မြေလတ်အသံ၊ စက်တင်ဘာ ၁၉၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ စက်တင်ဘာ ၁၉၊ ၂၀၂၅။
ပဲခူးတိုင်း၊ ဥသျှစ်ပင်မြို့နယ်၊ ဆင်လန်ကျေးရွာကာကင်းစခန်းအနီးရှိ အာရက္ခတပ်တော် (AA) နဲ့ ပူးပေါင်းတပ်တွေ ထိန်းချုပ်ထားတဲ့ လေသာတောင်ကုန်းကို စစ်ကော်မရှင်တပ်က ထိုးစစ်ဆင်တိုက်ခိုက်ခဲ့ပြီး တိုက်ပွဲအတွင်းမှာလည်း စစ်ကော်မရှင်ဘက်က ထိခိုက်သေဆုံးမှုတွေရှိနေတယ်လို့ မြေပြင်အခြေအနေ သိရှိသူတွေဆီက သိရပါတယ်။
ဆင်လန်ကျေးရွာနဲ့ ၁ မိုင်ကျော်အကွာ လေသာတောင်ကုန်းကို ပြီးခဲ့တဲ့စက်တင်ဘာ ၁၁ ရက်ကစတင်ကာ AA ပူးပေါင်းတပ်တွေက ထိန်းချုပ်ခဲ့တာဖြစ်ပြီး စက်တင်ဘာ ၁၇ ရက်မနက်ပိုင်းကစလို့ စစ်ကော်မရှင်တပ်က စတင် ထိုးစစ်ဆင်တိုက်ခိုက်ခဲ့တာလို့ ဆိုပါတယ်။
“ဆင်လန်နားက လေသာတောင်ကို လုနေတယ်ပြောတယ်။ လောလောဆယ် လေသာတောင်က AA လက်ထဲမှာ။ အဲ့ဒါကို ထိုးစစ်ဆင်နေတာ စစ်တပ်ဘက်က။ အဲ့နားတဝိုက်မှာ လေသာတောင်ကအမြင့်ဆုံးပဲ။ လေသာတောင်ကိုရတဲ့ဘက်က သာတာပဲလို့ သိရတယ်”လို့ မြေပြင်စစ်ရေးအခြေအနေကိုသိရှိသူတဦးက ပြောပါတယ်။
ဆင်လန်စခန်းရှိ စစ်ကော်မရှင်တပ်သား ၁၀၀ ခန့်က လေသာတောင်ကုန်းကို ထိုးစစ်ဆင်တိုက်ခိုက်ခဲ့ရာ တိုက်ပွဲမှာ ညနေ ၅ နာရီအထိကြာမြင့်ခဲ့ကာ တိုက်ပွဲအတွင်း ထိခိုက်သေဆုံးခဲ့တဲ့ စစ်ကော်မရှင်တပ်ဖွဲ့ဝင်တွေကို ဥသျှစ်ပင်မြို့က နာရေးကား ၂ စီးနဲ့ ရွှေတောင်မြို့၊ အမှတ် ၆ ကုတင် ၁၀၀ စစ်ဆေးရုံကိုပို့ဆောင်ခဲ့ရတယ်လို့ ဆိုပါတယ်။
“အဓိက စစ်တပ်ဘက်က အကျဆုံးများတာ။ စနိုက်ဘာ ထိမှန်တာလို့ထင်တယ်။ ဆေးရုံကိုပို့တဲ့နေ့က ကားပေါ်မှာ Dead Body တွေကိုမြင်လိုက်ရတယ်။ အသေ ၁၀ လောင်းတော့ရှိမယ်။ တပ်သားအလောင်းတွေတော့ မဟုတ်လောက်ဘူး၊ ဗိုလ်အဆင့်တွေချည်းပဲဖြစ်မယ်ထင်တယ်”လို့ မြေပြင်စစ်ရေးအခြေအနေကို သိရှိသူတဦးကပြောပါတယ်။
စက်တင်ဘာ ၁၈ ရက်နဲ့ ၁၉ ရက်ဒီကနေ့မှာတော့ တိုက်ပွဲဖြစ်သံမကြားရဘဲ အခြေအနေငြိမ်နေတယ်လို့ သိရပြီး AA ဘက်ကတော့ တိုက်ပွဲနဲ့ပတ်သက်ပြီး ထုတ်ပြန်ကြေညာတာ မရှိသေးပါဘူး။
