ဖွဲ့စည်း

◼ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဖွဲ့ကာ စစ်ခေါင်းဆောင် ၂ ဦးက ဝန်ကြီးချုပ် အထက်က အာဏာချုပ်ကိုင်ထား

မြေလတ်အသံ၊ ဇူလိုင် ၃၁ ၊ ၂၀၂၃ ။

ယာယီသမ္မတတာဝန်ရယူထားသူ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ဇူလိုင် ၃၁ ရက် ဒီကနေ့မှာ အမျိုးသားလုံခြုံရေးနှင့်ကာကွယ်ရေးကောင်စီ(ကာလုံ) ခေါ်ယူပြီး စစ်အာဏာသိမ်းခဲ့ချိန် ၂၀၂၁ ဖေဖော်ဝါရီ ၁ ရက်မှာ ကာကွယ်ရေးဦးစီးချုပ်ထံအပ်နှံထားတဲ့ အာဏာကို ပယ်ဖျက်ကြောင်း၊ စစ်အာဏာသိမ်းပြီးနောက် ဖွဲ့စည်းထားတဲ့ စစ်ကောင်စီကိုဖျက်သိမ်းကြောင်း၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်နဲ့ အစိုးရသစ်ထပ်မံဖွဲ့စည်းကြောင်း ကြေညာချက်တွေ အသီးသီးထုတ် ပြန်လာပါတယ်။

ထုတ်ပြန်ချက်တွေအရ စစ်ခေါင်းဆောင်ဦးဆောင်တဲ့ ကာလုံက ကြားဖြတ်အစိုးရအဖွဲ့အနေနဲ့ ဗိုလ်ချုပ်ကြီး ညိုစောကို စစ်ဘက်ရာထူးကအနားပေးပြီး ၎င်းတို့ဖွဲ့စည်းတဲ့အစိုးရအဖွဲ့မှာ ဝန်ကြီးချုပ်အဖြစ် ခန့်အပ်ကြောင်း ဖော်ပြထားပါတယ်။

အဲ့ဒီအစိုးရဖွဲ့စည်းမှုမှာ နောက်ထပ် ဗိုလ်ချုပ်ကြီး ၂ ဦး ဖြစ်တဲ့ မြထွန်းဦးနဲ့ တင်အောင်စန်း တို့ကို စစ်ဘက်ရာထူးက ထပ်မံအနားပေးပြီး နယ်ဘက်ရာထူးတွေကတော့ ယခင်စစ်ကောင်စီလက်ထက်ကအတိုင်း ဦးမြထွန်းဦးက ပို့ဆောင်ဆက်သွယ်ရေးဝန်ကြီး၊ ဦးတင်အောင်စန်း ကိုတော့ နိုင်ငံတော်သမ္မတရုံးဝန်ကြီးဌာန ဝန်ကြီး ဆိုကာ အသီးသီးဆက်လက်ခန့်အပ်ထားသလို ကျန်ဝန်ကြီးဌာနတွေက ဝန်ကြီးတွေကလည်း ယခင်အတိုင်း အပြောင်းအလဲမရှိခဲ့ပါဘူး။

ဒါ့အပြင် ကာလုံကနေ နိုင်ငံတော်ကာကွယ်ရေး၊ လုံခြုံရေးနှင့်အေးချမ်းသာယာရေး၊ ပါတီစုံဒီမိုကရေစီအထွေထွေရွေးကောက်ပွဲကျင်းပနိုင်ရေးဆိုကာ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ကို ဖွဲ့စည်းကြောင်း တပြိုင်နက်ထုတ်ပြန်လာပါတယ်။

အဲ့ဒီ နိုင်ငံတော်လုံခြုံရေးနဲ့ အေးချမ်းသာယာရေးကော်မရှင်မှာ ဥက္ကဌအဖြစ် စစ်ခေါင်းဆောင် ဗိုလ်ချုပ် မှူးကြီး မင်းအောင်လှိုင်၊ ဒုဥက္ကဌ အဖြစ် ဒုတိယဗိုလ်ချုပ်မှူးကြီး စိုးဝင်း တို့က အသီးသီးနေရာယူထားပြီး အသစ်ဖွဲ့စည်းလိုက်တဲ့ အစိုးရအဖွဲ့က ဝန်ကြီးချုပ် ဦးညိုစောက အဖွဲ့ဝင်အဖြစ်ရှိနေတာကြောင့် အာဏာအရပ်ရပ်ကို ဥက္ကဌ နဲ့ ဒုဥက္ကဌ စစ်ခေါင်းဆောင် ၂ ဦးက ဆက်လက်ချုပ်ကိုင်ထားတယ်လို့ နားလည်ရပါတယ်။

