရသူ ဦးကျော်ဟိန်း၏ ဇနီးဖြစ်သူ ဒေါ်အေးသန်းက”စစ်သားတွေ ဖမ်းသွားတဲ့နေ့ကစလို့ ဒီနေ့ ဒီအချိန်ထိ ကျွန်မယောကျ်ားနဲ့ပတ်သက်လို့ ဘာတခုမှ မသိရ၊မကြားရဘူး။ ဘယ်နေရာမှာရောက် လို့ရှိနေမလဲ။ သတ်ပစ်ပြီလား၊မသတ်သေးဘူးလား အရမ်းသိချင်ပါတယ်။ ကိုယ်နဲ့သိတဲ့လူတွေ ကိုလည်း ဖုန်းဆက်မေးတယ်။ သူတို့များသိမလားလို့ ဒါပေမဲ့ ဘာတခုမှမထူးပါဘူး။ ကျွန်မ ယောင်္ကျား သေသွားပြီဆိုရင်လည်း သေပြီ။ မသေးသေးဘူးဆိုရင်လည်း ဘယ်နေရာမှာရောက်ထား ထားတယ်ဆိုတာလည်းပဲ သိချင်နေမိပါတယ်။”ဟု ဆိုသည်။

အဆိုပါ ဦးကျော်ဟိန်းကို ပြီးခဲ့သည့်ဇူလိုင် ၁၉ ရက် ည၉နာရီအချိန်ခန့်တွင် ကံကြီးရှင် စစ်ဘေးရှောင်စခန်းမှ လူနာကြည့်၍ပြန်လာစဉ် မီးရထားဘူတာတွင် စစ်ကောင်စီတပ်သားများက ဖမ်းဆီးသွားခဲ့ခြင်းဖြစ်သည်။

အလားတူ ဇူလိုင် ၂၀ရက်နေ့တွင် ဖမ်းဆီးခံလိုက်ရသည့် ကြိမ်ချောင်းကျေးရွာအုပ်ချုပ်ရေးမှူးနှင့် ရွာသား ၂ဦး၊ တရိန်းအုပ်ချုပ်ရေးမှူး ၊သာယာကုန်းကျေးရွာတာဝန်ခံတို့မှာလည်း အပြစ်တစုံတရာ ပြုလုပ်ထားခြင်းမရှိသည့်အတွက် အမြန်ဆုံး ပြန်လွှတ်ပေးစေလိုကြောင်း မိသားစုဝင်များက တောင်းဆိုနေကြသည်။

ကြိမ်ချောင်းအုပ်ချုပ်ရေးမှူး၏ ဆွေမျိုးတဦးက ” ဖမ်းခေါ်သွားတာကတော့ နခခ ၇ကိုပါ။ ကျွန်တော် တို့သွားတွေ့ကြတော့ တွေ့ခွင့်လုံးဝမရဘူး။ အစောင့်ရဲသားတွေ ပြောတာကတော့ သူတို့ဒီမှာ မရှိဘူးတဲ့။ ဘယ်ရောက်သွားလည်း မေးတော့ မသိဘူးပြောတယ်။ အခုဆိုရင် တော်တော်လည်း စိတ်ပူနေရတယ်။ သူ့မယားဆိုရင် အဲဒီစိတ်နဲ့ ထမင်းတောင် ကောင်းကောင်းမစားဘူးဖြစ် နေတယ်။ ကျွန်တော်တို့က ဖမ်းထားတဲ့သူတွေကို အပြစ်ရှိတယ်လို့တွေ့ရင် ထောင်ချပေါ့။ အပြစ်မရှိဘူးဆိုရင် ပြန်လွှတ်ပေးလည်။ အခုက ဘာတွေ မှန်းလည်းမသိတော့ဘူး။ တရားဥပဒက တော်တော် လည်း စိတ်ပျက်ဖို့ကောင်းတယ်။”ဟု ဆိုသည်။

ထို့အတူ ပုဏ္ဏားကျွန်းမြို့ခံ ၂ဦးဆိုလျှင်လည်း ၎င်းတို့ကို မည်သည့်နေရာ၌ ဖမ်းဆီးထားသည်ကို သာ သိခွင့်ရချင်ကြောင်း မိသားစုများကဆိုသည်။

