MLAT မြေလတ်အသံ၊ ဇွန် ၂၀၊ ၂၀၂၅ ။
စစ်ကိုင်းတိုင်း၊ ပုလဲမြို့နယ်၊ ကန့်ဒေါင့်နယ်မြေရဲစခန်းကို ပြည်သူ့လွတ်မြောက်ရေးတပ်မတော်-PLA နဲ့ ပူးပေါင်းတပ်ဖွဲ့တွေက ဇွန် ၁၉ ရက် ယမန်နေ့မနက်ပိုင်းမှာ အပြီးသတ်သိမ်းပိုက်နိုင်ခဲ့ပြီး စခန်းသိမ်းတိုက်ပွဲအတွင်း စစ်ကောင်စီတပ်ဖွဲ့ဝင် ၄၀ ကျော်သေဆုံးတယ်လို့ PLA သတင်းနဲ့ပြန်ကြားရေးတာဝန်ခံက ပြောပါတယ်။
ဇွန် ၂ ရက်က စတင်တိုက်ခိုက်ခဲ့တဲ့ အဆိုပါရဲစခန်းသိမ်းတိုက်ပွဲကို ၃ ပတ်နီးပါးကြာတိုက်ခိုက်ခဲ့ရပြီး စစ်ကောင်စီတပ်က လက်နက်ကြီး၊ လေကြောင်းအများအပြားပစ်ကူပေးမှုအပြင် မြေပြင်စစ်ကူတွေ ပို့ဆောင်တိုက်ခိုက်ခဲ့တဲ့ကြားက သိမ်းပိုက်နိုင်ခဲ့တာပါ။
နယ်မြေရှင်းလင်းမှုတွေ လုပ်ဆောင်စဥ် စစ်ကောင်စီတပ်ဖွဲ့ဝင်တွေရဲ့ ပုပ်ပွနေတဲ့ ရုပ်အလောင်းအများအပြားတွေ့ရှိခဲ့ရကာ အရှင်ဖမ်းဆီးရမိသူတွေလည်းရှိသလို လက်နက်ခဲယမ်းတွေနဲ့ ဂျန်မာအပါအဝင် စစ်အသုံးအဆောင်ပစ္စည်းအများအပြားရရှိခဲ့ပြီး စခန်းသိမ်းပြီးနောက် နယ်မြေရှင်းလင်းရေးလုပ်နေတဲ့ မြင်ကွင်းတွေကို ဒီရုပ်သံမှတ်တမ်းမှာ မြင်တွေ့ရမှာဖြစ်ပါတယ်။
တည်းဖြတ် – M