စစ်ကိုင်း၊ ဇွန် ၁၃၊ ၂၀၂၃။
စစ်ကိုင်းတိုင်း၊ ဆားလင်းကြီးမြို့နယ်ထဲ ကျေးရွာတရွာမှာ မြေပြင်စစ်ကြောင်းနဲ့ တိုက်ပွဲတွေရှိနေတဲ့ကြားက ဆန္ဒပြခဲ့ကြတယ်လို့ ၅/လက်ပံတောင်းတောင်သပိတ်စစ်ကြောင်း တာဝန်ခံတဦးကတဆင့် သိရပါတယ်။
ဇွန်လ ၁၃ရက် ဒီနေ့ ညနေ ၄နာရီခွဲက ပြုလုပ်ခဲ့တာဖြစ်ပြီး “ငါတို့တော်လှန်ရေး၊ ငါတို့အနာဂတ်၊ ငါတို့အောင်ပွဲ”၊ “ကမ္ဘာမကြေဘူး” စတဲ့စာသားပါ ဘန်နာတွေကိုင်စွဲပြီး စီတန်းလှည့်လည်ကာ ကြွေးကြော်သံတွေ အော်ခဲ့ကြတယ်လို့ဆိုပါတယ်။
ဆားလင်းကြီးမြို့နယ်၊ ညောင်ပင်ကြီးကျေးရွာအနီးတဝိုက်မှာ တိုက်ပွဲတွေဖြစ်ပွားနေသလို၊ စစ်ကောင်စီစစ်ကြောင်းတွေလည်း ရှိနေပေမယ့် ပြည်သူအင်အား ၁၀၀နီးပါးနဲ့ ထွက်ခဲ့တာလို့လည်း သိရပါတယ်။