မြေလတ်အသံ၊ စက်တင်ဘာ ၂၆၊ ၂၀၂၃။
“မြေလတ်ဒေသတွင်းက ပြည်သူတွေရဲ့စကားသံတွေကို ကိုယ်စားပြုဖတ်ကြားပေးမယ့် ပေးစာအစီအစဉ်ဖြစ်ပါတယ်။”
မြေလတ်အသံ၊ စက်တင်ဘာ ၂၂၊ ၂၀၂၃။
- ခက်ခဲကြမ်းတမ်းတဲ့ အခြေခံစစ်သင်တန်းမှာ အမျိုးသမီးရဲဘော်က အသန်မာဆုံးဆု ရရှိခဲ့
- နတ်တလင်းနဲ့ ပေါင်းတည်က ပြည်သူ့စစ်သင်တန်းဆင်းတွေ မိသားစုရဲ့အမြင်မကြည်လင်မှုနဲ့ ရင်ဆိုင်ကြရ
- ဒဏ်ရာနဲ့ တရက်ကြာပျောက်နေတဲ့ အသေခံတပ်ကြပ်ကြီးကို ပြန်လည်ကယ်ထုတ်နိုင်ခဲ့
- စစ်ရေးလှုပ်ရှားမှုတွေ စိပ်လာတဲ့ ပဲခူးတိုင်းမှာ စစ်ကောင်စီက ပြည်သူ့စစ်တွေကို လက်နက်တွေ တပ်ဆင်ပေး
- စစ်ကိုင်းနဲ့ မကွေးမှာ ဖုန်းလိုင်းနဲ့ အင်တာနက်ကို ဘယ်လိုသုံးနေရလဲ
- ပြည်သူပိုင်အိမ်တွေကို ကင်းစခန်းလုပ်ထားတဲ့ စစ်အုပ်စု တိုက်ခိုက်ခံရ
- ပဲခူးတိုင်းထဲက ဆိုင်တွေမှာ စစ်တပ်ထုတ်ကုန်တွေ မရောင်းရင် ဆိုင်ပိတ်ရမယ်လို့ စစ်ကောင်စီ ခြိမ်းခြောက်
- စိုက်ပျိုးရေးသုံး ပုလဲဓါတ်မြေဩဇာကို တော်လှန်ရေးဆက်စပ်ပစ္စည်းဆိုပြီး စစ်ကောင်စီက သိမ်းဆည်းကာ လူကိုပါဖမ်းနေ
- မြောင်နယ်က ထွက်လာတဲ့စစ်ကြောင်း ကြားဖြတ်တိုက်ခံရလို့ ၄ ဦးသေဆုံး
- ရွာ ၂ ရွာကို မီးရှို့ပြီးထွက်လာတဲ့ စစ်ကောင်စီ သင်္ဘော ၁ စီးနစ်မြုပ်
- မြောင်မှာ သောင်းနဲ့ချီတဲ့ စစ်ရှောင်တွေ စားနပ်ရိက္ခာနဲ့ ဆေးဝါးအကူအညီလိုအပ်
မြေလတ်အသံ၊ စက်တင်ဘာ ၁၆၊ ၂၀၂၃။
မြန်မာနိုင်ငံတွင် အာဏာရှင်စနစ်အမြစ်ပြတ်ရေးအတွက် တော်လှန်ရေးခဲ့ကြသည့် နွေဦးတော်လှန်ရေး ခရီးအစမှသည် ယနေ့အထိ မြေလတ်အသံသတင်းဌာနသည် လူထုနှင့် တစိတ်တည်း တဝမ်းတည်းရှိနေဆဲဖြစ်သည်ဆိုတာကို ဦးစွာပြောလိုသည်။
စစ်တပ်အာဏာသိမ်းမှုကို ငြိမ်းချမ်းစွာဆန္ဒပြခဲ့ခြင်းမှသည် လက်နက်ကိုင်တော်လှန်ခဲ့ကြသည့် ပဲခူး၊ မကွေးနှင့် စစ်ကိုင်းစသည့် မြေလတ်ဒေသရှိ ပြည်သူလူထု၏ အာဏာရှင်စနစ်တော်လှန်ရေးကြီးကို မြေလတ်အသံသတင်းဌာနက အစဉ်အစိုက်စောင့်ကြည့်ကာ သတင်းများကို ပုံစံမျိုးစုံဖြင့် ရေးသားတင်ဆက်ပေးခဲ့သည်။