စက်တင်ဘာ ပထမအပတ်ကစတင်ပြီး ဆင်လန်စခန်းကတဆင့် AA သိမ်းပိုက်ထားတဲ့ ညောင်ကျိုးစခန်းကို ပြန်လည်ထိုးစစ်ဆင်ရာမှာ စစ်ကော်မရှင်တပ်ဘက်က စကခ-၄၊ တောင်ပိုင်းတိုင်းစစ်ဌာနချုပ်(တပခ)၊ ကပစ-၆၊ ကပစ-၅၊ အလယ်ပိုင်းတိုင်းစစ်ဌာနချုပ်(လပခ)မှ စစ်ကြောင်းတွေကို အသုံးပြုနေပေမယ့် အောင်မြင်မှုမရရှိကြဘူးလို့ CDM ဗိုလ်ကြီးဇင်ယော်က ပြောပါတယ်။
အာရက္ခတပ်တော် – AA နဲ့ PDF ပူးပေါင်းတပ်တွေဘက်ကလည်း စစ်ကော်မရှင်တပ်ရဲ့ ထိုးစစ်ကိုပြန်လည် ခုံခံထားနိုင်သလို အမှတ် (၆) ကာကွယ်ရေးပစ္စည်းစက်ရုံ – ကပစ-၆ တည်ရှိတဲ့ ညောင်ခြေထောက်နဲ့ ၁၀ မိုင်အကွာအထိကိုလည်း ထိုးစစ်ဆင်တိုက်ခိုက်နေတယ်လို့ ဗိုလ်ကြီးဇင်ယော်က ဆက်ပြောပါတယ်။
ဆင်လန်ကျေးရွာမှာ ညောင်ကျိုးနဲ့ ညောင်ခြေထောက်ကျေးရွာ ၂ ရွာကြားမှာတည်ရှိပြီး ညောင်ကျိုးကျေးရွာနဲ့ ၄ မိုင်ခန့် အမှတ် ၆ ကာကွယ်ရေးပစ္စည်းထုတ် စက်ရုံ(ကပစ -၆) တည်ရှိတဲ့ ညောင်ခြေထောက်ကျေးရွာနဲ့ ၇ မိုင်ခန့်ကွာဝေးပါတယ်။
စာတည်း – လင်း
မြေလတ်အသံ၊ စက်တင်ဘာ ၁၈၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ စက်တင်ဘာ ၁၈၊ ၂၀၂၅။
ပဲခူးတိုင်း၊ နတ်တလင်းမြို့နယ်က စစ်ကော်မရှင်ခန့် ရာအိမ်မှူး ၁ ဦးကို စက်တင်ဘာ ၁၇ ရက်မနက် ၉ နာရီကျော်မှာ ပစ်ခတ်ရာသေဆုံးခဲ့တယ်လို့ သာယာဝတီခရိုင် ၃၈၀၁၊ တပ်ခွဲ ၇ ဆီကသိရပါတယ်။
အသတ်ခံရသူဟာ ရှားစီးဘိုရွာအောက်စု အသက် ၅၀ ကျော်အရွယ် ရာအိမ်မှူးဖိုးကျော်ဖြစ်ပြီး သူ့ရဲ့နေအိမ်အနီးမှာ တော်လှန်ရေးတပ်ဖွဲ့ဝင်တွေကပစ်ခတ်ရာမှာ သေဆုံးခဲ့တာလို့ ဆိုပါတယ်။
“ကျနော်တို့ရဲဘော်တွေ သူ့အိမ်ရှေ့ရောက် ထွက်ပြေးတော့ သူ့အိမ်နဲ့ဆိုအရမ်းတော့မဝေးဘူး။ သုံး၊ လေး အိမ်လောက်ပဲကျော်မယ်။ အဲ့ သုံး၊ လေးအိမ်အရောက်မှာ လှမ်းပြီးပစ်လိုက်တော့ မှန်သွားတော့လဲသွားတာ။ အဲ့နေရာမှာဘဲ ရှင်းလင်းခဲ့တယ်ပေါ့ “လို့ ၃၈၀၁၊ တပ်ခွဲ ၇ မှ တပ်ခွဲမှူးလှော်ကြီးက ပြောပါတယ်။