ရခိုင်ပြည်နယ်တွင် စစ်ကောင်စီက ဇွန်လနှင့်ဇူလိုင် လအတွင်း ဖမ်းဆီးခဲ့သည့် အပြစ်မဲ့အရပ် သားပြည်သူ ၅၅ဦးရှိခဲ့ပြီး ယင်းထဲမှ ၁၄ဦးကို ပြန်လွှပေးခဲ့သည်ဟု သိရှိရသည်။ပြန်မလွှပေသူများ ကိုမှု စစ်ကောင်စီဖက်မှ ပုဒ်မအမျိုးမျိုးတပ်ကာ တရားစွဲ၊ ထောင်ချမှုများ ပြုလျှက်ရှိနေသည်။

မြေလတ်အသံ၊ ဇူလိုင် ၁၉၊ ၂၀၂၂။

ရခိုင်ပြည်နယ်၊ ပုဏ္ဏားကျွန်းမြို့၊ စံပြရပ်ကွက်မှ အရပ်သား ၂ဦးကို စစ်ကောင်စီက ယနေ့ ဇူလိုင် ၁၉ရက် နံနက် ၄နာရီအချိန်ခန့်တွင် နေအိမ်အတွင်းသို့ ဝင်ရောက်ဖမ်းဆီးသွားသည်ဟု သိရသည်။

ဖမ်းဆီးခံရသူ၂ဦးမှာ ဦးစောအေးမောင်နှင့် ကိုမိုးသီးခိုင်တို့ဖြစ်ကြပြီး ၎င်းတို့ကို ခမရ(၅၅၀) တပ်ရင်းမှ စစ်ကောင်စီတပ်သားများက ဖမ်းဆီး သွားခြင်းဖြစ်သည်ဟု မြေလတ်အသံ၏ သတင်းရင်းမြစ်တဦးကပြောသည်။

“စစ်သားတွေပေါ့။ပြီးတော့ စစ်အဝတ်တွေကိုဝတ်လို့ ရဲတွေလည်းပါတယ်။ အရင်ဆုံး စံပြရပ်ကွက်က အိမ်နှစ်အိမ်ကို ခြံစည်းရိုးကျော်ပြီး ဝင်ကြတယ်။ နောက်တော့ ၂ယောက်ဖမ်းသွား ကြတယ်။ဘာဖြစ်လို့ဖမ်းတယ်ဆိုတာတော့ မသိရသေးဘူး”ဟုဆိုသည်။

လက်ရှိတွင်လည်း ပုဏ္ဏားကျွန်းမြို့ရှိကားလမ်းမ ပေါ်တွင် စစ်ကောင်စီတပ်သားများက လမ်းသွား လမ်းလာများကို စစ်ဆေးနေသည်ဟု မြို့ခံအမျိုး သမီးတဦးကပြောသည်။

“အခုမြို့ကလူတွေက အပြင်ကိုတစ်ယောက်မှ မထွက်ကြဘူး။ ကျွန်မတို့ ဈေးဝယ်ဖို့တောင်မသွားရဲဘူး။ ညည့်ဆိုရင်ပိုဆိုးတယ်။တပ်ရင်းက ထွက်ပြီးတော့သွားနေကြတာ။”ဟုဆိုသည်။

ပြီးခဲ့သည့် ဇူလိုင် ၁၇ရက်နေ့တွင် ပုဏ္ဏားကျွန်းမြို့ အထွေထွေအုပ်ချုပ်ရေး ဦးစီးဌာနမှ အုပ်ချုပ်ရေးမှူး ဦးလှရွှေကို ရက္ခိုင့်တပ်တော်(AA)က ဖမ်းဆီးခဲ့သည်။

ယင်းအပြင် ပြီးခဲ့သည့် ဇွန်လ ၁၆ရက်နေ့တွင်လည်း ပုဏ္ဏားကျွန်းမြို့ရှိ ခမရ ၅၅၀တပ်ရင်းမှ တပ်ဖွဲ့ဝင်တဦးကို ရက္ခိုင့်တပ်တော်(AA)က ဖမ်းဆီးခဲ့သည်။

