အမ်း၊ ဖေဖော်ဝါရီ ၆၊ ၂၀၂၃။
စစ်ကိုင်းတိုင်း၊ ဆာလင်းကြီးမြို့နယ်၊ ပုသိမ် – မုံရွာလမ်းမှာ ဖေဖေါ်ဝါရီလ ၆ ရက် ဒီနေ့ညနေက တော်လှန်ရေးအင်အားစု ၂ ဖွဲ့ပေါင်းပြီး ပြောက်ကျားသပိတ် ဖော်ဆောင်ခဲ့ကြပါတယ်။
“ဖက်ဆစ်ရွေးကောက်ပွဲသပိတ်မှောက် ဖက်ဒရယ်လမ်းကို ရဲရဲလျှောက်” စာသားကိုင်ဆောင်ကာ အညာပစ်တိုင်းထောင်လေးများအဖွဲ့နဲ့ မုံရွာလူငယ်များအစည်းရုံးတို့က ပူးပေါင်းခဲ့ကြတာလို့ သိရပါတယ်။
စစ်ကိုင်း၊ ဇန်နဝါရီ ၂၄၊ ၂၀၂၃။
စစ်ကိုင်းတိုင်း၊ ဆာလင်းကြီးမြို့နယ်အတွင်းက စစ်ကောင်စီတပ်တွေမီးရှို့ခဲ့တဲ့ကျေးရွာ ၃ ရွာကဒေသခံတွေကို ဇန်နဝါရီလ ၂၃ ရက်မနေ့ကညနေပိုင်းမှာ မီးဖိုဆောင်သုံးပစ္စည်းတွေနဲ့အဝတ်အထည်တွေလှူဒါန်းခဲ့တယ်လို့ သိရပါတယ်။
အညာပစ်တိုင်းထောင်လေးများအဖွဲ့၊ ဓားမဆိုင်းဗိုလ်စွမ်းနဲ့ Dhamma Worker Group Singapore) တို့ပူးပေါင်းကာ မီးဘေးသင့်နေအိမ် ၈၇ အိမ်ကိုတအိမ်လျှင် ဒန်အိုးနဲ့ ဒယ်အိုး ၁လုံးစီ၊ ဇလုံ ၂ လုံး၊ဇွန်း ၃ ချောင်း၊ ကြွေအုပ် ၁ လုံး၊ ဆန်၂ ပြည်၊ ဆီ ၅၀ ကျပ်သားနဲ့ အ၀တ်အထည်အချို့ကို လှူဒါန်းခဲ့တာလို့သိရပါတယ်။