ယင်းသို့ ရေးသားတင်ဆက်ရာတွင်လည်း ကျွန်ု်ုတို့ မြေလတ်အသံသည် တိုင်းရင်းသားပြည်သူလူထု တရပ်လုံး လိုလားသည့် အာဏာရှင်စနစ်ချုပ်ငြိမ်းရေး၊ ဖယ်ဒရယ်ဒီမိုကရေစီပြည်ထောင်စုစနစ်ပေါ်ထွန်းလာရေးဆိုသည့် ရည်ရွယ်ချက်ကို မသွေဖည်ဘဲ ဒီမိုကရေစီ၊ လူ့အခွင့်အရေးနှင့် တရားမျှတမှုတို့ကို တန်ဖိုးထားလျက် မီဒီယာစံနှုန်းများ၊ မီဒီယာကျင့်ဝတ်များကို လက်ကိုင်ထားကာ ရေးသားဖော်ပြခဲ့သည်။
အထက်ပါ ရည်ရွယ်ချက်နှင့် စံနှုန်းတန်ဖိုးများကို လက်ကိုင်ထားသည့်အလျှောက် ဤနေရာတွင် အထူးပြုပြောလိုသည်မှာ ကျွနှ်ပ်တို့ မြေလတ်အသံသတင်းဌာနသည် လူပုဂ္ဂိုလ်တဦးတယောက်အတွက်၊ အဖွဲ့အစည်းတခု၊ ပါတီတခုအတွက် ရပ်တည်ရေးသာမည်မဟုတ်ဆိုသည့် အချက်ပင် ဖြစ်သည်။
ကျွန်ုပ်တို့သည် ဒီမိုကရေစီနှင့်လူ့အခွင့်အရေးစံနှုန်းများကို တန်ဖိုးထား လေးစားလိုက်နာသည့်နည်းတူ လက်ရှိ မြန်မာနိုင်ငံတွင် ဖြစ်ပွားနေသည့် လက်နက်ကိုင်တော်လှန်ရေးကာလအတွင်း ပြည်သူလူထုအပေါ် ပြုကျင့်နေသော မည်သည့်အဖွဲ့အစည်းကလုပ်သည့် လူ့အခွင့်အရေးချိုးဖောက်မှုမျိုးကိုမဆို ကျွန်ု်ုတို့အနေဖြင့် ရေးသားဖော်ထုတ်သွားမည်ဆိုတာကို အတိအလင်းပြောကြားလိုပါသည်။
လက်ရှိတွင်လည်း ကျွနှ်ပ်တို့ မြေလတ်အသံသတင်းဌာနသည် အညာဒေသရှိ ပြည်သူလူထု၏ လူ့အခွင့်အရေး ချိုးဖောက်ခံရမှုများ၊ အာဏာရှင်တော်လှန်ရေး လက်နက်ကိုင်အချင်းချင်း လက်နက်အားကိုးဖြင့် ဗိုလ်ကျအနိုင်ကျင့်မှုများကို ဖော်ထုတ်ရေးသားလျက်ရှိသည်။
ဤသို့ ဖော်ထုတ်ရေးသားရာတွင် တော်လှန်ရေးကို ထိခိုက်နစ်နာစေနိုင်သည်ဆိုသည့်အချက်ကို ထောက်ရှုသည့်နည်းတူ တဖက်တွင်လည်း အမှန်တရားပေါ်ပေါက်ရေးမှာ ကျွနှ်ပ်တို့၏ တန်ဖိုးထားမှုတခုဖြစ်သည်။ ယင်းမှာလည်း အနာဂတ်တွင် ဖြစ်ထွန်းလာမည့် ဖယ်ဒရယ်ဒီမိုကရေစီပြည်ထောင်စုအတွက် အာဏာရှင်ကို တော်လှန်ရင်း တည်ဆောက်နေခြင်းဖြစ်သည်ဟု ကျွနှ်ပ်တို့ မြေလတ်အသံသတင်းဌာနက မှတ်ယူသည်။