အဲ့ဒီ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်မှာ အရင် စစ်ကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေးက အမှုဆောင်ချုပ်ရာထူးနဲ့ ဦးအောင်လင်းဒွေး အဖြစ် ထည့်သွင်းဖွဲ့စည်းထားတာကြောင့် ဗိုလ်ချုပ်ကြီး အောင်လင်းဒွေးလည်း စစ်ဘက်ရာထူးကနေ အနားပေးခံရတာပါ။

ဒါ့ကြောင့် ယခင်စစ်ကောင်စီမှာ ပါဝင်ခဲ့တဲ့ ဗိုလ်ချုပ်ကြီး ၄ ဦးဖြစ်တဲ့ အောင်လင်းဒွေး၊ ညိုစော၊ တင်အောင်စန်းနဲ့ မြထွန်းဦးတို့ ၄ ဦးအထိ စစ်ဘက်ရာထူးတွေကနေ အနားပေးခံရတာလည်း ဖြစ်ပါတယ်။

မြေလတ်အသံ၊ မေ ၁၂၊ ၂၀၂၂။

ရခိုင်ပြည်နယ်၊ ကျောက်တော်မြို့နယ်ရှိ မဟာမြတ်မုနိ တိုက်ပွဲရှောင်စခန်း မီးဘေးသင့်ပြည်သူ များ ပြန်လည်ထူထောင်ရေးလုပ်ငန်း ကော်မတီဖွဲ့စည်းရာတွင် မြောက်ဦးခရိုင်စီမံအုပ်ချုပ်ရေးအဖွဲ့ ဥက္ကဌနှင့် ကျောက်တော်မြို့နယ် စီမံအုပ်ချုပ်ရေးအဖွဲ့တို့ဖြင့် မေလ ၉ ရက်နေ့တွင် ဖွဲ့စည်းလိုက်သည်။

အဆိုပါကော်မတီကို ရခိုင်ပြည်နယ်မှ ပရဟိတသမားများမပါဝင်ဘဲ ဖွဲ့စည်းလိုက်ခြင်းကြောင့် ပြည်တွင်း၊ ပြည်ပအလှူရှင်များအနေဖြင့် မလှူဒါန်းဘဲနောက်ဆုတ်သွားနိုင်ကြောင်းနှင့် ယခုလိုကိစ္စရပ်များမှာမှု ပရဟိတသမားပြည်သူများကသာ ဆောင်ရွက်ရမည့်ကိစ္စဖြစ်သည်ဟု အမည်မဖော်လိုသည့် စစ်ဘေးရှောင်အရေးကူညီပေးနေသူတဦးက ပြောသည်။

“ဖွဲ့စည်းပုံနဲ့ပတ်သက်လို့ အခုပရဟိတအသင်း လုပ်တဲ့အလှူရှင်တွေ နောက်ဆုတ်သွားနိုင်တယ်။ အခုတောင် နောက်ဆုတ်ဖို့စကား ပြောနေကြပြီ။ စစ်ကောင်စီက နေရာတကာမှာ သူတို့အစိုးရတရပ် အနေနဲ့ဝင်လုပ်နေတာက နေရာမကျဘူး။ ဒီကိစ္စတွေက ပြည်သူတွေလုပ်ရမယ့်ကိစ္စတွေ ဟာတွေဖြစ်တယ်။ စစ်ကောင်စီကလုပ်ချင်လို့ရှိရင်တောင် စစ်ဘေးရှောင်အဖွဲ့အစည်းတွေကို ပုဒ်ဖြတ်အနေနဲ့ တတ်နိုင်သလောက် ကူညီပေးရင်ပြီးတဲ့ကိစ္စကို ဒီလောက်အထိဝင်လို့ လုပ်ဖို့မသင့်တော်ဘူး”ဟု သူကဆက်ပြောသည်။

ယခုဖွဲ့စည်းခဲ့သည့်ကော်မတီတွင် ကျောက်​တော်မြို့နယ်၊ မြို့နယ်စီမံအုပ်ချုပ်​ရေးအဖွဲ့ဝင် ဦး​​မောင်ဝင်းမှာ ဥက္ကဌနှင့် စစ်ကောင်စီ စစ်တပ်မှ ဗိုလ်မှူး​အောင်​ဇေယျသိန်းအပါအဝင် ၁၅ ဦးတို့ ပါဝင်ကြေင်း သိရသည်။

