သပိတ်စစ်ကြောင်း

စစ်ကိုင်း၊ ဇွန် ၁၃၊ ၂၀၂၃။

စစ်ကိုင်းတိုင်း၊ ဆားလင်းကြီးမြို့နယ်ထဲ ကျေးရွာတရွာမှာ မြေပြင်စစ်ကြောင်းနဲ့ တိုက်ပွဲတွေရှိနေတဲ့ကြားက ဆန္ဒပြခဲ့ကြတယ်လို့ ၅/လက်ပံတောင်းတောင်သပိတ်စစ်ကြောင်း တာဝန်ခံတဦးကတဆင့် သိရပါတယ်။

ဇွန်လ ၁၃ရက် ဒီနေ့ ညနေ ၄နာရီခွဲက ပြုလုပ်ခဲ့တာဖြစ်ပြီး “ငါတို့တော်လှန်ရေး၊ ငါတို့အနာဂတ်၊ ငါတို့အောင်ပွဲ”၊ “ကမ္ဘာမကြေဘူး” စတဲ့စာသားပါ ဘန်နာတွေကိုင်စွဲပြီး စီတန်းလှည့်လည်ကာ ကြွေးကြော်သံတွေ အော်ခဲ့ကြတယ်လို့ဆိုပါတယ်။

ဆားလင်းကြီးမြို့နယ်၊ ညောင်ပင်ကြီးကျေးရွာအနီးတဝိုက်မှာ တိုက်ပွဲတွေဖြစ်ပွားနေသလို၊ စစ်ကောင်စီစစ်ကြောင်းတွေလည်း ရှိနေပေမယ့် ပြည်သူအင်အား ၁၀၀နီးပါးနဲ့ ထွက်ခဲ့တာလို့လည်း သိရပါတယ်။

မကွေး၊ မတ် ၂၇၊ ၂၀၂၃။

မကွေးတိုင်း၊ ပခုက္ကူမြို့နယ်မှာ ပခုက္ကူလူထုတိုက်ပွဲကော်မတီဝင်တွေက ဦးဆောင်ပြီး မတ်လ ၂၇ ရက်ဒီကနေ့ကျရောက်တဲ့ ဖက်ဆစ်တော်လှန်ရေးနေ့မှာ သပိတ်စစ်ကြောင်းပြုလုပ်ခဲ့ကြပါတယ်။

အခုလို သပိတ်စစ်ကြောင်းပြုလုပ်ရတာဟာ နောင်မျိုးဆက်တွေသိရအောင် နဲ့ ပြည်သူတရပ်လုံးအနေနဲ့လည်း သွေးမအေးပဲ ရရာနည်းလမ်းနဲ့ ဆန့်ကျင်ဆန္ဒပြနေကြောင်းကို ပြသစေလိုတဲ့အတွက် လုပ်ဆောင်တာဖြစ်တယ်လို့ ပခုက္ကူလူထုတိုက်ပွဲကော်မတီမှ တာဝန်ရှိသူတဦးက ပြောပါတယ်။

“ပြည်သူတွေအနေနဲ့လည်း တယောက်ကိုတယောက် အပြစ်ပြော လက်ညိုးထိုးနေမဲ့အစား လက်သီးကျစ်ကျစ်ဆုတ်ပြီး အချင်းချင်းစည်းလုံးညီညွတ်စွာ ကိုယ်ဘာလုပ်ပေးနိုင်သလဲ ဆိုတဲ့ဘက်က ပါဝင်ပေးကြဖို့ကို ပြောချင်တယ်” လို့ ဆိုပါတယ်။

“ဖက်ဆစ်ရွေးကောက်ပွဲတိုက်ဖျက် ဖက်ဒရယ်ဒီမိုကရေစီ ပဠိညာဉ်ကိုင်စွဲချီတက်” “တရားမဝင်တဲ့ ရွေးကောက်ပွဲ လူထုအားနဲ့ တိုက်ဖျက်ကြ” စတဲ့စာတန်းပါ ဘန်နာတွေကိုကိုင်ဆောင်ပြီး သပိတ်ပြုလုပ်ခဲ့ကြတာလည်း ဖြစ်ပါတယ်။

ယင်းမာပင်၊ မတ် ၂၄၊ ၂၀၂၃။

စစ်ကိုင်းတိုင်း၊ ယင်းမာပင်နဲ့ ဆားလင်းကြီးမြို့နယ်ထဲမှာရှိတဲ့ ကျေးရွာပေါင်းစုံက သပိတ်စစ်ကြောင်းဟာ ရက်ပေါင်း ၇၄၅ ရက်မြောက်နေ့အဖြစ် မတ်လ ၂၄ ရက် ဒီနေ့မနက်ပိုင်းမှာ “ဖက်ဆစ်ရွေး ကောက်ပွဲတိုက်ဖျက်၊ ဖက်ဒရယ်ဒီမိုကရေစီပဋိညာဉ် ကိုင်စွဲချီတက်” စာသား‌တွေ ကိုင်‌ဆောင်ပြီး ချီတက်ခဲ့ကြပါတယ်။

“သပိတ်ကို ယင်းမာပင်မြို့နယ်ထဲမှာပြုလုပ်တာပါ။ သပိတ်က နေ့စဥ်လုပ်ပါတယ်။ ဒီနေ့မနက် သပိတ်ကိုတော့ နာရီဝက်လောက်ပဲလုပ်ဖြစ်တယ်” လို့ သပိတ်မှာ ပါဝင်သူတဦးက ပြောပါတယ်။

စာတည်း – ရင်ငြိမ်း

စစ်ကိုင်း၊ ဖေဖော်ဝါရီ ၁၁၊ ၂၀၂၃။

စစ်ကိုင်းတိုင်း၊ တန့်ဆည်မြို့နယ်၊ တန့်ဆည်သပိတ်အင်အားစုမှ “ဖိရင်ကြွ ထိရင်ချ နိုင်ငံသစ်ကို တည်ဆောက်ကြ” ၊ “တရားမဝင်အတုအယောင် ရွေးကောက်ပွဲ လူထုအားနဲ့တိုက်ဖျက်ကြ” ´စတဲ့ ဘန်နာတွေ ကိုင်ဆောင်ပြီး ချီတက်ဆန္ဒပြခဲ့ကြပါတယ်။

ဖေဖော်ဝါရီလ ၁၁ ရက် ဒီမနက်ပိုင်းမှာ လူဦးရေ ၁၀၀ ကျော်နဲ့ တန့်ဆည်မြို့နယ်ထဲက တနေရာမှာ ချီတက်ဆန္ဒပြခဲ့ကြတာလည်း ဖြစ်ပါတယ်။