ထို့နည်းတူ ကျွနှ်ပ်တို့ မျှော်မှန်းသည့် အနာဂတ်ဖယ်ဒရယ်ဒီမိုကရေစီပြည်ထောင်စုတွင် မည်သည့်အာဏာရှင်ပုံစံမျိုးကိုမှ မပေါ်ပေါက်စေရ၊ လူမျိုးကြီးဝါဒအစွဲကင်းသော တန်းတူညီမျှမှု၊ တရားမျှတမှု၊ လွတ်လပ်မှုနှင့်အတူ ကိုယ်တိုင်ပြဌာန်းခွင့်ကိုလည်း အာမခံချက်အပြည့်ပေးရမည့် ဖယ်ဒရယ်ဒီမိုကရေစီပြည်ထောင်စုဟု ကျွနှ်ပ်တို့က ယုံကြည်ထားသည်။
ထို့ကြောင့် ကျွနှ်ပ်တို့ မြေလတ်အသံသတင်းဌာနက တော်လှန်ရေးကြီးတွင် ပြည်သူနှင့် တစိတ်တည်း၊ တဝမ်းတည်းရှိသလို လူ့အခွင့်အရေးချိုးဖောက်မှု၊ တရားမျှတမှုအတွက် အမှန်တရားဘက်မှာသာ ရပ်တည်မည်ဖြစ်ကြောင်း အလေးအနက် ထပ်လောင်းပြောကြားလိုသည်။
မြေလတ်အသံ၊ စက်တင်ဘာ ၁၅၊ ၂၀၂၃။
- စစ်တပ်နဲ့ စစ်တပ်ထောက်တိုင်တွေကို တိုက်ခိုက်သုတ်သင်မယ်လို့ သာယာဝတီဂဠုန်တပ်ဖွဲ့ စာထုတ်
- အမှုစစ်ရာမှာ မလွဲမှားစေဖို့ ပုလဲမြို့နယ် ပလဖအဖွဲ့ဝင်တွေကို အမှုစစ်သင်တန်း ပြုလုပ်ပေး
- စုပေါင်းရုံးမှာတပ်စွဲထားတဲ့ စစ်အုပ်စု အနီးကပ်တိုက်ခိုက်ခံရလို့ ၂ ဦးသေပြီး ၃ ဦးဒဏ်ရာရ
- သံအမတ်ကြီး ဦးကျော်မိုးထွန်းကို UN အမြဲတမ်းသံအမတ်အဖြစ်ခန့်ထားဖို့ မြောင်နယ်ကပြည်သူတွေ ဆန္ဒထုတ်ဖော်
- စာသင်ကျောင်းကို စစ်တပ်က စီးနင်းလို့ ဆရာ၊ ဆရာမနဲ့ ကလေးတွေ ကျောင်းပိတ်ပြီး တိမ်းရှောင်နေရ
- ပုလဲမှာ စစ်ကောင်စီစစ်ကြောင်း ပိတ်ဆို့တိုက်ခိုက်ခံရလို့ ၇ ဦးသေဆုံး
- မုံရွာထောင်မှာ အစာငတ်ခံဆန္ဒပြတောင်းဆိုမှု အောင်မြင်ပြီ
- စစ်အုပ်ချုပ်ရေးနယ်မြေ ပေါက်ခေါင်းက ရဲကင်းစခန်း စီးနင်းတိုက်ခိုက်ခံရပြီး ၅ ဦးသေဆုံး
- ချင်းတွင်းမြစ်ထဲမှာ စစ်သင်္ဘော ၁ စီး တိုက်ခိုက်ခံရ
- မြိုင်မှာ ဒေသခံတွေ မစိုက်ပျိုးတဲ့လယ်မြေမှာ PDF က ရိက္ခာအတွက် စပါးစိုက်ပျိုး
- ဆားလင်းကြီးက စစ်ရှောင်အိမ်ထောင်စု ၂၀၀ ကို စောင်နဲ့ခေါင်းအုံးတွေထောက်ပံ့
မြေလတ်အသံ၊ စက်တင်ဘာ ၈၊ ၂၀၂၃။