မဟာမြတ်မုနိစစ်ဘေးရှောင်စခန်းမှာ ပြီးခဲ့သည့် မေလ ၈ ရက် ည ၁၂ နာရီကျော် အချိန်ခန့်တွင် မီးလောင်မှုဖြစ်ပွားခဲ့ရာ တဲဆောင် ၂၆၂ ဆောင် ပြကျသွားခဲ့သည်။

မကွေး၊ မတ် ၁၁၊ ၂၀၂၂။

မကွေးတိုင်း၊ ထီးလင်းမြို့နယ်အတွင်း ပြည်သူ့အုပ်ချုပ်ရေးယန္တရားလည်ပတ်စေဖို့နဲ့ တရားဥပဒေစိုးမိုးရေးလုပ်ငန်းတွေကိုလုပ်ဆောင်ဖို့အတွက် ထီးလင်းမြို့နယ် ပြည်သူ့ရဲတပ်ဖွဲ့ကို မတ်လ ၁၁ ရက် ဒီကနေ့မှာ ဖွဲ့စည်းလိုက်ပါတယ်။

လက်ရှိအချိန်မှာ ထီးလင်းမြို့နယ် နဲ့ ဂန့်ဂေါမြို့နယ်အတွင်းက CDM ရဲတပ်သား ၂၀ ဦးနဲ့သာ ဖွဲ့စည်းထားတာဖြစ်ပြီး၊ အင်အား ထပ်တိုးဖို့လည်းရှိတယ်လို့ ယောဒေသကာကွယ်ရေးတပ်ဖွဲ့ – ထီးလင်း တာဝန်ခံက ပြောပါတယ်။

“ အကုန်လုံးကတော့ ၂၀ ပါ၊ နောက်ထပ်တိုးဖို့လည်း ရှိပါတယ်။ အကုန်လုံးကတော့ ထီးလင်းနယ်ထဲက ရဲတပ်ဖွဲ့တွေပါသလို ဂန့်ဂေါဘက်က တပ်ဖွဲ့ဝင်တွေလည်း ပါတယ်၊ ကျနော်တို့ ထီးလင်းနယ်ထဲမှာ လာပြီး ခိုလှုံနေတဲ့ တပ်ဖွဲ့ဝင်တွေပါ၊ “ လို့ သူကပြောပါတယ်။

ထီးလင်းနယ်အတွင်း ရဲအရေးပိုင်းကိစ္စတွေကို ပြီးခဲ့တဲ့ ၂၀၂၁ ခုနှစ်၊ ဇူလိုင်လလောက်ကတည်းက စတင်လုပ်ဆောင် လာတာဖြစ်ပြီး၊ လိုအပ်တဲ့ အင်အားရရှိတဲ့အချိန်ကျမှ ခုလို ဖွဲ့စည်းကြောင်းကြေငြာလိုက်တာဖြစ်တယ်လို့ ယောဒေသကာကွယ်ရေးတပ်ဖွဲ့ – ထီးလင်း တာဝန်ခံက ပြောပါတယ်။

“ ထီးလင်းနယ်ထဲမှာ အရင်ကတည်းက ရဲနဲ့ပတ်သက်တဲ့ ကိစ္စတွေကို CDM ရဲတွေကို လွှဲထားပေးတယ်၊ ခိုးမှု ၂ မှုဖော်ထုတ်ခဲ့ပြီးပြီ၊ သစ်တွေကိုလည်း ဖမ်းဆီးတာ လုပ်ခဲ့ပြီးပြီ၊ ၇ လပိုင်းလောက်က စတင်လုပ်ဆောင်ခဲ့တာ၊ အင်အားက ခုလောက်ထိ မရသေးတဲ့အတွက်ကြောင့် မကြေညာခဲ့တာ၊ “ လို့ သူကပြောပါတယ်။

ထီးလင်းမြို့နယ် ပြည်သူ့ရဲတပ်ဖွဲ့အနေနဲ့ လက်ရှိအချိန်မှာလည်း ထီးလင်းနယ်အတွင်း တရားမဝင်သစ်လုပ်ငန်းတွေကို စစ်ဆေးဖော်ထုတ်ရေး၊ ခိုးမှုတွေကို စုံစမ်းဖော်ထုတ်ရေး၊ လောင်းကစားဝိုင်းတွေ ပပျောက်ရေးနဲ့ ပြစ်မှုဆိုင်ရာ ဖော်ထုတ်အရေးယူမှုတွေကို အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာနရဲ့ ညွှန်ကြားချက်တွေနဲ့အညီ လုပ်ဆောင်နေတယ်လို့လည်း ယောဒေသကာကွယ်ရေးတပ်ဖွဲ့ – ထီးလင်း က သတင်းထုတ်ပြန်ထားပါတယ်။