ချန်ပီယံ

မြေလတ်အသံ၊ ဒီဇင်ဘာ ၇၊ ၂၀၂၅။

မြန်မာပြည်ဖွား ချင်းလူငယ်ဖိုက်တာ ဂျော့ရှ်ဝါဗန် ဟာ လက်ရှိချန်ပီယံ ပန်တိုဂျာကို ပထမအချီ ၂၆ စက္ကန့်မှာပဲ TKO (Technical Knockout) နဲ့ အနိုင်ရှိပြီး UFC ဖလိုင်းဝိတ်တန်း ချန်ပီယံဖြစ်လာပါပြီ။

ဒါဟာ အာရှတိုက်ဖွား ဖိုက်တာတွေထဲမှာ ပထမဆုံးသော UFC ချန်ပီယံ ဖြစ်ပြီး UFC သမိုင်းတလျှောက် ဒုတိယမြောက် အသက်အငယ်ဆုံး ချန်ပီယံလည်း ဖြစ်ပါတယ်။

ဂျော့ရှ်ဝါဗန်ဟာ ချန်ပီယံခါးပတ်ကို ၄ ကြိမ်အထိ ကာကွယ်ထားနိုင်ခဲ့တဲ့ ဖလိုင်းဝိတ်တန်းရဲ့ အကောင်းဆုံးဖိုက်တာ ပန်တိုဂျာကို အနိုင်ယူပြီး သူဖြစ်ချင်ခဲ့တဲ့ဆန္ဒတွေအတိုင်း မြန်မာ့ဂုဏ်ဆောင် UFC ချန်ပီယံတစ်ယောက် ဖြစ်လာတာလည်း ဖြစ်ပါတယ်။

မြေလတ်အသံ၊ ဧပြီ ၂၈၊ ၂၀၂၅။

ယနေ့ည ယှဉ်ပြိုင်ခဲ့တဲ့ ပရီးမီးယားလိဂ် ပွဲစဉ် ၃၄ မှာ စပါးအသင်းကို ဂိုးပြတ်အနိုင်ရလဒ်နဲ့အတူ ၂၀၂၄-၂၀၂၅ ရာသီ အင်္ဂလိပ်ပရီးမီးယားလိဂ် ချန်ပီယံဆုဖလားကို လီဗာပူးအသင်းက ရယူသွားနိုင်ခဲ့ပါပြီ။

အိမ်ကွင်း အန်ဖီးလ်မှာ စပါးကို ၅-၁ ဂိုးရလဒ်နဲ့ ဂိုးပြတ်အနိုင်ရခဲ့ပြီးတဲ့နောက် လီဗာပူးလ်အသင်း စုစုပေါင်းရမှတ် ၈၂ မှတ်ရရှိခဲ့ပြီး အဆင့် ၂ နေရာက အာဆင်နယ်အသင်းက စုစုပေါင်းရမှတ် ၆၇ မှတ်သာရရှိထားတဲ့အတွက် အမှတ်ပေးဇယား အဆင့် ၁ နေရာက လီဗာပူးလ်အသင်းကို လိုက်မမီတော့လို့ ရာသီကုန်ဖို့လက်ကျန် ၄ ပွဲအလိုမှာပဲ လီဗာပူးလ်အသင်းက ချန်ပီယံဖြစ်ခဲ့တာဖြစ်ပါတယ်။

အခုရရှိတဲ့ ချန်ပီယံဆုဖလားဟာ ပြည်တွင်းအမှတ်ပေးချန်ပီယံ အကြိမ် ၂၀ မြောက် ရရှိခဲ့တာဖြစ်လို့ အင်္ဂလိပ်ပရီးမီးယားလိဂ်ရဲ့ အအောင်မြင်ဆုံးအသင်းဖြစ်တဲ့ မန်ချက်စတာယူနိုက်တက်ရဲ့ ပြည်တွင်းအမှတ်ပေးချန်ပီယံ အကြိမ် ၂၀ စံချိန်ကို လိုက်မီသွားခဲ့ပါပြီ။

ဒီရာသီ ပွဲစဉ် ၃၄ အပြီး နိုင်ပွဲ ၂၅ ပွဲ၊ သရေ ၇ ပွဲရရှိခဲ့ပြီး ၂ ပွဲသာ ရှုံးနိမ့်ခဲ့တဲ့ လီဗာပူးလ်အသင်းဟာ နည်းပြသစ် အာနဲစလော့ရဲ့ ပထမဆုံးရာသီမှာတင် ချန်ပီယံဆုဖလား ကိုင်မြှောက်နိုင်ခဲ့တာပါ။

လွန်ခဲ့တဲ့ ၅ နှစ် ၂၀၁၉ – ၂၀၂၀ ရာသီမှာလည်း လီဗာပူးလ်အသင်း ချန်ပီယံဆုဖလားရရှိခဲ့သေးပေမယ့် ကိုဗစ်ကာလအတွင်းဖြစ်တာကြောင့် ပရိသတ်မပါဘဲ အောင်ပွဲခံခဲ့ရပြီး အခုနှစ်မှာတော့ အန်ဖီးလ်ကွင်းမှာ ပရိသတ်အပြည့်နဲ့ လီဗာပူးလ်အသင်း အောင်ပွဲခံနိုင်ခဲ့ပြီပဲ ဖြစ်ပါတယ်။

Photo – Liverpool FC.