- စစ်ကြောင်းထိုးနေလို့ မန္တလေး – ရွှေဘိုကားလမ်းကို ယာယီပိတ်သိမ်းကြောင်း ကာကွယ်ရေးအဖွဲ့တွေ ထုတ်ပြန်
- သစ်ခိုးထုတ်စစ်သားတွေကို လုံခြုံရေးပေးတဲ့စစ်ကြောင်း တိုက်ခိုက်ခံရလို့ ၉ ဦးသေဆုံးပြီး လက်နက်၊ ခဲယမ်းတွေ သိမ်းဆည်းနိုင်ခဲ့
- မြိုင်မြို့ပေါ်က ရဲစခန်းနဲ့ ထွေအုပ်ရုံးအပါအဝင် ၄ နေရာ တိုက်ခိုက်ခံရ
- စစ်ကောင်စီတပ်စွဲထားတဲ့ မြို့နယ်လျှပ်စစ်ရုံး စီးနင်းခံရလို့ ၂ ဦးသေ၊ သေနတ် ၁ လက်ရ
- မြောင်နဲ့ ရေစကြို ရေလယ်ကျွန်းဒေသ ဒေသခံကာကွယ်ရေးအဖွဲ့များ မဟာမိတ်အင်အားစုကို ဖွဲ့စည်း
- စလင်းချောင်းရေလျှံလို့ ရွာ ၅ ရွာထက်မနည်း ဘေးလွတ်ရာ ပြောင်းရွှေ့ရ
- လူသွားလမ်းမှာထောင်ထားတဲ့ စစ်တပ်နင်းမိုင်းတွေကြောင့် ပြည်သူတွေထိခိုက်မှုရှိလာလို့ PDF က မိုင်းရှင်းပေး
- ကျေးရွာ ၇ ရွာကို လှည့်လည်ပြီး လူထုနိုင်ငံရေး ဆွေးနွေးပွဲပြုလုပ်
- စစ်ရိက္ခာကား ၁၂ စီး ၂ ရက်ဆက် တိုက်ခိုက်ခံရလို့ ၁၂ ဦးခန့် ထိခိုက်ဒဏ်ရာရ
- စားဝတ်နေရေးခက်ခဲလာတဲ့အတွက် တိုက်ပွဲငြိမ်ချိန် လမ်းပြန်ဖွင့်ပေးဖို့ တမူးပြည်သူတွေ မျှော်လင့်နေ
- မြိုင်နယ်က ဓားစားခံအဖြစ်ဖမ်းဆီးခံရတဲ့ ပြည်သူတွေ နေအိမ်ပြန်မရောက်ကြသေး
မြေလတ်အသံ၊ စက်တင်ဘာ ၁၊၂၀၂၃။
- မကွေး ခမရ ၃၀၁ နဲ့ ၃၁၇ တပ်ရင်းမှူးတွေ အမိန့်ဖီဆန်မှု၊ တာဝန်ရှိမှုတွေနဲ့ နှစ်ရှည်ထောင်ဒဏ်တွေ ချမှတ်ခံရ
- ၀က်လက်မှာ အမျိုးသမီး ၁ ဦးအပါ ၄ဦးကို စစ်တပ်ကသတ်ခဲ့၊ အမျိုးသမီးရုပ်အလောင်းက အဓမ္မပြုကျင့်ခံရတဲ့ပုံစံဖြစ်နေဟုဆို
- လှတောနယ်မြေရဲစခန်းကို PDF ၇ ဖွဲ့က သွားရောက်တိုက်ခိုက်
- ပဲခူးတိုင်းအနောက်ခြမ်းမှာ အုပ်ချုပ်ရေးမှူးရာထူးမှနုတ်ထွက်သူ ၁၅၀ ရှိလာ အစားထိုးခန့်ဖို့ မရှိလို့ ဆက်လုပ်နေရ
- ချင်းတွင်းမြစ်အတွင်း စစ်ကောင်စီရေယာဉ် ၃ စီး တိုက်ခိုက်ခံရ
- အညာဒေသက ကျောင်းသားလက်ရုံးတပ် အထူးတိုက်ခိုက်ရေးသင်တန်းဆင်းပွဲ ကို AA တာဝန်ရှိသူတွေ တက်ရောက်