ယင်းနောက် စစ်ကောင်စီဖက်မှလည်း ပုဏ္ဏားကျွန်း မြို့ခံအများအပြားကို ဖမ်းဆီးခဲ့ပြီး တချို့ကို ပြန်လွတ်ပေးခဲ့သော်လည်း ပြန်မလွတ်လာသူ ၈ဦးကို ၅၅၀တပ်ရင်းမှ စစ်ရေးဗိုလ်ကြီး ကြည်လှိုင်က တရားလိုလုပ်ကာ ပုဒ်မ ၃ခုဖြင့်တရားစွဲ ဆိုထားသည်။

မြေလတ်အသံ၊ ဇွန် ၃၀၊ ၂၀၂၂။

ချင်းပြည်နယ်၊ ပလက်ဝမြို့၊ မြို့မရပ်ကွက်မှ ဖမ်ဆီးထားသည့် အရပ်သား ၂ ဦးကို စစ်ကောင်စီက ဇွန်လ ၂၉ ရက်နေ့တွင် မြို့နယ်တရားရုံး၌ ရာဇသတ်ကြီးပုဒ်မ ၅၀၅(က) ဖြင့် အမှုဖွင့်တရားစွဲဆိုလိုက်သည်ဟု မိသားစုဝင်များက ပြောသည်။

တရားစွဲဆိုခံလိုက်ရသူ ၂ ဦးမှာ ဦးမဲကျော့နှင့် ဦးမောင်ဝင်းတို့ဖြစ်ကြပြီး ၎င်းတို့ကို ပလက်ဝအခြေစိုက် ခလရ ၂၈၉ တပ်ရင်းတွင် ရက်ပေါင်း ၂၈ ရက်ကြာ မိသားစုများနှင့် အဆက်အသွယ်ဖြတ်တောက်ကာ စစ်ဆေးမေးမြန်းမှု ခံယူရပြီးနောက် ယခုလိုတရားစွဲခံလိုက်ရခြင်းဖြစ်သည်ဟု ဦးမောင်ဝင်း၏ ဆွေမျိုးတဦးက ပြောသည်။

“စစ်သားဖက်က ဘယ်သူစွဲတာလဲဆိုတာကိုတော့ မသိရသေးဘူး။ လာမယ့် ဇူလိုင်လ ၁၆ ရက်နေ့ကို ရုံးချိန်းလိုက်ပါတယ်။ ဒီလို ထောင်ဒဏ်အများကြီး ချမှတ်နိုင်တဲ့ ပုဒ်မတွေနဲ့ တရားစွဲလိုက်တဲ့အပေါ်မှာတော့ ဝမ်းနည်းရတာကလွဲရင် ဘာမှမပြောတတ်တော့ပါဘူး။ အပြစ်မရှိတဲ့သူတွေကို ဒီလိုလုပ်တာဟာ လုံးဝမတရားပါဘူး” ဟု သူကဆိုသည်။

ဦးမဲကျော့မှာ ပြီးခဲ့သည့် ဇွန်လ ၄ ရက်နေ့ ည ၉ နာရီကျော်အချိန်ခန့်တွင် ၂၈၉ တပ်ရင်းမှ အရာရှိတဦးက နေအိမ်အတွင်းသို့ဝင်ရောက်လာကာ ဖမ်းဆီးသွားခြင်းဖြစ်ပြီး၊ ဦးမောင်ဝင်းကိုလည်း အင်အား ၂၀ ခန့်ရှိသည့် စစ်ကောင်စီ တပ်သားများက နေအိမ်မှဖမ်းဆီးသွားခြင်းဖြစ်သည်။

ဥပဒေပြဌာန်းချက်အရ ၅၀၅(က)မှာ ပြည်ထောင်စုအစိုးရ၏ ကြည်း၊ရေ၊လေ တပ်တခုခုမှ အရာရှိအား သို့တည်းမဟုတ် တပ်သားများအား စစ်ပုန်ကန်ခြင်းကိုသော်လည်းကောင်း အကြောင်းရှိလျှင် ထိုသူကို ထောင်ဒဏ် တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း ပါရှိသည်။