ရာအိမ်မှူးလုပ်သက် ၃ နှစ်ရှိပြီဖြစ်တဲ့ ဖိုးကျော်ဆီကနေ ဆိုင်ကယ် ၁ စီး၊ လက်ကိုင်ဖုန်း ၁ လုံးတို့ကို သိမ်းဆည်းရရှိခဲ့ကာ သူနေထိုင်တဲ့ ရှားစီးဘိုရွာဟာ စစ်ကောင်စီတပ်စခန်းရှိတဲ့ ဒမင်ငယ်ကျေးရွာနဲ့ ၁ မိုင်ကျော်ကွာတာကြောင့် ပစ်ခတ်ပြီးပြန်လည်ဆုတ်ခွာခဲ့တယ်လို့ တပ်ခွဲမှူးလှော်ကြီးက ဆိုပါတယ်။
ရာအိမ်မှူး ဖိုးကျော်ဟာ စစ်ကော်မရှင်တပ်ဘက်က အမာခံရပ်တည်ပြီး ပြည်သူလူထုကို စစ်မှုထမ်းဖို့ ပေါ်တာဆွဲတာ၊ စစ်မှုထမ်းကြေး အတင်းအဓမ္မကောက်ခံတာတွေကို လုပ်ဆောင်နေသူတဦးလည်းဖြစ်တယ်လို့ သိရပါတယ်။
ပြီးခဲ့တဲ့နှစ်၊ မတ် ၁၅ ရက်ကလည်း နတ်တလင်းမြို့နယ်၊ ကျောက်ခွက်အုပ်စု၊ စစ်ကော်မရှင်ခန့် အုပ်ချုပ်ရေးမှူး အသက် ၅၅ နှစ်အရွယ်ရှိတဲ့ ကိုဝင်းသိန်း ကိုလည်း သူနေတဲ့ကျောက်စွယ်ရွာမှာဘဲ နတ်တလင်းမြို့နယ် ပြည်သူ့ကာကွယ်ရေးအဖွဲ့ (ပကဖ)က သေနတ်နဲ့ပစ်ခတ်ခဲ့ပါသေးတယ်။
စာတည်း – လင်း
မြေလတ်အသံ၊ စက်တင်ဘာ ၁၇၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ စက်တင်ဘာ ၁၆၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ စက်တင်ဘာ ၁၅၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ စက်တင်ဘာ ၁၅၊ ၂၀၂၅။
ပဲခူးတိုင်း၊ ဖြူးမြို့နယ်၊ ညောင်ပင်သာကျေးရွာအထွက် ရန်ကုန်-မန္တလေးလမ်းဟောင်းပေါ်မှာ ဘုန်းကြီးတပါးမောင်းလာတဲ့ကားပေါ်က လက်နက်ခဲယမ်းတွေဖမ်းဆီးခံရတယ်လို့ ဒေသခံတွေထံက သိရပါတယ်။
စက်တင်ဘာ ၁၄ ရက် ယမန်နေ့ မနက် ၁၀ နာရီခန့်မှာ ဘုန်းကြီးတပါးမောင်းနှင်လာတဲ့ အိမ်စီးကားအမဲရောင်ကို ညောင်ပင်သာကျေးရွာထိပ် စစ်ဆေးရေးဂိတ်စစ်ကော်မရှင်တပ်သားတွေက တားဆီးစစ်ဆေးရာက ဖမ်းဆီးခံခဲ့ရတာလို့ ဆိုပါတယ်။
” ကားက နယ်ခံကားမဟုတ်ဘူး။ မြို့ထဲပတ်သွားနေလို့ အထွက်မှာဖမ်းခံရတာ။ လမ်းမကျွမ်းလို့ရွာလည်နေတော့ မသင်္ကာလို့ဖမ်းခံရတာ။ အဲ့နေရာတွေက ရန်ကုန်-မန္တလေးလမ်းဟောင်းပေါ်ဆိုတော့ ကားကပတ်သွားနေတာဆိုတော့ ရိပ်မိမှာပေါ့။ အဖြတ်မှာမိတဲ့သဘောပဲ”လို့ ဖြစ်စဥ်ကိုသိထားတဲ့မြို့ခံတဦးက မြေလတ်အသံကို ပြောပါတယ်။