- နိုင်ကျဉ်းတချို့နဲ့ အဖမ်းခံရသူတွေကို စစ်ကြောင်းထိုးရာမှာ စစ်ကောင်စီက အသုံးပြု
- ကိုင်းတောမရဲစခန်း တိုက်ပွဲမှာ တပ်မ ၁၀၁ က စစ်သား ၂ ဦးနဲ့ PDF ရဲဘော် ၁ ဦး သေဆုံး
- ထီးချိုင့်မြို့နယ်ထဲက ဖမ်းဆီးခံခဲ့ရတဲ့ ပြည်သူ ၅ ဦး ပျောက်ဆုံးနေ
- ကလေးမှာ စကစနဲ့ပူးပေါင်းပြီး သေနတ်ကိုင်တဲ့ ဘုန်းကြီးကို PDF ကဖမ်းဆီးကာ ခံဝန်နဲ့ပြန်လွှတ်ပေး
- စစ်ဘေးရှောင် ၈၀ ကျော်ကို ကနီမြို့သပိတ်အင်အားစုတွေက အခမဲ့ ဆေးဝါးကုသမှုပေး
မြေလတ်အသံ၊ သြဂုတ် ၂၅၊၂၀၂၃။
- ကိုယ်ဝန်ဆောင် ပစ်သတ်ခံရမှုနဲ့ပတ်သက်ပြီး အမျိုးသား ၇ ဦးကို ပုဒ်မ ၃ ခုနဲ့ အမှုဖွင့်
- ကမ္မမှာ စစ်ကောင်စီကား မိုင်းဆွဲခံရ
- အရာတော်မှာ စစ်ကောင်စီတပ်က အမျိုးသမီးတွေအပါအ၀င် PDF အယောင်ဆောင်ပြီး စစ်ကြောင်းထိုးနေ
- မုံရွာက ဆက်ကြေးကောက်နေတဲ့ စစ်အုပ်စု တိုက်ခိုက်ခံရ၊ ၄ ဦးသေပြီး သေနတ်ပါသိမ်းနိုင်ခဲ့
- ထီးချိုင့်နယ်မှာ စစ်ကောင်စီစစ်ကြောင်းက သက်ကြီးရွယ်အို အပါအဝင် ဒေသခံ ၂၀ ကျော် ဖမ်းဆီးထား
- အာဏာသိမ်းပြီး ၂ နှစ်ခွဲအကြာမှာ စက်လှေပေါင်း ၆၀ ကျော်ပါဝင်နိုင်ခဲ့တဲ့ ရေပေါ်သပိတ်
- ခင်ဦးမှာ တိုက်ပွဲဖြစ်ပြီးနောက် စစ်တပ်က ရွာကိုမီးရှို့
- တပ်ကြပ်ကြီးအပါ ၃ ဦးသေဆုံးခဲ့ပြီး သေနတ် ၂ လက်ပါရခဲ့တဲ့ ကပစ ၂၃ စစ်စခန်းကုန်းတိုက်ပွဲ
- မကွေးနဲ့ စစ်ကိုင်းက စစ်ဘေးရှောင်တွေအတွက် ဆေးဝါးတွေလိုအပ်နေ
- စစ်ဆေးရေးဂိတ် တိုက်ခိုက်ခံရလို့ ရဲ ၁ ဦးသေပြီး သေနတ်နဲ့ကျည်ပါ သိမ်းနိုင်
- လယ်ယာလုပ်သားရှားပါးလို့ အလုပ်သမားငှားမရတဲ့ တောင်သူတွေကို PDF တွေ ကူညီပေး
း
မြေလတ်အသံ၊ သြဂုတ် ၁၈၊ ၂၀၂၃။
- မြိုင်နယ်၊ သရက်ကွရွာက စစ်အုပ်စု တိုက်ခိုက်ခံရလို့ ၃ ဦးသေဆုံး
- ကန့်ဘလူနယ်က ပျူစောထီးစခန်းသိမ်းတိုက်ပွဲမှာ ပျူစောထီး ၅ ဦးကို အရှင်ဖမ်းမိခဲ့၊ PDF တဦးသေဆုံး
- ဘုတလင်တိုက်ပွဲမှာ စစ်ကောင်စီဘက်က ၁၅ ဦးသေဆုံးပြီး ကာကွယ်ရေးရဲဘော် ၁ ဦးလည်း သေဆုံး