မြေလတ်အသံ၊ ဇွန် ၂၇၊ ၂၀၂၂။

ဇွန်လအတွင်း ရခိုင်ပြည်နယ်၊ စစ်တွေမြို့နှင့် ပုဏ္ဏားကျွန်းမြို့များမှ အပြစ်မဲ့အရပ်သား ၂၉ ဦးကို စစ်ကောင်စီက ဖမ်းဆီးထားသည်ဟု ရက္ခိုင့်တပ်တော် (AA)က ထုန်ပြန်လိုက်သည်။

ပြီးခဲ့သည့် ဇွန်လ ၂၃ ရက်နှင့် ၂၄ ရက်နေ့တို့တွင် စစ်တွေမြို့မှ စစ်ကောင်စီက ဖမ်းဆီးထားသည့် အပြစ်မဲ့အရပ်သား ၂၁ ဦးရှိပြီး၊ ၎င်းတို့ထဲတွင် အသက် ၁၈ နှစ်မပြည့်သေးသော လူငယ် ၃ ဦး ပါဝင်သည်ဟု ဇွန်လ ၂၅ ရက်နေ့တွင် AA က ထုတ်ပြန်ထားသည်။

အလားတူ ဇွန်လ ၁၆ ရက်နေ့မှ ဇွန်လ ၂၆ ရက်နေ့အထိ ၁၀ ရက်အတွင်း ပုဏ္ဏားကျွန်းမြို့မှ စစ်ကောင်စီက ဖမ်းဆီးထားသည့် အရပ်သား ၈ ဦးရှိပြီး ၎င်းတို့ထဲတွင် အသက် ၁၈ နှစ်မပြည့်သေးသော လူငယ် ၁ ဦးပါဝင်သည်ဟုလည်း AA က ဇွန်လ ၂၆ ရက်နေ့တွင် ထုတ်ပြန်ထားသည်။

စစ်တွေမှ ဖမ်းဆီးခံထားရသူမှာ ဦးလှထွန်းဝင်း၊ ဦးခင်မောင်စော၊ ဦးဘသိန်း၊ ညီညီထွန်း၊ ဦးမြင့်စိုး၊ မောင်မောင်ခင်၊ ဒီမာမောက်၊ အောင်အောင်၊ မာမောက်ရှာ၊ မောင်ကျော်လှ၊ ညီညီ၊ စံမောင်၊ မောင်ဟန်စိုး၊ ကျော်သန်းအေး၊ အောင်ဇာ်လင်း၊ ကျော်အေးလှိုင်၊ စိုးနိုင်ဝင်း၊ မောင်စံဦး၊ မောင်ဖြူ၊ မောင်လုံးချေ၊ မောင်သန်းထွန်းတို့ဖြစ်ကြောင်း သိရသည်။

ယင်းအပြင် ပုဏ္ဏားကျွန်းမှ ဖမ်းဆီးခံထားရသူများမှာ ကျော်မင်း၊ ဝင်းမောင်သန်း၊ ထွန်းလှိုင်၊ ဦးဘလှိုင်၊ မျိုးသွင်၊ မြတ်သူထွန်း၊ နိုင်မျိုးထွန်း၊ မင်းအောင်ခိုင်တို့ဖြစ်ကြသည်။

ယင်းအပြင် ကျောက်တော်နှင့် မြောက်ဦးမြို့တို့တွင်လည်း စစ်ကောင်စီကဖမ်းဆီးထားသည့် မပြစ်မဲ့အရပ်သား အနည်ဆုံး ၂၀ ကျော်ရှိသည်ဟုလည်း ဒေသခံများ၏ပြောဆိုချက်အရသိရသည်။ယင်းအရေအတွက်ကိုမူ ရက္ခိုင့်တပ်တော် (AA)က ထုတ်ပြန်ထားခြင်းမရှိသေးပေ။

ယခုနှစ် ဇွန်လမှစ၍ ရခိုင်ပြည်နယ်ရှိ မြို့နယ် ၄ မြို့နယ်မှ ရက္ခိုင့်တပ်တော်(AA)က ဖမ်းစီးထားသည့် စစ်ကောင်စီတပ်ဖွဲ့ဝင်များနှင့် ရဲတပ်ဖွဲ့ဝင် အရေအတွက် စု၏စုစုပေါင်း ၁၈ ဦးအထိရှိပြီ ဖြစ်သည်။

