အောင်စိုး
0
မြေလတ်အသံ၊ ဇွန် ၂၀၊ ၂၀၂၅။
စစ်ကိုင်းတိုင်း၊ ပုလဲမြို့နယ်၊ ကန့်ဒေါင့်ရွာစခန်းသိမ်းတိုက်ပွဲမှာကျားသစ်နက်တပ်မတော်-BLPA တပ်စုမှူး ၁ ဦးကျဆုံးခဲ့ပါတယ်။
အဆိုပါတပ်စုမှူးဟာ ယင်းမာပင်ခရိုင်အမှတ် (၁၁) တပ်ရင်း၊ကျားသစ်နက်တပ်မတော်-BLPA မှ အသက် ၂၄ နှစ်အရွယ် ကျော်ကြီး (ခ) ကျော်မျိုးသူဖြစ်ပြီး ဇွန် ၁၉ ရက်မှာစနိုက်ပါ ကျည်ထိမှန်ကျဆုံးခဲ့တာပါ။
စစ်ကောင်စီတပ်သားတွေကို အလင်းဝင်ဖို့အော်နေချိန်မှာခေါင်းကိုစနိုက်ပါထိမှန်ပြီးကျဆုံးခဲ့တာလို့ BLPA ရဲ့ တာဝန်ရှိသူတဦးက ပြောပါတယ်။
တပ်စုမှူးကျော်ကြီးမှာ ဇနီးနဲ့ကလေးငယ်ကျန်ရှိခဲ့ကာ သူရဲ့အလောင်းကိုတော့ဇွန် ၂၀ ရက်မနက် ၉ နာရီကျော်မှာ စျာပနအခမ်းအနားကိုပြုလုပ်ပြီးမီးသင်္ဂြိုဟ်ပေးခဲ့တယ်လို့ ဆိုပါတယ်။
တည်းဖြတ် – HP