- ငါးပတ်ချောင်းရွာကို ဒုတိယအကြိမ် စစ်ကြောင်းထိုးမီးရှို့လို့ အိမ်ခြေ ၇၀ မီးလောင်ပြာကျ
- မြိုင်က PDF တဦး လက်နက်နဲ့အတူ စစ်ကောင်စီထံ ပူးပေါင်းသွားလို့ PDF စခန်းတွေကို သတိပေးစာထုတ်
- အရာတော်က ဓားစာခံအဖြစ် ဖမ်းဆီးခံထားရသူတချို့ ပြန်မလွတ်သေး
- သဲကုန်းမှာ စစ်ကောင်စီတပ်က လူငယ် ၁၀ ဦးကို ဆက်တိုက်ဖမ်းဆီးသွားလို့ မြို့ခံလူငယ်တွေ တိမ်းရှောင်နေရ
- ရိက္ခာကားတွေကို ကင်းစောင့်မယ့် စစ်အုပ်စုမိုင်းဆွဲခံရလို့ ၄ ဦးသေ ၁၀ ဦးကျော်ဒဏ်ရာရ
- စစ်ကိုင်းနဲ့မန္တလေးတိုင်းမှာ ဇူလိုင်လအတွင်း တရားမဝင်သစ် ၅၇၅ တန် ဖမ်းမိခဲ့ကြောင်း NUG ထုတ်ပြန်
- ပဲခူးမြစ်ရေ ပြန်ကျလို့ ကယ်ဆယ်ရေးစခန်းအားလုံးပိတ်သိမ်း၊ ရေဘေးသင့်ပြည်သူတွေ နေအိမ်ပြန်
- မြင်းမူနဲ့ ချောင်းဦးမှာ စစ်အုပ်စုတိုက်ခိုက်ခံရပြီး စစ်သား ၅ ဦးသေဆုံး
မြေလတ်အသံ၊ ဩဂုတ် ၁၇၊ ၂၀၂၃။
နွေဦးတော်လှန်ရေးသည် တဦးတယောက်၊ တပါတီ၊ အဖွဲ့အစည်းတခုအတွက် လုပ်နေကြခြင်း မဟုတ်ပေ။ နှစ်ပေါင်းကြာရှည် အမြစ်တွယ်နေသည့် အာဏာရှင်စနစ်ကို အမြစ်ဖြတ်ရန် ရုန်းကန်တော်လှန်နေကြသည့် တော်လှန်ရေးတခုဖြစ်၏။
အာဏာရှင်စနစ်ကို အမြစ်ဖြတ်ပြီး လွတ်လပ်တရားမျှတသည့် ဒီမိုကရေစီနိုင်ငံတော်သစ်ကြီးကို ထူထောင်နိုင်ရန် အသက်များစွာရင်းနှီးကာ တော်လှန်နေကြသည့် အာဏာရှင်အဆုံးသတ် တော်လှန်ရေးတခုဖြစ်သည်ဆိုတာ ပြည်သူများသိထားပြီး ဖြစ်သည်။
တော်လှန်ရေးကာလ ၂ နှစ်ကျော် ကြာလာသည့်အချိန်အထိ အာဏာသိမ်းစစ်တပ်ဟာ တိုင်းပြည်ကို မအုပ်ချုပ်နိုင်ခြင်းသည် နွေဦးတော်လှန်ရေးကြီး၏ ထင်သာမြင်သာရှိသည့် လတ်တလောအောင်မြင်မှု ဖြစ်သည်။ စစ်အာဏာရှင်ကို တော်လှန်နေကြသည့် လက်နက်ကိုင်အင်အားစုများ အားကောင်းမောင်းသန်နှင့် တိုင်းပြည်အနှံ့ ရှိနေခြင်းကလည်း တော်လှန်ရေးအောင်မြင်မှု၏ သက်သေတခုဟု ဆိုရမည်။