ယင်းအပြင် ရက္ခိုင့်တပ်တော်(AA)ထံသို့လည်း ထွက်ပြေခိုလှုံလာသည့် စစ်ကောင်စီတပ်ဖွဲ့ဝင် အရေအတွက် ထောင်နှင့်ချီ၍ရှိသည်ဟု ဇွန်လ ၁၄ ရက်နေ့တွင် ပြုလုပ်ခဲ့သည့် သတင်းစာရှင်းလင်းပွဲ AA ၏ ပြောခွင့်ရသူ ခိုင်သုခက ပြောဆိုခဲ့သည်။

မြင်းမူ၊ ဇွန် ၈၊ ၂၀၂၂။

မြင်းမူမြို့နယ်၊ ကံဖျားရွာနှင့် ဂုံညှင်းဆိပ်ကျေးရွာများကို စစ်ကြောင်းထိုးလာသော စစ်ကောင်စီစစ်ကြောင်း က အရပ်သား ၇ ဦးကို သေနတ်နဲ့ပစ်သတ်သွားပြီး ဓါးစာခံ ၁၁ ဦးကိုလည်းဖမ်းဆီးသွားတယ်လို့ People’s Army to Fight Dictatorship(PAFD) အဖွဲ့ထံကသိရသည်။

ဇွန်လ ၅ ရက်နေ့က မိုင်းဆွဲတိုက်ခိုက်ခံလိုက်ရတဲ့ စစ်ကောင်စီတပ်တွေက ဖမ်းဆီးခေါ်သွားခြင်းဖြစ်ပြီး PAFD တပ်တွေဖွဲ့တွေ ဒရုန်းနဲ့ လိုက်လံကြည့်ရှုစဉ် ဓါးစာခံ ၁ ဦး ထွက်ပြေးလွတ်မြောက်ခဲ့ပြီး ဓါးနဲ့လှီးဖြတ်ခံရခြင်း၊ မျက်နှာတခုလုံးကို ရိုက်နှက်ထားခြင်းတို့ကို ခံခဲ့ရကြောင်း သိရသည်။

“ဓါးစာခံတွေဖမ်းခေါ်သွားတယ်၊ သူတို့ထွက်သွားပြီးလားဆိုပြီး ကျနော်တို့ကံပြားအထိအောင် ဒရုန်းနဲ့လိုက်ကြည့်တယ်၊ သူတို့ဖမ်းသွားတဲ့ ဓါးစာခံတယောက်ပြန်တွေ့တယ်၊ ပြန်ခေါ်လာတယ်၊ သူ့နားလည်းဓါးနဲ့ဖြတ်ထားတယ်၊မျက်နှာကြီးကပျားတုပ်ထားသလိုပဲ တအားရိုက်နှက်ထားတာ၊ သူကတော့အသက်ရှင်လျက်ပြန်လွတ်လာတယ်၊ ၁၁ ယောက်ကတော့ ဓါးစာခံအဖြစ်ခေါ်သွားတယ်၊ ရွာသူရွာသား ၇ ယောက်ကိုရှေ့ကပြေးခိုင်းပြီး သေနတ်နဲ့သတ်ကြတယ်၊” ဟု PAFD တာဝန်ခံက မြေလတ်အသံကိုပြောသည်။

ပစ်သတ်ခံရသူများမှာ အမျိုးတွေဖြစ်ပြီး ဖမ်းဆီးခေါ်ဆောင်သွားခြင်းခံရသူတွေလည်း အသက်ရှင်မရှင် သေချာမသိရသေးကြောင်း ဆိုသည်။

ဆုတ်ခွါသွားတဲ့ စစ်ကောင်စီစစ်ကြောင်း က ကျေးရွာနေအိမ်တွေနဲ့ ဆိုင်ကယ် အစီး ၁၀၀ လောက်ကိုလည်း မီးရှို့သွားကြကြောင်း PAFD အဖွဲ့ထံကသိရသည်။