ဖမ်းဆီးခံရတဲ့လက်နက်၊ ခဲယမ်းတွေဟာ နယ်မြေခံတော်လှန်ရေးအဖွဲ့တွေရဲ့ လက်နက်တွေမဟုတ်ဘဲ ဘယ်တပ်ဖွဲ့အတွက်သယ်ဆောင်လာတဲ့ လက်နက်တွေဆိုတာကိုတော့ မသိရှိရဘူးလို့ ဖြူးမြို့နယ်တော်လှန်ရေးတပ်ဖွဲ့ဝင်တဦးက ပြောပါတယ်။
စစ်ကော်မရှင်နဲ့ ၎င်းတို့ကိုထောက်ခံရေးသားနေတဲ့တယ်လီဂရမ်တွေမှာတော့ PDF အဖွဲ့ဝင် ဘုန်းကြီးအယောင်ဆောင် သန်းလွင် ဆိုသူက ဖြူးမြို့နယ်၊ ကျောက်တိုင်ကျေးရွာက သယ်ဆောင်လာတဲ့ လက်နက်တွေကို ပဲခူးဘက်ကို ပို့ဆောင်စဥ်မှာ ဖမ်းမိခဲ့တာလို့ ဖော်ပြကြပါတယ်။
စစ်ကော်မရှင်ဘက်က ထုတ်ပြန်လာတဲ့ ဖမ်းဆီးရမိလက်နက်ဓာတ်ပုံတွေအရ မောင်းပြန်သေနတ်မျိုးစုံ ၉ လက်၊ ကျည်ဘောက်တွေနဲ့ ကျည်ဆံအများအပြား ဖမ်းဆီးခံထားရတာကို တွေ့ရပါတယ်။
ဒါ့အပြင် ယမန်နေ့ညနေပိုင်းမှာပဲ ဖမ်းဆီးခံထားရသူ ကိုသန်းလွင်ဆီ လက်နက်လာယူမယ့်သူတွေကို ထပ်မံဖမ်းဆီးဖို့စောင့်ဆိုင်းနေစဥ် ရန်ကုန်-မန္တလေးအမြန်လမ်း မိုင်တိုင်အမှတ် ၁၂၇/၆ အနီးမှာ လက်နက်လာယူသူတွေနဲ့ စစ်ကော်မရှင်တပ်ဖွဲ့တွေအကြား ထိတွေ့တိုက်ပွဲတွေဖြစ်ခဲ့ပြီး ပစ်ခတ်မှုဖြစ်နေချိန်အတွင်း သန်းလွင်မှာ ထွက်ပြေးတာကြောင့် ပစ်ခတ်ခဲ့တယ်လို့ စစ်ကော်မရှင်ပြန်ကြားရေးက သတင်းထုတ်ပြန်ထားပါတယ်။
ဩဂုတ် ၂၁ ရက် ကလည်း ရေတာရှည်မြို့နယ်၊ ညောင်ပင်သာကျေးရွာလမ်းဆုံအနီးမှာ လက်နက်သယ်လာသူ ၂ ဦးကို စစ်ကော်မရှင်တပ်သားတွေက ဖမ်းဆီးပစ်ခတ်ခဲ့ရာ ၁ ဦးသေဆုံးပြီး ၁ ဦးဖမ်းဆီးခံလိုက်ရတယ်လို့ သိရပါတယ်။
စာတည်း – ဟိန်းစံ
မြေလတ်အသံ၊ စက်တင်ဘာ ၁၄၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။
မြေလတ်အသံ၊ စက်တင်ဘာ ၁၃၊ ၂၀၂၅။
မြေလတ်ဒေသကသတင်းတွေကို တင်ဆက်ပေးနေတဲ့ မြေလတ်အသံသတင်းဌာနရဲ့ တနေ့တာသတင်း အစီအစဉ်ဖြစ်ပါတယ်။
စတဲ့သတင်းတွေကို တင်ဆက်ထားပါတယ်။