လက်နက်ကိုင်တော်လှန်ရေး ကာလတလျှောက်လုံး၌ စစ်ကောင်စီဘက်မှ စစ်ရေးဗျူဟာများ ပြောင်းခဲ့သည်။ စစ်ဗိုလ်ချုပ်များ တယောက်ပြီးတယောက် အကြိမ်ကြိမ်ပြောင်းလဲခဲ့သည်။ ယခုအခါ ဗျူဟာလည်းစုံ၊ လူလည်း ကုန်သလောက်ရှိပြီဟု ဆိုရတော့မည်။ ထို့ကြောင့် ပြည်သူလူထုအပါအဝင် စစ်အာဏာရှင်တော်လှန်ရေး အင်အားစုများအနေဖြင့် တော်လှန်ရေးပန်းတိုင်ကို ဆွတ်လှမ်းနိုင်ရန်မှာ နောက်တဆင့် အားသွန်ခွန်စိုက်ပြုကြဖို့သာ လိုတော့သည်။
ဤနေရာတွင် မြေလတ်အသံအနေဖြင့် သတိပြုမိသည့်အရာက တော်လှန်ရေးကာလ ၂ နှစ်ကျော်ကြာလာသည့်အခါ အားကောင်းမောင်းသန်ဖြစ်လာသော လက်နက်ကိုင် တော်လှန်ရေးအင်အားစုများ အများအပြာရှိသလို ပူးပေါင်းလိုက်ရသော၊ ရပ်နားလိုက်ရသော လက်နက်ကိုင်အဖွဲ့အစည်းအချို့ကိုလည်း တွေ့မြင်ရသည်။
ထို့နည်းတူ တော်လှန်ရေးကာလကြာမြင့်လာသည့်အခါ စစ်အာဏာရှင်ကို တော်လှန်နေကြသူများကြားတွင်လည်း အချို့မှာ ကိုယ့်အဖွဲ့အစည်းကို ခိုင်မာစွာ ရပ်တည်နိုင်ရန် ပိုမိုအားစိုက်မိခြင်း၊ ငါ့အဖွဲ့အစည်း၊ သူ့အဖွဲ့စည်းဆိုပြီး ခွဲခြားကြည့်မြင်လာခြင်း၊ ပါတီ၏ ရပ်တည်ချက်အပေါ် လက်ကိုင်ပြုလိုခြင်း၊ ယင်းထက် အသေးစိတ် ထပ်ပြောရမည်ဆိုလျှင် ကိုယ့်နေရာ၊ ကိုယ့်အကျိုးစီးပွားအတွက် ပိုပြီးအားပြုချင်သည့် သဘောထားအချို့ကို တွေ့မြင်လာရသည်။
ယခုဩဂုတ်လအတွင်း အညာဒေသတွင်ဖြစ်ပွားခဲ့သည့် ဖြစ်စဉ်အချို့သည် ဤအထိုင်ပေါ်က စဉ်းစားလုပ်ကိုင်ခဲ့ကြခြင်းအတွက် ဖြစ်လာသည့်ဘေးထွက်ရလဒ်များဖြစ်သည်။ ယင်းကဲ့သို့သော ဖြစ်စဉ်များသည် အဖွဲ့အစည်းတိုင်းတွင် ကြုံတွေ့ရလေ့ရှိသည့် သဘောသဘာဝဟု မြေလတ်အသံက ယုံကြည်ရှုမြင်သည်။
သို့သော် ဤနေရာတွင် အထူးသတိပြုရမည့်အချက်မှာ နွေဦးတော်လှန်ရေးကြီး၏ မူလအရင်းခံ ရည်ရွယ်ချက်ဖြစ်သည့် စစ်အာဏာရှင်တော်လှန်ရေးကို မမှိတ်မသုန်လက်ကိုင်ထားပြီး ဆက်လက်တိုင်ပွဲဝင်ကြ ဖို့သာဖြစ်သည်။ မည်သို့ပင် ကွဲပြားမှုများရှိသည်ဖြစ်စေ၊ မည်သို့ပင် ခွဲခြားမှုများ ရှိသည်ဖြစ်စေ တော်လှန်ရေးကြီးဆိုသည့် အရိုးကို အရွက်ဖုံးစေမည့်အဖြစ်မျိုး မကြုံရလေအောင် တော်လှန်ရေးတပ်ဖွဲ့ဝင်များနှင့် ပြည်သူလူထုက အထူးသတိပြုပြီး ဆက်လက်တိုက် ပွဲဝင်ကြဖို့ ဖြစ်သည်။
ဤတော်လှန်ရေးကြီးသည် လက်နက်ကိုင်အင်အားစုများနှင့် ပြည်သူလူထုကသာ အဆုံးအဖြတ်ပေးမည့် အဆုံးသတ်တော်လှန်ရေးကြီး ဖြစ်သည်။
လက်ရှိတွင် တော်လှန်ရေးပန်းတိုင်သည် လက်တကမ်းသာလိုတော့သည်။ ယင်းအခြေအနေတွင် တော်လှန်ရေးအင်အားစုများသည် ညီညီညွတ်ညွတ်ဖြင့် ဆက်လက်တော်လှန်ကြရမည်ဖြစ်သလို ပြည်သူလူထုတရပ်လုံးကလည်း အားသွန်ခွန်စိုက် ကူညီထောက်ပံ့ရင်း တော်လှန်ရေးအောင်ပန်းကို ဆွတ်လှမ်းကြပါစို့ဟု ကျွနှ်ပ်တို့ မြေလတ်အသံက ထပ်လောင်း နှိုးဆော်တိုက်တွန်း လိုက်ရပါသည်။
မြေလတ်အသံ၊ သြဂုတ် ၁၁၊၂၀၂၃။
- ကျောက်တံခါးတိုက်ပွဲ စစ်ကောင်စီ ၃၀ ကျော်သေ၊ လက်နက်တွေပါ သိမ်းဆည်းရမိ
- ရေစကြိုက ပြည်သူ့အခြေပြုကျောင်းတခုမှာ ရှစ်လေးလုံးအရေးတော်ပုံ အောက်မေ့ဖွယ် အခမ်းအနားပြုလုပ်
- နတ်သံကွင်းနဲ့ ကျောက်တံခါးရှိ ကျေးရွာအချို့က ကုန်းလမ်းရေလမ်းကို အသုံးမပြုကြဖို့ KNU က အရေးပေါ်ထုတ်ပြန်
- စစ်ကောင်စီတပ်စွဲထားပြီး ပျူအားကောင်းတဲ့ ကနီရွာ တိုက်ခိုက်ခံရလို့ ၅ ဦးသေ ၄၅ ဦး ဒဏ်ရာရဟုဆို
- မကွေးခရိုင်တပ်ရင်း ၁ က အခြေခံစစ်ပညာသင်တန်း အပတ်စဉ် ၁၁ သင်တန်းဆင်းပွဲပြုလုပ်
- NLD လက်ထက်တုန်းက ချေးထားတဲ့ သမချေးငွေကို စစ်တပ်က အတင်းအဓမ္မပြန်ဆပ်ခိုင်း၊ ငွေမရလျှင် လူဖမ်းကာ ငွေတောင်း
- ဝမ်ပေါင်ကုမ္ပဏီ ပြန်လည်ပတ်ရန်ကြိုးပမ်း ဝက်မှေးရွာနဲ့ အနီးနားကျေးရွာတွေကို အင်အားသုံးပြီး ခြံစည်းရိုးခတ်နေ
- ချင်းတွင်းမြစ်ထဲ စစ်ကောင်စီ မော်တော်ရေယာဉ် ၃ စီး တိုက်ခိုက်ခံရ
- ချောင်းရေကြီးလို့ CDF-Asho နောက်တန်းစခန်းရေမြုပ်ပြီး သီးနှံစိုက်ခင်းတွေပျက်စီး
- စစ်ကြောင်းထိုးလို့ ဒီပဲယင်းမြို့နယ်နဲ့ ယင်းမာပင်မြို့နယ်တို့က ဒေသခံ ၂ သောင်းကျော် ထွက်ပြေးရပြန်
- ကန်နီရွာကစစ်အုပ်စု ၆ ရက်ဆက် တိုက်ခိုက်ခံရပြီး ၇ ဦးဒဏ်ရာရ